खबरदुत 20:32 - चेपाङ32 द्याह् परमेस्वर्इ लयः तोती गम्ओलो लेखालेः नीङ्कायः परमेस्वर्इ पेतो ओम्पायःती गम्ती झ्यान्ते लोन्ह्ते अरु छय्ङ्ओ मान्तालम्कुस् नीङ्मा परमेस्वर्इ बयःओ रौ जीङः दोःतेःताक्तेःनै। အခန်းကိုကြည့်ပါ။ |
खबरदुत 20:32
37 ပူးပေါင်းရင်းမြစ်များ
ओउः सहर्लम्हाङःमा ङ्हाम्ओ मान्तालम्कःहाङः ओउःनीस्इ यात् नीस्चाक् छीङ्ह्ती अरुलम्कायः स्यान्साकायःमा हुकुम् बयःसाकायःमा “लौ इहाङःकोः ङ्हाम्ओलम्कोः थालवःपा स्याव्तेःपै” त दाय्ह्ती गम्आकाचु। छीङ्ह्ती गम्तोक् बेलाहाङः ओउःमयः पावुल् बर्नाबास्कुस् उपाङ् काःती “लौ प्रभुय इ मान्तालम्इ नाङ्कोः कुरा पेतोलेः ङ्हाम्नानी बा। ओउःमयःकायः काम् पेतो जाङ्ह्ताक्पाःथास दै” त दाय्ह्ती ओउःनीस्इ परमेस्वर्कायः तेती तोआकाचु।
अतालीय दाह्आक्तीको ओहाङः तीःजहास् लन्ह्ती सीरीया देस्हाङः मुओ अन्तीयोक् सहर्ताङ् पान्ती दाह्आकाच। इ अन्तीयोक् सहर्हाङःपाय् येसुकोः कुरा वार्लाङ् आल्ओकोः ङ्हासैलेः अरुलम्इ परमेस्वर्कायः झाह्ती तोआक्तीको बर्नाबास् पावुल् नीस्पाय् ल्होक्ओ खेःतो। ओउःत झ्यान्ते ओउःनीस्कोः कुरा वार्ओ काम् द्याह् दप्ती खाय्आक्तीको पावुल् बर्नाबास् दाह्तोक्हाङः सबै अन्तीयोक् सहर्कोः येसुकायः ङ्हाम्ओ मान्तालम् हुम्ती ओउःनीस्इ ल्हाक्ओ कुरा सायःलाङ् वाङ्आकाय्।
ओहाङःसैको ल्होक्आक्तीको यहुदी खेःमालो जात्लम्कःताङ् आल्ती ओउःमयःकायः मीक् दोङ्ह्तोलेः ल्हुङ् थोङ्ताक्ती तोआक्तीको ओउःमयःइ सैतान्कोः रेव्ओ काम् फेती परमेस्वर्कोः पेओ काम् जाङ्ह्चानी। ओउःत हायःती ङाकोः कुरा ङ्हाम्ती ओउःमयःकोः रेव्झ्याङ्कोः क्युम्ह्ती वाय्आक्तीको ओउःमयः परमेस्वर्कोः छय्ङ्ओ मान्ताले स्याव्चै। इ कुरा तोती स्यान्साकायः नाङ्कायः ङाइ छ्युङ्ह्ती तोती ल्होक्नेःनाङ्’ त दाय्ह्ती प्रभु येसुइ तोआताङः।
सावुल् आल्आक्तीको ओउः यहुदीया अन्चल्हाङः गालील अन्चल्हाङःमा समारीया अन्चल्हाङःमा येसुकायः ङ्हाम्ओमयः पेतोलेः मुआकाय्। ओउःमयःकायः अरुलम्इ पानःसा सात्सा सुइमा बोङःनीली। येसुकायः ङ्हाम्ओमयःइपाय् परमेस्वर्कायः लुङ्ती झाह्ती तोआकानी। ओउःमयःकायः परमेस्वर्कोः ग्वालामःइ पेतो स्याव्ताक्ती झ्यान्ते ओउःमयः नाःतोलेः ब्याव्आकाय्।
फेरी ङीपाय् परमेस्वर्कोः चोःलम् खेःनाःतय्ही त खेःया ङी चोःलम्लो लेखालेः परमेस्वर् आपासै पेओ दान् दोःनाःतय्ही। दोह् दोह् पेओलम् परमेस्वर्इ ख्रीस्कायः सेती गम्लेःआकान् ओउःलेः येसु ख्रीस्कुस्इ थाःतोलेः त्याक्मातय्ह्नी। ङीइ ख्रीस्कुस् लीह्सीःओ गोरःमानाःतय्ह्नी त खेःया ओउःकुस् ब्राङ्ती ताङ्ह्तोलेः स्याव्मानाःतय्ही।
ओउःत झ्यान्ते नया थेथे स्यान्ओ कुरा सायःआक्तीको परमेस्वर्कोः दोङ् कुरा फेलाम्। दोह् दोह् भोस् जेःओ बेलाहाङः जेःओ लेःआः ओउः जेःधार्नाखे खेःल परमेस्वर्इ योनःती बयःधार्नाखे ङीकायः ल्हुङ् ग्रमःतलेः ङ्हाम्ताक्नाःतय्ही ओउः भोस्कोः जेःगा जेःती जवओलम्पाय् ओउःत हायःधार्नालेः दोह्मा दोःइली।
ओउःत हायःआक्तीकोमा ख्रीस्इपाय् नया होम्काय्ती गम्ओ कुरा जाङ्ह्सा खाय्नौ। ओहाङःसैको सुसुकायः परमेस्वर्इ गोत्आथास ओउः मान्तापाय् ओउःइ बयःओ गलमा द्योक्मालो पेओ कुरा दोःनै दोह् हायःती दाय्ह्सा ख्रीस् सीलेःआ ओउःकोः सीधार्नालेः ओउः ङ्हाकोः होम्काय्ओ कुरा गम्तोक्हाङः जाङ्ह्ओ रेव्ओ काम्सै मान्तालम् पेङ्कलःतोलेः स्याव्नै।
ကြော်ငြာတွေ