खबरदुत 2:9 - चेपाङ9 ङीखेपाय् नाःतो देस्सै वाङ्आतय्ही पार्थीया देस्सै मेदीया देस्सै एलाम् मेसोपोताम्या यहुदीया र कपादोसीया देस्लम्सै वाङ्आतय्ही। पोन्तस् असीया အခန်းကိုကြည့်ပါ။ |
खबरदुत 2:9
34 ပူးပေါင်းရင်းမြစ်များ
ओहाङः वाङ्आक्तीको पावुल्इ यात्चाक् पोन्तस् सहर्सै वाङ्ओ यहुदी मान्ता क्रुस्आकान्। ओउः मान्ताकोः मय्ङ् अक्वीला त तोओ खेःतो। अनम्ह्लो अक्वीलामा ओउःकोः बुधी प्रीस्कीला त तोओमा रोमी देस्हाङः मुओ खेःचतो। ओहाङःतीको क्लाव्दीयस् त तोओ रोमी देस्कोः राजाइ “लौ ङाकोः देस्हाङः यहुदी मान्तालम् मुलाम्” त दाय्ह्ती हुकुम् बयःआकान्। ओउःत झ्यान्ते अक्वीला नीस्पय्क्चाः ओउः रोमी देस्सै क्रव्ती कोरीन्थ सहर्ताङ् दाह्आकाच।
इहाङःकोः मान्तालम् द्यव्तालम्कायः झाह्ओ फेनानी त खेःया ङीकोः काम् भाङःती वाय्चाः फेरी ङीकोः ताङ्ह्ओ आर्तेमीस् देबीकायः लोन्ते मान्तालम्इ दोह्मा म्हर्इली। इ सबै ल्हाव्ह्दैबाङ्कोः मान्तालम्इ मनःओ देबीकायः एत फेती वाय्सा स्याव्नाः जुगु” त दाय्ह्ती देमेत्रीयस् त तोओइ ओउः हुम्ओ मान्तालम्कायः तोआथास।
ओहाङःसैको ओउःइ तोओ सात् दीन् पुत्खेःओहाङः यात्नीस् असीया देस्सै वाङ्ओ पावुल्कायः तय्ह्ओ यहुदीलम् यरुसालेम्ताङ् दाह्ती वाङ्आकाय्। यहुदीयाकोः मन्दीर्हाङः पावुल्मा ओउः चार्जनमा पोक्ती मुओ च्यवःती ओउःमयः हुम्ती आन हीह्ती गोःआकाय् “अ इस्राएल्कोः मान्तालम् रेन्ह्तोलेः वाङ्न दा। इ मान्तापाय् गाःहाङःमा सबै मान्तालम्कायः ङीकोः यहुदीइ जवओ कुरा ‘जाङ्ह्लाम्’ त स्यान्ती तोलेःनौ। ङीकोः मन्दीर्हाङः ङीकोः जात् खेःमालो मान्ता पोस्ती मन्दीर्कायः क्रीसीःओ जाङ्ह्ताक्आकान्” त दाय्ह्ती सोतो गोःआकाय्।
वाङ्आक्तीको मन्दीर्हाङः जय्लनःती जाङ्ह्ती खाय्तोक्हाङः यात्नीस् असीया देस्सै वाङ्ओ यहुदीलम्इ ङाकायः तय्ह्ती च्यवःआताङः। ङाकायः च्यवःओ बेलाहाङः ङाइ ङैताक्ती हुम्ओ मान्तालम् ङाकुस् सुमा नाःआक्इली। फेरी च्यवःतोक्हाङः यात्नीस् असीयासै वाङ्ओ यहुदीलम्इ मुओ खेःइतो ओउः मान्तालम्इ ङाकायः गाल्तुम्ती नोःसा खाय्नानी त खेःया इहाङः वानःसा खेःइतो।
ओउः जुलीयुस् त तोओ सीपाहीकोः सुबेदार्कायः ल्हाआक्तीको ओउःमयः अन्द्रामीतीसै वाङ्ओ तीःजहास्हाङः लन्ह्आकाय्। ओउः तीःजहास् असीया देस्कोः द्युम्मालो तीःकोः छेव्हाङः मुओ सहर् सहर्लम्ताङ् आल्सा बोङःआकान्। ओउः जहास्हाङः ङा लुका त तोओमा यात्चाक् मासीदोनीया देस्कोः थेसालोनीका सहर्सै वाङ्ओ येसुकायः ङ्हाम्ओ मान्ता आरीस्तार्कस् त तोओमा पावुल्कुस् लन्ह्आलाङी।
इ कुरा ङा युहना त तोओइ असीया अन्चल्हाङः मुओ सात् थाव्कोः ङ्हाम्ओलम्कायः लेखनाङः। लौ परमेस्वर्पाय् द्याह्लेः मुनाः ङ्हामा खेःलेःतो लोनेःमा वाङ्सा खेःलेःनाः। ओउः गलकायःमा मुओ परमेस्वर्इमा ओउःकोः राजालो च्युङःती मुओ थाव्कोः ङ्हासै मुओ सात्गोता ग्वालामःलम्इमा नीङ्कायः योनःती योती ल्हुङ् धोमाय्ताक्तेःपै।
ကြော်ငြာတွေ