खबरदुत 2:39 - चेपाङ39 इ परमेस्वर्इ तोती गम्ओ कुरापाय् नीङ्कायःमा नीङ्कोः प्लोमःदानेकायःमा लोक्तो मुओ मान्तालम्कायःमा स्याव्नाः। सुसुकायः प्रभु परमेस्वर्इ गोत्तेःनै ओउःकायःलेः इ रेव्ओ काम् क्युम्ह्ओमा परमेस्वर्कोः ग्वालामः दोःओ कुरामा स्याव्नाः बा” त पत्रुस् दाय्ह्ती त्याङ्आ। အခန်းကိုကြည့်ပါ။ |
खबरदुत 2:39
41 ပူးပေါင်းရင်းမြစ်များ
ल्होक्आक्तीको पावुल् बर्नाबास्नीस् फोनीस्या देस्हाङःमा समारीया देस्हाङःमा च्योल्ती ओहाङः मुओ येसुकायः ङ्हाम्ओलम्कायः “लौ द्याह्पाय् नाःतो यहुदी खेःमालो जात्कोः मान्तालम्इ प्रभु येसुकोः कुरा ङ्हाम्नानी” त दाय्ह्ती ल्हाक्ती तोआकाचु। इत तोओ कुरा सायःआक्तीको सबै मान्तालम् “लौ इपाय् आन पेओ लेःआः” त दाय्ह्ती चोङाय्तीलेः दाय्ह्आकाय्।
ओउःमयःकायः परमेस्वर्इ छीङ्ह्ओ इस्राएल्कोः प्लोमःदाने मोमःदानेलेः खेःनै। ओउःमयःकायः परमेस्वर्इ लयःकोः चोःलम्लो लेखा जाङ्ह्ती लयःकोः पेओ ताङ्ह्ओ ग्वम् छ्यानःआथास। ओउःमयःकुस् परमेस्वर्इ होम्काय्ओ कुरा गम्ती ओउःकोः ऐन्मा बयःआथास मन्दीर्हाङः जवती जाङ्ह्सा कुरामा तोती गम्ओ कुरामा बयःआथास।
ओउःत खेःओ “गतलो पेतो वाह्साकायः ओउःइ गोत्तेःआकाय् ओउःतलेः वाह्पनै” त दाय्ह्ती नीङ्कायः परमेस्वर्कः गलमा तेती तोमानाङःसु। “लौ परमेस्वर्य ओउःमयः पेतो झाक्ओ कुरालम्मा ङ्हाम्ती जाङ्ह्सा पेओ काम्लम्मा नाङ्कोः ग्वम् दोःती दप्तोलेः जाङ्ह्पानानी” त दाय्ह्तीमा नीङ्कायः ङाइ परमेस्वर्कः तेती तोनेःनाङ्स।
ओउःत हायःआक्तीकोमा ख्रीस्इपाय् नया होम्काय्ती गम्ओ कुरा जाङ्ह्सा खाय्नौ। ओहाङःसैको सुसुकायः परमेस्वर्इ गोत्आथास ओउः मान्तापाय् ओउःइ बयःओ गलमा द्योक्मालो पेओ कुरा दोःनै दोह् हायःती दाय्ह्सा ख्रीस् सीलेःआ ओउःकोः सीधार्नालेः ओउः ङ्हाकोः होम्काय्ओ कुरा गम्तोक्हाङः जाङ्ह्ओ रेव्ओ काम्सै मान्तालम् पेङ्कलःतोलेः स्याव्नै।
ओहाङःसैको ओउःमयःपाय् ओउः भेदाकोः चोःकुस् मीन्ह्काय्लेःनै। ओउःकुस् मीन्ह्काय्इतो ओउःमयःकायः ओउः भेदाकोः चोःइ क्लीमःनाःथास दोह् हायःती दाय्ह्सा ओउः भेदाकोः चोःपाय् सबैसै ताङ्ह्ओ प्रभुमा राजा लेःआः बा। ओउःकुस् वाह्ओलम्पाय् ओउःइ छ्युङ्ह्ती गोत्ओ पेतो ङ्हाम्ओ मान्तालम् लेःआः इ” त दाय्ह्ती ओउः ल्होक्ओमयःइ तोआताङः।
ကြော်ငြာတွေ