खबरदुत 20:6 - चेपाङ6 ङीखे यहुदीलम्कोः फमालो लाङ् त तोओ छ्यात्कोः स्याङ्ह्लोच्युक्कायः मासीदोनीया देस्हाङः मुआलाङी। ओउःच्युक् दीन्कायः मुआक्तीको ओहाङःसैको ङी फीलीपी सहर्हाङः तीःजहास्हाङः लन्ह्ती द्युम्मालो तीःकोः उःसै त्रोआस् सहर्ताङ् आल्ती पास्दीन् पुत्आक्तीको ओहाङः दाह्आलाङी। ओउः त्रोआस् त तोओ सहर्हाङः ङीकोः स्यालःती वाह्ओ साथीलम्कायः क्रुस्आलाङःसु। क्रुस्आक्तीको ङी ओहाङः सात्दीन्कायः मुआलाङी। အခန်းကိုကြည့်ပါ။ |
खबरदुत 20:6
18 ပူးပေါင်းရင်းမြစ်များ
ओहाङः दाह्आक्तीको ओउः तीःजहास्सै ग्ल्युङ्ह्ती ङी मासीदोनीया देस्कोः अरुसै ताङ्ह्ओ फीलीपी त तोओ सहर्ताङ् ल्याम्हाङः वाह्ती दाह्आकाच। ओउः फीलीपी त तोओ सहर्हाङः नाःतो रोमी देस्सै वाङ्ओ मान्तालम् मुइतो ओउःत झ्यान्ते ओउः रोमी देस्कोः राजाइ ओहाङः हुकुम् बयःती गम्ओ खेःतो। ओउः सहर्हाङः ङी सुम्चार् दीन्कायः मुआलाङी।
तीःजहास्सै ग्ल्युङ्ह्आक्तीको ङीइ ओउः सहर्कोः येसुकायः ङ्हाम्ओ मान्तालम्कायः बोङःती क्रुस्आलाङःसु। क्रुस्आक्तीको ओउःमयःकुस्इ ङी यात् सातच्युक्कायः मुआलाङी। ओउःमयःकुस् मुतोक् बेलाहाङः यात्नीस् ङ्हाम्ओलम्कायः “लौ यरुसालेम्हाङः पावुल्कायः चुम्नानी” त परमेस्वर्कोः ग्वालामःइ ओउःमयःकायः तोती छ्यानःआथास ओउःत झ्यान्ते ङ्हाम्ओलम्इ “यरुसालेम्ताङ् आल्तेःचाः” त दाय्ह्ती पावुल्कायः गानाक्ती तोथातो ओउःमयःइ तोओ कुरा पावुल्इ सायःउलु।
ओहाङःसैको उनम्ह्कोः स्याङ्ह्लोहाङः तीःजहास्हाङः फेरी लन्ह्ती आल्ती ङी सीजारीया त तोओ सहर्ताङ् दाह्आलाङी। सीजारीयाताङ् दाह्आक्तीको ङी तीःजहास्सै जुगाङ् फेती ग्ल्युङ्ह्ती फीलीप् त तोओकोः कीम्ताङ् वाङ्ती मुआलाङी। ओउः फीलीप् त तोओखेकायः योह्नम्हाङः अरु छजनकुस् पैसा वेःती बयःओ काम्कायः छ्युङ्ह्ओ खेःतो। ङी वाङ्तोक्हाङः ओउःइ सीजारीयाहाङः प्रभु येसुकोः पेओ समचार्कोः कुरा आन तोती मुओ खेःतो।
पोतेयोली सहर्हाङः ङी तीःजहास्सै ग्ल्युङ्ह्ती ओहाङः यात्नीस् येसुकायः ङ्हाम्ओलम्कुस् क्रुस्काय्आलाङी। क्रुस्काय्आक्तीको “ङीकुस् सात्दीन्कायःच्युक् मुन” त दाय्ह्ती तोआताङी। ओउःत हायःती ओउःमयःकुस् सात्दीन्कायः मुआक्तीको ङी आल्ती ल्याम्इ ल्याम्इ वाह्ती रोम् त तोओ ओउः सीजर् राजाकोः सबैसै ताङ्ह्ओ सहर्ताङ् दाह्खेःआलाङी।
ကြော်ငြာတွေ