खबरदुत 2:4 - चेपाङ4 लेलम्पाय् एत थाआक्तीको परमेस्वर्कोः ग्वालामः सबै मान्ताकोः ल्हुङ्हाङः पोक्ती ओउःमयःकायः अरु अरु देस्कोः ङ्हा चीःआक्मालो भासालम् नोःताक्आथास। အခန်းကိုကြည့်ပါ။ |
खबरदुत 2:4
55 ပူးပေါင်းရင်းမြစ်များ
ओहाङःसैको बाप्तीस्मा त्याक्आक्तीको येसुपाय् परमेस्वर्कोः ग्वालामः मुह्ती योर्दन् खोलासै द्यान्ह्ती वाङ्आ। ओहाङःसैको परमेस्वर्कोः ग्वालामःइ येसुकायः चालीस् दीन्च्युक्कायः याक्गार्सीःमालो बेलाङ्हाङः आलःती गम्लाङ् दाक्आथै। ओहाङः मुतोक्हाङः सैतान् त तोओ अरुसै ताङ्ह्ओ लान्इ येसुकायः थ्योन्ह्ती होम्सा बोङःआथै। चालीस् दीन्च्युक्कायः येसुइ दोह्मा जेःमाःत ओःनम् दीन् पुत्आक्तीको आन योङ्क्राय्ओ खेःतो।
परमेस्वर्कोः ग्वालामः नीङ्कःताङ् दाह्आक्तीको आले नीङ् ग्वम् दोःतेःजेःनै। परमेस्वर्कोः ग्वालामःइ बयःओ ग्वम् दोःआक्तीको नीङ्इ ङाकोः कुरा थोल्ह्ती तोसा खेःतेःनै बा। इ यरुसालेम्हाङःमा सबै यहुदीया समारीया देस्हाङःमा ल्हाव्ह्दैबाङ्कोः चार् दोवाहाङःमा नीङ्इ ङाकोः कुरा छ्यानःती तोसा खेःतेःनै” त दाय्ह्ती येसुइ ओउःमयःकायः तोआकान्।
यहुदी जात्कोः मान्तालम्मा यहुदी जात् खेःमालो मान्तालम्मा क्रेते देस्कोःमा अराबी देस्कोः मान्तालम्मा ङी सबै इहाङः वाङ्आक्तीको लःलयःकोः भासालम् ङ्र्याःती नोःओ सायःनाःतय्ह्नी बा। इमयःइपाय् परमेस्वर्इ जाङ्ह्ओ ग्याङ्ह्राय्कोः कुरालेः नोःनै रैस” त दाय्ह्ती योलाङ् हुम्ती वाङ्ओ मान्तालम् आन ग्याङ्ह्ती नोःकाय्आकाय्।
एत तोओ कुरा सबै म्रोती सायःआकानी ओहाङःसैको ओउःमयःइ सात्जन छ्युङ्ह्आथास। यात्चाक् स्तीफन् त तोओ ओउःखे परमेस्वर्कायः आन ङ्हाम्ती परमेस्वर्कोः ग्वालामःमा आन दोःओ खेःतो। स्तीफन् त तोआमा फीलीप् प्रोखुरस् नीकानोर् तीमोन् पार्मेनास्मा यात्चाक् अन्तीयोक् सहर्सै वाङ्ओ परमेस्वर्कायः झाह्ओ नीकोलवुस् त तोओमा इ सात्जनकायः छ्युङ्ह्ती ओउः बारजन येसुइ छ्युङ्ह्ओमयःकःताङ् वानःती चीङ्ताक्आथास।
एत तोआक्तीको हननायापाय् सावुल् मुओ कीम्ताङ् आल्ती पोक्ती ओउःकःताङ् क्रुस्लाङ् वाङ्आ। क्रुस्आक्तीको सावुल्कोः तालाङ्हाङः क्रुत् झाम्ह्ती “लौ सावुल् हौय नाङ् इहाङः वाङ्तोक्हाङः ल्याम्हाङः थाती च्यवःओ प्रभु येसुइलेः ङाकायः द्याह् नाङ्कःताङ् ल्होक्आताङः बा। नाङ्कायः मीक्इ च्यवःताक्सामा परमेस्वर्कोः ग्वालामः दोःताक्साकायःमा ल्होक्आताङः” त दाय्ह्ती
नीङ् सबैलेः थेथे भासा नोःतेःपानी एत झाक्सापाय् झाक्नाङः ओउःत हायःओसै नीङ् सबै परमेस्वर्कोः कुरा छ्यानःतीलेः तोतेःपानी त ङा न्हाङ्तोलेः झाक्नाङः। सुसुलो परमेस्वर्कोः कुरा चीःती अरुकायः छ्यानःती तोचानी ओउःइपाय् थेथे भासा नोःओ मान्तासै ताङ्ह्ओ काम् जाङ्ह्नानी। थेथे भासाकोः माने बयःमाःदीक् ओउःत नोःसा ताङ्ह्ओ काम् खेःल माने बयःदीक् ह सबै ङ्हाम्ओलम्कायः पेतो स्याव्ताक्नाःथास।
ख्रीस्कोः कुरा एत छ्यानःतोक्हाङः “लौ इ नीङ्इ छ्यानःओ कुरा नीङ्कायः खेःल लोने वाङ्सा मान्तालम्कायः स्याव्लेःनाः” तमा ओउःमयःकायः छ्यानःओ खेःतो। ओउः लोने वाङ्सा मान्तालम्पाय् नीङ्लेः खेःतेःनै। फेरी ओउः येसु ख्रीस्कोः कुरापाय् तेन्छ्याङ् परमेस्वर्कोः लाङ्कासै ल्होक्ओ ग्वालामःकोः ग्वम् दोःओलम्इ नीङ्कायः छ्यानःओ पेओ समचार् लेःआः बा। इ कुरामा परमेस्वर्कोः लाङ्काहाङः मुओ ल्होक्ओमयः योसामा तय्ह्सामा आन झाह्नै।
ကြော်ငြာတွေ