खबरदुत 20:22 - चेपाङ

²² द्याह् परमेस्‍वर्‌कोः ग्‍वालामःइ ङाकायः गानाक्‌ती तोती झ्‍यान्‍ते ङा यरुसालेम्‌ताङ् आल्‌नाङः। ओहाङः ङाकायः दोह् दोह्‌लो त हायःचाःताङः त ङाइ चीःङल।

खबरदुत 20:22 ပူးပေါင်းရင်းမြစ်များ

लुका 12:50

ङाइ आन लीह्‌सीःओ च्‍यवःसा बाप्‍तीस्‍मा त्‍याक्‌सालेः खेःनाङः ओउः त्‍याक्‌धाङ्‌माखाहाङः ङा ल्‍हुङ्‌हाङः आन लीह्‌ती मुनाङः।

लुका 9:51

ओउःतलेः येसुइ त्‍याङ्‌ती तोआथास ओहाङःसैको येसुकोः लयःकोः परमेस्‍वर्‌ आपाकःताङ् द्यान्‍ह्‌ती पाय्‍ह्‌सा सीतोक् बेलाहाङः दाह्‌खेःआ। दाह्‌खेःतोक् बेलाहाङः येसुपाय् ल्‍हुङ् ग्रमःतलेः यरुसालेम्‌ताङ् आल्‌सा चीङ्आ।

युहना 13:1

ओहाङःसैको ओउः च्‍योल्ओ दीन्‌कोः योह्‌नम् दाह्आ। “लौ ङा ल्‍हाव्‍ह्‌दैबाङ्‌सै आल्‌ती आपाकःताङ् वाङ्‌सा खेःनाङः। द्याह् ओउः आल्‌सा दीन् दाह्‌खेःआ” त येसुइ चीःउतो ओउःइ ल्‍हाव्‍ह्‌दैबाङ्‌हाङः मुतोक्‌हाङः लयःकुस् वाह्ओमयःकायः गलकायःमा राप्‌ती मुआ।

युहना 18:4

वाङ्‌तोक्‌हाङः येसुइ लयःकायः “दोह्‌तलो स्‍याव्‌नाः” त चीःसतो ओउः यहुदस्‌कुस् वाह्ओलम्‌कायः क्रुस्‌लाङ् आल्‌ती “लौ सुकायःतेः बोङःतेःनानी” त दाय्‍ह्‌ती व्‍हत्आकान्

खबरदुत 17:16

ओहाङःसैको आथेन्‍स् सहर्‌हाङः तीमोथी सीलास् त तोओनीस्‌कायः ल्‍युङ्‌ह्‌ती मुतोक्‌हाङः पावुल्इ ओउः सहर्‌कोः द्यव्‌ता मुर्‌तीलम् नाःतोलेः च्‍यवःआकान्। एत च्‍यवःआक्‌तीको पावुल्‌पाय् “इ मान्‍तालम्‌पाय् परमेस्‍वर्‌कोः कुरा जुगाङ् चीःनीली” त म्‍हर्‌ती आन लीह्ओ खेःतो।

खबरदुत 19:21

ओहाङःसैको लोनेसै पावुल्‌पाय् “लौ मासीदोनीया आखया नीस् जील्‍लाताङ् ब्‍याह्‌ती वाह्आक्‌तीको ङा यरुसालेम्‌ताङ् आल्‌चाङः। यरुसालेम्‌ताङ् आल्आक्‌तीको ङा रोम् त तोओ रोमी देस्‌कोः सबैसै ताङ्‌ह्ओ सहर्‌कायः गत खेःयामा योलाङ् आल्‌सा खेःतो” त दाय्‍ह्‌ती पावुल् दाय्‍ह्आ।

खबरदुत 20:16

ओउः यहुदीलम्‌कोः भार्‌ बयःओ पेन्‍तेकोस् त तोओ छ्यात्‌कोः दीन्‌हाङः पावुल्इपाय् यरुसालेम् दाह्‌सा बोङःउतो ओउःत झ्‍यान्‍ते “इ असीया देस्‌हाङः न्‍यास्‌माःत आल्इ” त दाय्‍ह्‌ती ङीकुस्इ एफेसस् सहर्‌हाङः न्‍यास्‌माःत च्‍योल्आलाङी।

२ कोरीन्‍थी 5:14

ख्रीस्इलेः ङीकायः आन राप्‌नाःताङी त चीःती ङीइ ओउःकोः काम् जाङ्‌ह्‌सा खेःनाङी। यात्‌चाक्‌पाय् सबै दल्‌ताक्‌साकायः ल्‍हाङःतीलेः सीआ ओउःत झ्‍यान्‍ते ओउः सील त खेःया सबै सीचाः खेःतो।

याकुब् 4:14

ओउःत नोःसापाय् नोःतेःनै स्‍याङ्‌ह्‌पाय् “दोह् दयःचाःताङः” ततेः चीःतेःनीली बा। नीङ्‌कोः ओघपाय् रोलो लेखालेः यात्‌नीस् दीन्‌कायः ह मुनाः।

२ पत्रुस् 1:14

दोह् हायःती दाय्‍ह्‌सा नाःतो दीन् पुत्‌मालोहाङः इ आङ्‌पाय् फेसा खेःनाङः ङीकोः प्रभु येसु ख्रीस्इ ओउःत ङाकायः दोङ्‌ह्‌तीलेः तोती झ्‍यान्‍ते एत स्‍याव्‌नाङः त चीःआलाङः।