खबरदुत 20:23 - चेपाङ23 सबै ङा वाह्ओ सहर् सहर्लम्हाङः ‘लोन्ते नाङ्इ लीह्सीःओ च्यवःतेःनौ’ त परमेस्वर्कोः ग्वालामःइ चीःताक्आताङः इच्युक् ह ङाइ चीःआलाङः। အခန်းကိုကြည့်ပါ။ |
ङीकःताङ् दाह्ती वाङ्आक्तीको आगाबस् त तोओइ पावुल्कोः तोङःनाय् त्याक्ती ओउःकोः लयःकोः दोम् क्रुत् पानःती “लौ इ तोङःनाय् मुह्ती मुओ मान्ताकायः इतलेः ‘यरुसालेम्कोः यहुदीलम्इ पानःती गम्आक्तीको ओउःकायः अरु जात्कोः मान्तालम्कायः दाक्नाःथै’ त दाय्ह्ती ङाकायः परमेस्वर्कोः ग्वालामःइ तोआताङः” त दाय्ह्ती आगाबस्इ तोआताङी।
तीःजहास्सै ग्ल्युङ्ह्आक्तीको ङीइ ओउः सहर्कोः येसुकायः ङ्हाम्ओ मान्तालम्कायः बोङःती क्रुस्आलाङःसु। क्रुस्आक्तीको ओउःमयःकुस्इ ङी यात् सातच्युक्कायः मुआलाङी। ओउःमयःकुस् मुतोक् बेलाहाङः यात्नीस् ङ्हाम्ओलम्कायः “लौ यरुसालेम्हाङः पावुल्कायः चुम्नानी” त परमेस्वर्कोः ग्वालामःइ ओउःमयःकायः तोती छ्यानःआथास ओउःत झ्यान्ते ङ्हाम्ओलम्इ “यरुसालेम्ताङ् आल्तेःचाः” त दाय्ह्ती पावुल्कायः गानाक्ती तोथातो ओउःमयःइ तोओ कुरा पावुल्इ सायःउलु।