खबरदुत 18:26 - चेपाङ26 ओहाङःसैको एफेसस् सहर्ताङ् दाह्आक्तीको आपोलस्इपाय् थनःओ कीम्हाङः पोक्ती ओहाङः फुतीलेः स्यान्ती तोखयःआथास। थनःओ कीम्ताङ् स्यान्ती तोतोक्हाङः ओउःइ तोओ कुरा अक्वीला नीस्पय्क्चाःइ सायःआकाचु। सायःआक्तीको ओउःनीस्इ येसुकोः कुरा सबैलेः पेतो चीःताक्साकायः आपोलस् त तोओकायः लोन्ते पेतो स्यान्आकाचु। အခန်းကိုကြည့်ပါ။ |
खबरदुत 18:26
23 ပူးပေါင်းရင်းမြစ်များ
ओहाङःसैको कोरीन्थहाङः मुओ येसुकायः ङ्हाम्ओलम्कुस् पावुल् आन ज्याङःतो मुआ। ओहाङःसैको लोन्ते ङ्हाम्ओलम्कायः दाम्ती गम्आक्तीको पावुल्पाय् अक्वीला नीस्पय्क्चाःकुस् तीःजहास्हाङः लन्ह्ती सीरीया देस्ताङ् आल्आकाय्। ओहाङःसैको आल्धाङ्माखाहाङः केङ्क्रीया त तोओ सहर्हाङः पावुल्इ परमेस्वर्कायः “लौ लोने यरुसालेम्हाङः ङाइ आन झाह्ती तोनेःनाङ्” त दाय्ह्ती तोती कीरीया जाङ्ह्ती लयःकोः म्याङ् खुर्आकास।
ओउःत झ्यान्ते पावुल्इ येसुकोः कुरा तोती छ्यानःसा दीन् दोक्ती गम्आक्तीको ओउःनम् दीन्हाङः नाःतो यहुदीलम् पावुल् मुओ कीम्ताङ् हुम्ती वाङ्आकाय्। हुम्ती वाङ्आक्ती पावुल्इ येसुकोः कुरामा परमेस्वर्कोः राजीकोः कुरामा प्रीमाहाङःसै याह्दीङ्मा दाह्तोलेः स्यान्ती ओउः हुम्ओ मान्तालम्कायः तोआथास। उय्ह्लेहाङः लेखओ मोसाइ तोओ कुराहाङःमा परमेस्वर्कोः कुरा छ्यानःओमयःकोः कुराहाङःमा “ख्रीस्कायः दोह् दोह् लेखती मुनाः” त स्यान्ती तोती ओउःमयःकायः होम्सा बोङःआकान्।
ကြော်ငြာတွေ