ओहाङः दाह्आक्तीको ओउः तीःजहास्सै ग्ल्युङ्ह्ती ङी मासीदोनीया देस्कोः अरुसै ताङ्ह्ओ फीलीपी त तोओ सहर्ताङ् ल्याम्हाङः वाह्ती दाह्आकाच। ओउः फीलीपी त तोओ सहर्हाङः नाःतो रोमी देस्सै वाङ्ओ मान्तालम् मुइतो ओउःत झ्यान्ते ओउः रोमी देस्कोः राजाइ ओहाङः हुकुम् बयःती गम्ओ खेःतो। ओउः सहर्हाङः ङी सुम्चार् दीन्कायः मुआलाङी।
खबरदुत 19:21 - चेपाङ21 ओहाङःसैको लोनेसै पावुल्पाय् “लौ मासीदोनीया आखया नीस् जील्लाताङ् ब्याह्ती वाह्आक्तीको ङा यरुसालेम्ताङ् आल्चाङः। यरुसालेम्ताङ् आल्आक्तीको ङा रोम् त तोओ रोमी देस्कोः सबैसै ताङ्ह्ओ सहर्कायः गत खेःयामा योलाङ् आल्सा खेःतो” त दाय्ह्ती पावुल् दाय्ह्आ। အခန်းကိုကြည့်ပါ။ |
खबरदुत 19:21
31 ပူးပေါင်းရင်းမြစ်များ
ओहाङःसैको ओउः सहर्हाङः ओउःमयः नाःतो हुम्काय्ती इःताङ् उःताङ् वाह्ती सोतो गोःती नाःतोलम् सहर्कोः सभा कीम्ताङ् दाह्आकाय्। सभा कीम्ताङ् आल्तोक् बेलाहाङः ओउः सहर्हाङः वाह्ओ मान्तालम्इपाय् पावुल्कुस् मासीदोनीया देस्सै वाङ्ओ गायुस्मा आरीस्तार्कस् त तोओनीस्कायःमा चुम्ती ओउः सभा कीम्ताङ् पोक्ती दाक्आथाच।
तीःजहास्सै ग्ल्युङ्ह्आक्तीको ङीइ ओउः सहर्कोः येसुकायः ङ्हाम्ओ मान्तालम्कायः बोङःती क्रुस्आलाङःसु। क्रुस्आक्तीको ओउःमयःकुस्इ ङी यात् सातच्युक्कायः मुआलाङी। ओउःमयःकुस् मुतोक् बेलाहाङः यात्नीस् ङ्हाम्ओलम्कायः “लौ यरुसालेम्हाङः पावुल्कायः चुम्नानी” त परमेस्वर्कोः ग्वालामःइ ओउःमयःकायः तोती छ्यानःआथास ओउःत झ्यान्ते ङ्हाम्ओलम्इ “यरुसालेम्ताङ् आल्तेःचाः” त दाय्ह्ती पावुल्कायः गानाक्ती तोथातो ओउःमयःइ तोओ कुरा पावुल्इ सायःउलु।
ओहाङःसैको चौकीहाङः दाह्आक्तीको अनम्ह्कोः स्याङ्ह्लोहाङः याह्दीङ्हाङः लयः प्रभु येसुलेः ओउःकोः चीनःसै मुओ पावुल्इ च्यवःआकान्। एत च्यवःतोक्हाङः “लौ रैतेःचानाः। यरुसालेम्हाङः नाङ्इ ङाकोः कुरा छ्यानःती तोतेःआकान् द्याह् रोम् सहर्हाङःमा नाङ् ओउःतलेः ङाकोः कुरा तोसालेःतेः खेःतेःनाः” त दाय्ह्ती प्रभु येसुइ तोआथै।
ကြော်ငြာတွေ