खबरदुत 18:12 - चेपाङ12 पावुल्पाय् ओहाङः स्यान्ती मुआ ओहाङःसैको गालीयो त तोओ मान्ता आखयाकोः अन्चलादीस् स्याव्तोक्हाङः यात्नीस् यहुदीलम्इ हुम्ती पावुल्इ तोओ कुरा “पेमालो लेःआः” त होम्काय्ती नोःती ओउःमयःइ पावुल्कायः चुम्ती ओउः अन्चलादीस्कःताङ् लात्ती वानःआथै। အခန်းကိုကြည့်ပါ။ |
खबरदुत 18:12
27 ပူးပေါင်းရင်းမြစ်များ
ओहाङःसैको अन्तीयोक् इकोनीयुम् सहर्नीस्सै वाङ्ओ यहुदीलम् ओउः लीस्त्र सहर्ताङ् दाह्ती वाङ्आकाय्। दाह्ती वाङ्आक्तीको ओउःमयःइ ओउः लीस्त्र सहर्कोः मान्तालम्कायः फोल्यावःती होम्ती ओउःमयःइ पावुल्कः ल्हुङ् मल्ह्तो स्याव्ताक्आकानी। ल्हुङ् मल्ह्तो स्याव्आक्तीको ओउः सहर्कोः मान्तालम्इ पावुल्कायः बाङ्इ आप्दा आप्दा “द्याह् सीओ लेःआः” त म्हर्ती ओउःकायः सहर् बाहीरसै ह्र्युत्ती वाय्ती गम्लाङ् आलःआथै।
ओहाङःकोः “बेरोया सहर्हाङःमा पावुल्इ प्रभु येसुकोः कुरा स्यान्ती तोलेःनौ” त सायःती ओउः थेसालोनीकाकोः पेमालो यहुदीलम्मा बेरोया सहर्ताङ् वाङ्ती ओहाङःकोः मान्तालम्कायः हुम्ताक्ती “लौ ओउःनीस्इ पेमालो स्यान्नाःच ओउःनीस्कायः रुनःपाःथाच” त होम्काय्ती तोआथास। ओउःत थ्योन्ह्ती तोती ओउःमयःइ पावुल् साथीचाःकः ल्हुङ् मल्ह्ताक्आकानी
ओहाङःसैको “नाःतो मान्ता येसुकोः कुरा ङ्हाम्ती पावुल् नीस्साथीचाःकुस् वाह्ती मुओ” त च्यवःती अरु यहुदी मान्तालम्खे ल्हुङ्हाङः लआकाय्। ओउःमयः लती सहर्कोः पेमालो मान्तालम् हुम्लाङ् वानःती ओउः हुम्ओ मान्तालम्कायः थ्योन्ह्ती नोःकाय्आकाय् ओहाङःसैको ओउः पेमालो मान्तालम्इ सहर्कोः मान्तालम्कायः सबै पावुल् बर्नाबास्कः ल्हुङ् मल्ह्ताक्आथास। ल्हुङ् मल्ह्आक्तीको ओउः सहर्कोः मान्तालम्पाय् इताङ् उःताङ् वाह्ती यात्चाक् येसुकायः ङ्हाम्ओ मान्ता जासोन् त तोओकोः कीम्ताङ् दाह्ती पावुल्नीस् साथीचाःकायः बोङःलाङ् पोक्आकाय्। बोङःतोक्हाङः “ओउःनीस्कायः चुम्ती सबै मान्तालम्कःताङ् वानःनी” त म्हर्ती बोङःनीतो ओउःनीस्कायः च्यवःनीली।
ओउःनीस्इ पेतो स्यान्आक्तीको आपोलस् त तोओपाय् आखया जील्लाताङ् आल्सा म्हर्आ। ओउःत झ्यान्ते ओउः एफेसस् सहर्हाङः मुओ येसुकायः ङ्हाम्ओलम्इ “लौ पेतोलेः आल्अ दा” त तोती ल्होक्ती ओउः आखयाहाङः मुओ ङ्हाम्ओलम्कायः चेती लेखआकानी “लौ इ आपोलस् त तोओइ येसुकोः कुरा द्याह् पेतो नोःसा चीःनौ। ओउःकायः उया पेतो रोम्नु दा” त दाय्ह्ती चेती लेखती ल्होक्आकानी। ओहाङःसैको आखया दाह्आक्तीको आपोलस्इ ओहाङःकोः परमेस्वर्इ ङ्हाम्ताक्ओ मान्तालम्कायः आन लव्ह्ती तोआथास।
ကြော်ငြာတွေ