खबरदुत 21:13 - चेपाङ

¹³ ओउःत गानाक्‌ती तोङुसुतो “नीङ्इ इच्‍युक्‌लेः र्‍याःती झ्‍यान्‍ते ङाकोः ल्‍हुङ् लीह्‌तेःताक्‌तेःनाङ्‌स। इपाय् परल ङाकोः प्रभु येसुकोः काम् जाङ्‌ह्‌साकायः ओउः यरुसालेम्‌कोः मान्‍तालम्इ ङाकायः पानःनाःताङः त खेःयामा सात्‌नाःताङः त खेःयामा दोह् खेःयामा ङा आल्‌सा ग्‍यालेःनाङः” त दाय्‍ह्‌ती पावुल् त्‍याङ्आ।

खबरदुत 21:13 ပူးပေါင်းရင်းမြစ်များ

खबरदुत 20:24

इच्‍युक् ह चीःआलाङः दोह्‌गार्‌ स्‍याव्‌पाः ङाइ लीह्‌ङल। सीचाङःया स्‍याक्‌चाङःया प्रभु येसुइ ङाकायः दोह् काम्‌लो बयःचाःताङः ओउः काम्‌लेः ङाइ दप्‌ती जाङ्‌ह्‌सा दोःपाङः इ ह ङा झाक्‌नाङः। ओउःइ बयःओ काम्‌पाय् इलेःआः मान्‍ता मान्‍तालम्‌कायः परमेस्‍वर्‌कोः पेओ समचार्‌ तोसा लेःआः।

खबरदुत 20:37

परमेस्‍वर्‌कायः तोआक्‌तीको “द्याह्‌हाङःसै नीङ्इ ङाकायः गलमा च्‍यवःतेःनाङ्‌सल” त पावुल्इ तोती झ्‍यान्‍ते ओउः एफेसस्‌सै वाङ्ओलम्इ न्‍हाङ्‌तोलेः ल्‍हुङ् क्‍लय्‍ह्‌ती रुय्‍क्‌ती र्‍याःती दाम्आकानी। ओहाङःसैको ग्रोम्‌काय्‌ती दाम्आक्‌तीको पावुल्‌कायः ङी ङ्‌हा वाह्ओ तीःजहास्‌ताङ् दाक्आकानी।

खबरदुत 5:41

फेआक्‌तीको ओउः छ्युङ्‌ह्ओमयःलम् सभासै ग्‍ल्‍युङ्‌ह्‌ती “लौ येसुकोः कुरा तोसाकायः परमेस्‍वर्‌इ ङीकायः लीह्‌सीःओ च्‍यवःसा ताक्आतय्‍ही बा” त चोङाय्‌तीलेः पाय्‍ह्आकाय्।

खबरदुत 9:16

ङाकोः काम् जाङ्‌ह्‌साकायः ओउःइ आन लीह्‌सीःओ च्‍यवःसा खेःनाः इत ङाइ ओउःकायः चीःताक्‌लेःनाङः” त दाय्‍ह्‌ती प्रभु येसुइ हननायाकायः तोआथै।

१ कोरीन्‍थी 15:31

माः रैस पुःचोङ् हौचोङ्‌य ङीकोः प्रभु येसु ख्रीस्‌कायः नीङ्इ ङ्‌हाम्‌तोलेः मुतेःनै त खेःओ ङा नेह्‌रो ओर्‌ताक्‌तीलेः “ओउःमयःकायः ङा दीन् दीन्‌हाङः सीझुङ्‌नाङः” त दाय्‍ह्‌तीलेः दोङ् कुरा दाय्‍ह्‌नाङः।

फीलीपी 2:17

माः रैस नीङ्इ परमेस्‍वर्‌कायः जाङ्‌ह्ओ काम्‌कुस्‌मा ओउःकायः ल्‍हाओ ङ्‌हाम्‌राय्‌कुस्‌मा ङाकोः होती सीओ वयःमा ल्‍हाती बयःसा खेःतो त खेःया ङा चोङाय्‌तीलेः मुनाङः। नीङ्‌कुस् ङा चोङाय्‌तीलेः मुनाङः

फीलीपी 2:26

द्याह् ओउःपाय् नीङ्‌कायः आन झाह्‌ती ल्‍हुङ् र्‍याङःतोलेः मुनाः दोह् हायःती दाय्‍ह्‌सा “ओउःपाय् आन जीक्‌नाः” त दाय्‍ह्ओ ओउःकायः कुरा सायःताङःतेःआकानी।

कोलसी 1:24

नीङ्‌कायः पेतो स्‍याव्‌सा थेङा ङा लीह्‌तो गोरःसा त खेःया चोङाय्‌तीलेः मुनाङः दोह् हायःती दाय्‍ह्‌सा ख्रीस्‌कोः आङ् त तोओ सबै ङ्‌हाम्ओलम्‌कायः ख्रीस्‌कोः लीह्ओ दोह् दोह् दाह्‌धाङ्‌माःत मुलेःनाः ओउः लीह्ओलेः ङाइ द्याह् लयःकोः आङ्इलेः दप्‌साकायः गोरःनाङः।

२ तीमोथी 1:4

ओउःत तेती तोतोक्‌हाङः नीची वेङ्‌काय्‌सा बोङःओ बेलाहाङः नाङ् र्‍याःओपाय् गीलती नाङ्‌कायः फेरी योसा आन झाह्‌लेःनाङः। नाङ्‌कुस् क्रुस्‌सा दोःनाङः त खेःया ङापाय् जुगाङ् चोङाय्‌तो स्‍याव्‌नाङः।

२ तीमोथी 4:6

नाङ्‌खेकायः ङाइ एत तोलेःनाङः। ङाखेपाय् द्याह् लयःकोः ज्‍युआङ् भोगरती क्‍लेह्‌सा खेःनाङः ल्‍हाव्‍ह्‌दैबाङ्‌सै लन्‍ह्‌सा बेला दाह्‌खेःआलाङः।

२ पत्रुस् 1:14

दोह् हायःती दाय्‍ह्‌सा नाःतो दीन् पुत्‌मालोहाङः इ आङ्‌पाय् फेसा खेःनाङः ङीकोः प्रभु येसु ख्रीस्इ ओउःत ङाकायः दोङ्‌ह्‌तीलेः तोती झ्‍यान्‍ते एत स्‍याव्‌नाङः त चीःआलाङः।

प्रकाश 12:11

ङीकोः पुःचोङ् हौचोङ्‌लम्इपाय् भेदाकोः चोःकोः वयःइमा ओउःकोः कुरा छ्यानःतीमा सैतान्‌कायः क्‍लीमःआकानी। ख्रीस्‌कोः कुरा छ्यानःसाकायः ‘लौ सीसामा ग्‍यालेःनाङी’ त दाय्‍ह्‌तीलेः नोःआकाय्।

प्रकाश 3:10

ङाइ तोओलो लेखालेः नाङ्इ गुह्र्माःत ल्‍युङ्‌ह्‌तेःआकान् ओउःत झ्‍यान्‍ते ल्‍हाव्‍ह्‌दैबाङ्‌हाङः लोनेः वाङ्‌सा खेःओ सबै तय्‌छनःती योसाकायः लीह्‌सीःओ च्‍यवःओ बेलाहाङः ओउः बेलाहाङःपाय् ङाइ नाङ्‌कायः पेतो ओम्‌पायःतीलेः गम्‌नेःनाङ् बा।