खबरदुत 2:22 - चेपाङ22 लौ नीङ् इस्राएल्कोः मान्तालम्इ पेतो सायःनु दा। नीङ्कोः लयःकोः मीक्हाङःपाय् नासरेत् गाव्सै वाङ्ओ येसुकायःलेः परमेस्वर्इ आन ग्याङ्ह्राय् जाङ्ह्ताक्सा बयःआथै। इ येसु त तोओपाय् ‘परमेस्वर्कःसै वाङ्ओआः’ त नीङ्कायः चीःताक्साकायः परमेस्वर्इ येसुकायः ग्याङ्ह्राय् जाङ्ह्ताक्आथास। ओउःततेः चीःनानी। အခန်းကိုကြည့်ပါ။ |
खबरदुत 2:22
42 ပူးပေါင်းရင်းမြစ်များ
नाःसुयः लात्ओ ब्राव्ओ मान्ताइपाय् लयःकोः कीम् ल्युङ्ह्ती योनौ त खेःया चोर्लम्पाय् सुइमा पोक्ती ओउःकोः माल्ताल्लम् लाती आलःसा खाय्नीली। खेःल अरु ओउः कीम्कोः मान्तासै छोङ्ह्तोलेः ब्राव्ओ मान्ता वाङ्आक्तीको ह ओउःकायः क्लीमःती ओउःकोः नाःसुयःलम् वाय्ती माल्ताल्लम् लाती आलःसा खाय्लेःनाःथै। इलो लेखालेः ङा परमेस्वर्कोः ग्वालामः दोःती लान्कोः राजाकायः क्लीमःती ओउःकोः लान्लम्कायः ल्हेस्ताक्ती वाय्सा खाय्लेःनाङः। ओहाङःसैको सैतान्कोः राजीखेपाय् क्लीमःओ त खेःया नीङ्कःताङ् परमेस्वर्कोः राजीखे दाह्ती वाङ्लेःनाः।
ओहाङःसैको फीलीप् आल्ती यात्चाक् नथानएल् त तोओकायः क्रुस्आकान्। नथानएल्कायः क्रुस्आक्तीको “लौ ङीइ ओउः वाङ्सा खेःआ चाक्कायः क्रुस्आलाङःसु। ओउःकायःपाय् मोसाइमा अरु परमेस्वर्कोः कुरा छ्यानःओमयःइमा कुरा लेखआकानी। ओउःपाय् नासरेत् गाव्हाङः याक्ती मुओ युसेफ्त तोओकोः चोः येसु लेःआः बा” त दाय्ह्ती फीलीप्इ ल्हाक्ती तोआकान्।
यात्दीन्हाङः नीकोदेमस्पाय् येसुकःताङ् याह्दीङ्हाङःलेः वाङ्आ। येसुकःताङ् वाङ्ती “लौ गुरुय नाङ्पाय् परमेस्वर्कःसै स्यान्लाङ् वाङ्ओ मान्ता लेःतेःआः बा। नाङ्इ इच्युक् पेओ ग्याङ्ह्राय् जाङ्ह्ती झ्यान्ते परमेस्वर् नाङ्कुस् मुनाः त ङीइ चीःनाङःसु। परमेस्वर्पाय् ओउःकुस् ब्राङ्ती मुमाया सुइमा इ काम् जाङ्ह्सा खाय्नीली” त दाय्ह्ती नीकोदेमस् दाय्ह्आ।
लौ इ ल्हाव्ह्दैबाङ्कोः जेःगालम् सय्ङ्ती ल्ह्योह्ती वाय्नाः ओउः जेःगाखेकायः केलःती काम् जाङ्ह्माःत ओउः गलमा द्योक्मालो रौ जीङः दोःताक्सा जेःगाखेकायः काम् जाङ्ह्नु। इ जेःगापाय् ङा मान्ताकोः चोः त तोओइ बयःनेःनाङ्स। एत हायःसाकायः ङाकोः परमेस्वर् आपाइ ङाकायः दोक्तीलेः गम्आताङः बा” त दाय्ह्ती येसुइ तोआकान्।
ओउःत खेःया इ कुरा पेतो चीःती सायःनु दा। नीङ् इस्राएल्कोः मान्तालम्इ क्ल्याय्ओ सीङःहाङः सात्ओ नासरेत् गाव्सै वाङ्ओ येसुपाय् ओउःकायःलेः परमेस्वर्इ च्योक्ताक्आथै। ओउः येसु ख्रीस्कोः मय्ङ् पेह्ती झ्यान्ते इ ङ्हा क्ल्योय्बाङ् खेःओ मान्तापाय् द्याह् नीङ्कःहाङः पेतो सेलःलेः चीङ्ती मुनाः।
ကြော်ငြာတွေ