खबरदुत 21:11 - चेपाङ11 ङीकःताङ् दाह्ती वाङ्आक्तीको आगाबस् त तोओइ पावुल्कोः तोङःनाय् त्याक्ती ओउःकोः लयःकोः दोम् क्रुत् पानःती “लौ इ तोङःनाय् मुह्ती मुओ मान्ताकायः इतलेः ‘यरुसालेम्कोः यहुदीलम्इ पानःती गम्आक्तीको ओउःकायः अरु जात्कोः मान्तालम्कायः दाक्नाःथै’ त दाय्ह्ती ङाकायः परमेस्वर्कोः ग्वालामःइ तोआताङः” त दाय्ह्ती आगाबस्इ तोआताङी। အခန်းကိုကြည့်ပါ။ |
खबरदुत 21:11
34 ပူးပေါင်းရင်းမြစ်များ
तीःजहास्सै ग्ल्युङ्ह्आक्तीको ङीइ ओउः सहर्कोः येसुकायः ङ्हाम्ओ मान्तालम्कायः बोङःती क्रुस्आलाङःसु। क्रुस्आक्तीको ओउःमयःकुस्इ ङी यात् सातच्युक्कायः मुआलाङी। ओउःमयःकुस् मुतोक् बेलाहाङः यात्नीस् ङ्हाम्ओलम्कायः “लौ यरुसालेम्हाङः पावुल्कायः चुम्नानी” त परमेस्वर्कोः ग्वालामःइ ओउःमयःकायः तोती छ्यानःआथास ओउःत झ्यान्ते ङ्हाम्ओलम्इ “यरुसालेम्ताङ् आल्तेःचाः” त दाय्ह्ती पावुल्कायः गानाक्ती तोथातो ओउःमयःइ तोओ कुरा पावुल्इ सायःउलु।
ओउःत नोःआक्तीको “ङाइ नाङ्कायः ज्याङःतोकायः होम्ती नोःसाया ज्याङःमालोकायः नोःसाया ङाइ नाङ्कायः जुगाङ्लेः होम्सा बोङःनाङः। नाङ्मा इहाङःकोः मुओलम्मा ‘इ सबै ङालो लेखा स्याव्सा आन पेनाः’ त म्हर्ती परमेस्वर्कः तेती तोनेःनाङ्स। इ साङ्लाइ पानःओ आले ह ङा लेखा स्याव्सा खेःल” त पावुल्इ दाय्ह्ती तोआकान्।
ओहाङःसैको दाह्आक्तीको सुम्दीन् पुत्ओहाङः ओउः रोम् सहर्हाङः मुओ ताङ्ह्ओ यहुदीलम्कायः पावुल्इ गोत्आकान्। ओउःमयः गोत्ती हुम्आक्तीको “लौ पुःचोङ् हौचोङ्य ङी यहुदी जात्कोः आय्कानः तोकानःइ जवओ ऐन्लम् छ्यात्लम् ङाइ दोह्मा बीक्रताक्माःत मुङोतो यरुसालेम्कोः मान्तालम्इ ङाकायः चुम्ती पानःती रोमी मान्तालम्कायः दाक्ती ल्हाआताङः।
लौ इ कुरा नोःती छ्यानःसा थेङा ङाइ नीङ्कायः गोत्ती हुम्ताक्नेःआलाङ्स। ‘ङी इस्राएल्कोः मान्तालम्इ ल्युङ्ह्ती मुओ ख्रीस् त तोओपाय् ओउःलेः दाह्ती वाङ्ओआः’ त ङाइ आन छ्यानःती तोआलाङः ओउःत झ्यान्ते तेन्छ्याङ् ङा इ साङ्लाइ पानःतीलेः मुनाङः” त दाय्ह्ती पावुल्इ यहुदीलम्कोः ताङ्ह्ओ मान्तालम्कायः ल्हाक्ती तोआथास।
ख्रीस्कोः कुरा एत छ्यानःतोक्हाङः “लौ इ नीङ्इ छ्यानःओ कुरा नीङ्कायः खेःल लोने वाङ्सा मान्तालम्कायः स्याव्लेःनाः” तमा ओउःमयःकायः छ्यानःओ खेःतो। ओउः लोने वाङ्सा मान्तालम्पाय् नीङ्लेः खेःतेःनै। फेरी ओउः येसु ख्रीस्कोः कुरापाय् तेन्छ्याङ् परमेस्वर्कोः लाङ्कासै ल्होक्ओ ग्वालामःकोः ग्वम् दोःओलम्इ नीङ्कायः छ्यानःओ पेओ समचार् लेःआः बा। इ कुरामा परमेस्वर्कोः लाङ्काहाङः मुओ ल्होक्ओमयः योसामा तय्ह्सामा आन झाह्नै।
ကြော်ငြာတွေ