खबरदुत 20:21 - चेपाङ21 यहुदी जात्लम्कायःमा अरु जात्कोः मान्तालम्कायःमा ‘लौ नीङ्इ लःलयःकोः रेव्ओ काम् फेती परमेस्वर्कःताङ् ल्हुङ् द्यान्ह्ती ओउःइ ल्होक्ओ प्रभु येसु ख्रीस्कोः कुरा ङ्हाम्नु दा’ त ङाइ पेतोलेः रैमाःत तोआलाङःसु बा। ओउःतलेः नीङ्इ चीःतेःनानी। အခန်းကိုကြည့်ပါ။ |
खबरदुत 20:21
51 ပူးပေါင်းရင်းမြစ်များ
दोङ्सीलेः ओउःलो लेखालेः यात्चाक् रेव्ओ काम् जाङ्ह्ओ मान्ताइ ओउःकोः रेव्ओ काम् फेती परमेस्वर्कःताङ् द्यान्ह्ती वाङ्नाः त खेःयाकायः लाङ्काहाङः परमेस्वर् ओउःकोः लाङ्कामयःकुस् आन म्रोती चोङाय्तीलेः मुनै माःहै उनान्सै पेओ मान्तालम् ओउःकःताङ् मुओसै परमेस्वर्इ चोङाय्तो स्याव्ती इ द्यान्ह्ती वाङ्ओ मान्ताकायः रोम्नौ बा।
“लौ लःलयःकोः रेव्ओ काम् फेती परमेस्वर्कःताङ् द्यान्ह्ती ओउः पेओ काम् ग्यान। ओहाङःसैको नीङ्कः परमेस्वर्कोः ल्हुङ् मल्ह्ओ ल्हुङ्पाय् स्याक्आनाः। फेरी नीङ्इ एत हायःओ त छ्यानःसाकायः येसु ख्रीस्कोः मय्ङ् पेह्ती तीःहाङः बाप्तीस्मा त्याक्नु दा। ओउःत हायःआक्तीको नीङ्कायःमा परमेस्वर्कोः ग्वालामः दोःतेःनै।
ओहाङःसैको ल्होक्आक्तीको यहुदी खेःमालो जात्लम्कःताङ् आल्ती ओउःमयःकायः मीक् दोङ्ह्तोलेः ल्हुङ् थोङ्ताक्ती तोआक्तीको ओउःमयःइ सैतान्कोः रेव्ओ काम् फेती परमेस्वर्कोः पेओ काम् जाङ्ह्चानी। ओउःत हायःती ङाकोः कुरा ङ्हाम्ती ओउःमयःकोः रेव्झ्याङ्कोः क्युम्ह्ती वाय्आक्तीको ओउःमयः परमेस्वर्कोः छय्ङ्ओ मान्ताले स्याव्चै। इ कुरा तोती स्यान्साकायः नाङ्कायः ङाइ छ्युङ्ह्ती तोती ल्होक्नेःनाङ्’ त दाय्ह्ती प्रभु येसुइ तोआताङः।
ङ्हा दामास्कस्ताङ् आल्ती ओहाङः प्रभु येसुइ स्यान्ओ कुरा ङाइ ल्हाक्ती छ्यानःआलाङःसु। ओहाङःसैको यरुसालेम्हाङःमा सबै यहुदीया देस्हाङःमा लोन्ते अरु अरु जात्लम्कोः देस्लम्हाङःमा ङाइ इ कुरा छ्यानःआलाङःसु। ‘सबै मान्तालम्इ लयःलयःकोः रेव्ओ काम्लम् फेती परमेस्वर्कोः कुरा पेतो ङ्हाम्ती जाङ्ह्पानी’ त तोती सबैकायः स्यान्ओ खेःङोतो।
ओउःत झ्यान्ते पावुल्इ येसुकोः कुरा तोती छ्यानःसा दीन् दोक्ती गम्आक्तीको ओउःनम् दीन्हाङः नाःतो यहुदीलम् पावुल् मुओ कीम्ताङ् हुम्ती वाङ्आकाय्। हुम्ती वाङ्आक्ती पावुल्इ येसुकोः कुरामा परमेस्वर्कोः राजीकोः कुरामा प्रीमाहाङःसै याह्दीङ्मा दाह्तोलेः स्यान्ती ओउः हुम्ओ मान्तालम्कायः तोआथास। उय्ह्लेहाङः लेखओ मोसाइ तोओ कुराहाङःमा परमेस्वर्कोः कुरा छ्यानःओमयःकोः कुराहाङःमा “ख्रीस्कायः दोह् दोह् लेखती मुनाः” त स्यान्ती तोती ओउःमयःकायः होम्सा बोङःआकान्।
ओहाङःसैको पत्रुस् नीस्साथीचाः येसुइ स्यान्ओ कुरामा जाङ्ह्ओ कुरामा गतलो ओउःनीस्इ सायःआकाचु च्यवःआकाचु ओउःतलेः समारीया देस्कोः मान्तालम्कायः छ्यानःती तोआकाचु। येसुकोः कुरा एत तोआक्तीको ओउःनीस् यरुसालेम्ताङ् पाय्ह्आकाच। यरुसालेम्ताङ् पाय्ह्तोक् बेलाहाङः समारीयाकोः गाव् गाव्ताङ्मा इ कुरा छ्यानःतीलेः तोआकाचु।
ओउः पेओ नोःराय्पाय् थोल्ह्ती तोतोक्हाङः ङाइ गत खेःयाकायःमा रास्माःत ङाःतोलेः तोनाङः। ओउः नोःराय्पाय् परमेस्वर्कोः ग्वम् दोःताक्ओ नोःराय् लेःआः दोह् हायःती दाय्ह्सा ङ्हाम्आक्तीको सबै मान्तालम् दल्तो स्याव्नै। ङ्हापाय् यहुदीलम्इ लोने यहुदी खेःमालोलम्इ ङ्हाम्ती दल्तो स्याव्सा खाय्नानी।
ओउःतलेः खेःनाःतय्ही ऐन्कोः कुरा जाङ्ह्ती परमेस्वर्कोः मीक्हाङः सुइमा जुगाङ् पेतोलेः स्याव्सा खाय्तय्ह्नीली। येसु ख्रीस्कोः कुरा ङ्हाम्आक्तीको ह पेतो छय्ङ्तोलेः स्याव्नाःतय्ही। एत चीःती ङी यहुदीलम्इमा परमेस्वर्कोः मीक्हाङः पेतो स्याव्साकायः येसु ख्रीस्कोः कुरा ङ्हाम्नाःतय्ह्नी ऐन्कोः कुरा जाङ्ह्तय्ह्नीली दोह् हायःती दाय्ह्सा ऐन्कोः कुरा जाङ्ह्ती परमेस्वर्कोः मीक्हाङः सुमा पेतो स्याव्इली।
ကြော်ငြာတွေ