खबरदुत 2:14 - चेपाङ

¹⁴ एत तोओ कुरा सायःआक्‌तीको पत्रुस्‌पाय् अरु एघार छ्युङ्‌ह्ओमयःकुस् तोलाङ् चीङ्आकाय् “लौ नीङ् यरुसालेम् सहर्‌ याक्ओलम्‌मा अरु यहुदीया देस्‌कोः मान्‍तालम्‌मा इ ङाइ तोओ कुरा पेतो ङ्‌हाम्‌ती सायःनु दा।

खबरदुत 2:14 ပူးပေါင်းရင်းမြစ်များ

मत्ती 2:1

ओहाङःसैको येसु बेथ्‌लेहेम् गाव्‌हाङः ओत्‌तोक्‌हाङः ओउः यहुदीया देस्‌कोः राजा हेरोद् त तोओ खेःतो।

खबरदुत 1:26

परमेस्‍वर्‌कायः तोआक्‌तीको ओउःमयःइ कागत् कागत्‌हाङः ओउः नीस्‌चाक्‌कोः मय्‍ङ् लेखआकानी। लेखआक्‌तीको ओउः नीस् कागत् ल्‍यय्‌ती काआक्‌तीको यातैज्‍योः चल्‌ती योआकानी ती ओउःपाय् मथीयस् त तोओकोः कागत् खेःतो। ओउःत खेःओ मथीयस्‌कायः “यात्‌चाक् येसुकोः छ्युङ्‌ह्ओमयःलेः” त तोओ खेःतो।

खबरदुत 13:16

ओउःत तोआक्‌तीको पावुल् चीङ्‌ती क्रुत् प्‍योती नोःखयःआ “लौ इस्राएल्‌कोः पुःचोङ् हौचोङ्‌य अरु जात्‌कोः परमेस्‍वर्‌कायः झाह्ओलम्‌य द्याह् सायःनु दा।

खबरदुत 2:22

लौ नीङ् इस्राएल्‌कोः मान्‍तालम्इ पेतो सायःनु दा। नीङ्‌कोः लयःकोः मीक्‌हाङःपाय् नासरेत् गाव्‌सै वाङ्ओ येसुकायःलेः परमेस्‍वर्‌इ आन ग्‍याङ्‌ह्‌राय् जाङ्‌ह्‌ताक्‌सा बयःआथै। इ येसु त तोओपाय् ‘परमेस्‍वर्‌कःसै वाङ्ओआः’ त नीङ्‌कायः चीःताक्‌साकायः परमेस्‍वर्‌इ येसुकायः ग्‍याङ्‌ह्‌राय् जाङ्‌ह्‌ताक्आथास। ओउःततेः चीःनानी।

खबरदुत 5:35

ओउःमयः बाहीर ग्‍ल्‍युङ्‌ह्‌ती मुतोक्‌हाङः “अ इस्राएल्‌कोः मान्‍तालम्‌य इ मान्‍तालम्‌कायः दोह् दोह्‌लोतेः जाङ्‌ह्‌खेःनानी ओउःपाय् पेतो व्‍हक्‌तोलेः हायःनीङ्‌सी।

खबरदुत 7:2

“लौ हौचोङ् आपाचोङ्‌य सायःनाङ्‌स दा। उय्‍ह्‌लेहाङः ङीकोः तोकानः आब्राहाम् त तोओ मेसोपोताम्‍या देस्‌हाङः याक्‌ती मुओ। ओहाङः याक्‌ती मुतोक्‌हाङः ओउः सबैसै पेओमा ताङ्‌ह्ओमा परमेस्‍वर्‌ आब्राहाम्‌कःताङ् थाआ। ओउः बेलाहाङः आब्राहाम्‌पाय् हारान् सहर्‌हाङः याक्‌धाङ्‌मालो खेःतो।

याकुब् 2:5

लौ ङाइ राप्ओ पुःचोङ् हौचोङ्‌य ओउः ल्‍हाव्‍ह्‌दैबाङ्‌कोः मीओ नाःतो नाःमालोलम्‌कायः परमेस्‍वर्‌इ आन ङ्‌हाम्‌साकायः छ्युङ्‌ह्‌माआथास। लयःकायः राप्ओ मान्‍तालम्‌कायः तोती गम्ओ राजीमा ह्र्यात्‌लम्‌कायः बयःमाआथास।