ओउःकायः यहुदी खेःमालो मान्तालम्कःताङ् सात्साकायः दाक्नानी। ओउःमयःकःताङ् दाक्आक्तीको ओउःमयःइ रेव्तो तोती लाइ स्राप्आक्तीको ओउःकायः क्ल्याय्ओ सीङःहाङः खील्इ योकोःताक्ती सात्नानी। सात्सापाय् सात्नीतो सुम् दीन् पुत्आक्तीको ओउःपाय् उह्ती च्योक्आनाः” त दाय्ह्ती येसुइ लयःकायः स्याव्सा खेःओ कुरा छ्यान्ह्आथास।
खबरदुत 2:23 - चेपाङ23 ओहाङःसैको ओउः येसुकायः नीङ्इ अरु परमेस्वर्कायः झाह्मालो मान्तालम्कःताङ् दाक्ती ओउःकायः क्ल्याय्ओ सीङःहाङः सात्तेःताक्तेःआकानी बा। इतलेः नीङ्इ हायःतेःनीतो दोङ्सीलेः इ येसुकायः सात्सा खेःओ कुरा परमेस्वर्इ ङ्हासै चीःतीमा रय्ह्ती गम्आकान्। အခန်းကိုကြည့်ပါ။ |
खबरदुत 2:23
39 ပူးပေါင်းရင်းမြစ်များ
ओउः मान्ताकोः चोः त तोओपाय् सीलाङ् आल्सा खेःतो। ओउःत हायःओ उय्ह्लेकोः आखरःहाङःलेः रय्ह्ती मुनाः। ओउःत स्याव्सा खेःसापाय् खेःलेःतो ओउः ङाकायः सात्सा दाक्ओ मान्ताकायःपाय् लोने गुच्युक् पेमालो न्युम्ह्नाःथै बा। ओउः मान्ताकोः आमाइ ओत्ओ दीन्पाय् गुच्युक् पेजेःमालो खेःतो। ओउः चोः ओत्माया पेजेःतो बा” त दाय्ह्ती येसुइ तोआथास।
ओउःमयः सबै आल्ती यात्ज्योः पुह्रुमःराङ् त तोओ बुम्ताङ् येसुकायः दाक्आथै। ओहाङः दाक्आक्तीको यात्ज्योः यास्ओ सीङः पोत्ती अरुकोः सीङः बान्ह्अग घ्यालःती क्ल्याय्ती गम्आक्तीको ओउः क्ल्याय्ओ सीङःहाङः येसुकायः दोम्क्रुत्हाङः खील्इ थाक्ती योकोःती गम्आथै। फेरी ओउः नीस्चाक् कुःर्यव् मान्तानीस्कायःमा अरु क्ल्याय्ओ सीङःहाङःमा येसुकोः ङोय्सैमा यात्चाक् ओउःकोः वेःसैमा यात्चाक् योकोःती गम्आकानी।
ओउःत च्यवःती ओउः सीपाहीलम् “लौ इकायः क्रत्लाम्। ‘सु दोःनाःतय्ही’ त दाय्ह्ती बाङ् ताती योनी” त दाय्ह्ती नोःकाय्आकाय् ओउः उय्ह्लेकोः आखरःहाङः लेखओ कुरा ताप्ताक्ती “लौ ङाकोः नाय्लम् वेःसाकायः बाङ् ताती योआकानी” त दाय्ह्ती आखरःहाङः लेखती मुनाः। फेरी एत होम्काय्ती नोःआक्तीको ओउः सीपाहीलम्इ ओउःतलेः हायःआकानी।
यरुसालेम्हाङः मुओ मान्तालम्मा ओउःमयःकोः ताङ्ह्ओ मान्तालम्इमा येसु त तोओपाय् ‘ङीकायः दल्ताक्साकायः वाङ्ओ ख्रीस् लेःआः’ त तय्ह्आक्नीली। सन्चर्बार् सन्चर्बार्हाङः परमेस्वर्कोः कुरा छ्यानःओ मान्ताइ लेखओ कुरा पह्रओ खेःतो ओउः कुरामा ओउःमयःइ तय्ह्आक्नीतो येसुकायः सात्ती झ्यान्ते ओउः परमेस्वर्कोः आखरःहाङः लेखओ कुरापाय् ताप्ताक्आकानी।
दाक्आक्तीको “लौ नीङ्कायःपाय् ‘इ येसुकोः कुरा गलमा तोलाम्’ त दाय्ह्ती ङीइ गानाक्ती तोनेःनाङ्सतो नीङ्इजा यरुसालेम्कोः मान्तालम् सबैकायः छालःती छ्यानःतेःआकानी रैस ‘लौ ओउः ताङ्ह्ओ पुरोहीत्लम्इ येसुकायः सात्ताक्आकानी’ त दाय्ह्तीतेः ङीकायः गाल् बयःती तोतेःनानी बा” त दाय्ह्ती ओउः ताङ्ह्ओ पुरोहीत्लम्इ येसुकोः छ्युङ्ह्ओमयःकायः जान्ती तोथासतो
परमेस्वर्कोः कुरा छ्यानःती तोओ मान्तालम्पाय् सुकायःमा नीङ्कोः आय्कानः तोकानःलम्इ आन रेव्तो जाङ्ह्ती गम्आथास। सुसुइलो ‘लौ लोन्ह्ते परमेस्वर्कोः कुरा पेओ जय्कुमःतो जाङ्ह्ओ ख्रीस् त तोसा वाङ्नाः’ त थोल्ह्ती तोआकानी ओउःकायःलेःमा नीङ्कोः आय्कानः तोकानःलम्इ सात्आकानी रैस। ओउःमयःलो लेखालेः नीङ्लम्इमा ओउः ख्रीस्कायः अरुलम्कःताङ् दाक्ती सात्ताक्तेःआकानी बा।
“लौ नाःतो जात्कोः तोकानः ङाइ स्याव्ताक्नेःनाङ्” त दाय्ह्ती परमेस्वर्इ दाय्ह्ओ ओउःकोः आखरःहाङः लेखती मुनाः। ओउःइ ङ्हाम्ओ परमेस्वर्कोः मीक्हाङः आब्राहाम्पाय् ङीकोः तोकानःलो लेखा स्याव्नाः। इ परमेस्वर्इपाय् सीओलम्कायः उह्ती च्योक्ताक्मानौ नाःसा नाःमालो थोक्लम्पाय् ओउःकोः तोधार्नालेः जाङ्ह्ताक्मानौ।
नीङ्कायःपाय् “लौ ङाकोः लयःकोः मान्तालम् स्याव्पै” त दाय्ह्ती परमेस्वर्इ आपाइ लयः झाक्तीलेः छीङ्ह्तेःआकाय्। ओहाङःसैको एत हायःती येसु ख्रीस्कोः वयःइ रेव्ओसै छय्ङ्ताक्साकायःमा ओउःकोः काम् ग्याताक्साकायःमा परमेस्वर्कोः ग्वालामःइ नीङ्कायः गम्तेःआकाय्। लौ नीङ्कायः परमेस्वर्इ न्हाङ्तोलेः योनःती योती आन पेतोलेः ल्हुङ् धोमाय्ताक्तेःपै।
दोह् हायःती दाय्ह्सा यात् नीस् परमेस्वर्कोः कुरा ग्यामालोलम् नीङ्कःहाङः अरुइ चीःमाःत वाङ्आकाय्। ओउःमयःइपाय् परमेस्वर्इ योनःती योओ कुरा ङोय्ह्तोलेः स्यान्ती “लौ ङीइ ङ्हाम्ओलम्कायः द्याह् सबै काम् जाङ्ह्सा स्याव्नाः दोह्मा रेव्ओलेः खेःल” त माःती ल्हास्या काम् जाङ्ह्साकायः तोनानी। एत हायःती ङीकोः यातैज्योः प्रभुमा मालीक्मा येसु ख्रीस्कः झाक्माःत मुनै। ओउः खाल्कोः मान्तालम्कायः “न्युम्ह्तोलेः स्याव्नै” त दाय्ह्ओ उय्ह्लेहाङःसै आखरःहाङः लेखओआः बा।
ကြော်ငြာတွေ