खबरदुत 18:10 - चेपाङ

¹⁰ अरु सुइमा नाङ्‌कायः रेव्‌तो हायःसा खाय्‌तेःल” त माङःखाहाङः दाय्‍ह्‌ती प्रभु येसुइ तोओ कुरा सायःआकान्।

खबरदुत 18:10 ပူးပေါင်းရင်းမြစ်များ

मत्ती 1:23

“लौ यात्‌चाक् बुधाकः पाय्‍ह्‌मालो मोमःचोः चोःतुक् स्‍याव्‌ती गोय्‌चोःचोः दोःतो स्‍याव्‌नाः। ‘परमेस्‍वर्‌ ङीकुस् मुनाःतय्‍ही’ त दाय्‍ह्‌ती ओउः चोःकायः एमानुएल् त मय्‍ङ्‌नानी” त दाय्‍ह्‌ती दाय्‍ह्ओ कुरा द्याह् ताप्‌तो स्‍याव्‌नाः।

मत्ती 10:30

नीङ्‌खेकायः याज्‍याङ् म्‍याङ्‌ला मीह्आ त खेःया परमेस्‍वर्‌इ चीःनौ बा।

मत्ती 28:20

ङाइ तोआ कुरा सबै स्‍यान्उसु दा। लौ इ ल्‍हाव्‍ह्‌दैबाङ्‌कोः द्युम्ओ बेलाहाङःमा गलकायःमा ङापाय् नीङ्‌कुस् मुलेःनाङः बा” त दाय्‍ह्‌ती येसुइ तोआथास।

लुका 21:18

ओउःमयःपाय् ल्‍हुङ् मल्‍ह्‌तो स्‍याव्‌सापाय् स्‍याव्‌लेःनै ओउःमयःइ नीङ्‌कायःपाय् ह्र्योङःती वाय्‌सा जुगाङ् खाय्‌नीली नीङ्‌कोःपाय् दोह्‌मा वाय्‌सा खाय्‌नीली।

युहना 10:16

ओहाङःसै ङाकोःपाय् अरु मान्‍ता मुनै इ ङाकुस् मुओलम् झुङ्आले खेःल ओउः अरु मान्‍तालम्‌कायःमा ङा वानःसा खेःनाङः। ओउःमयःइ ङाकोः हाव्‌नयः सायःती वाङ्‌ती इमयःकुस् ल्‍याव्‍ह्‌ती यातैज्‍योः स्‍याव्‌नै। ङाझुङ् ह सबैकोः ह्रामःओ चाक्‌लेः स्‍याव्‌नाङः।

युहना 11:52

लोने येसुलेः सबैकायः सीसा खेःतो लयःकोः यहुदी मान्‍तालम्‌कायः झुङ्आले खेःल गाःहाङः खेःयामा परमेस्‍वर्‌कोः चोः मुइतो ओउःमयःकायः सबै हुम्‌ताक्‌ती वानःती यातैज्‍योः स्‍याव्‌ताक्‌साकायःपाय् येसु सीसा खेःतो। इतलेः कयाफाइ तोओ कुरा ताप्‌तो स्‍याव्आ।

खबरदुत 15:14

यहुदी खेःमालो जात्‌लम्‌कःहाङः परमेस्‍वर्‌इ लयःकायः झाह्‌साकायः मान्‍ता मान्‍तालम् छीह्आकान्। इतलेः मेस्‌खा सीमोन् पत्रुस्इ छ्यानःती तोआतय्‍ही।

खबरदुत 18:11

ओउःत माङ्‌खा च्‍यवःआक्‌तीको ओउः सहर्‌हाङः पावुल् अथार महीनाच्‍युक्‌कायः परमेस्‍वर्‌कोः कुरा स्‍यान्‌ती मुआ।

खबरदुत 18:9

ओहाङःसैको यात्‌दीन्‌हाङः याह्‌दीङ्‌हाङः पावुल्इ माङःखा च्‍यवःआकान्। माङःखा च्‍यवःतोक् बेलाहाङः “लौ रैलाम् इहाङः र्‍याङःमाःत रैमाःत स्‍यान्उ दा। ङा नाङ्‌कुस् मुलेःनाङः। इ सहर्‌हाङः मुओ ङाकायः झाह्ओ मान्‍तालम् नाःतोलेः मुनै।

रोमी 8:31

लौ उया ओउःत खेःया द्याह् दोह् त दाय्‍ह्‌सा खाय्‌चाःतय्‍ह्‌नी र परमेस्‍वर्‌इपाय् ङीकुस् मुनाः त खेःओ सुइमा ङीकायः क्‍लीमःसा खाय्‌तय्‍हीली।

२ कोरीन्‍थी 12:9

“लौ ङाइ योनःती बयःओ ग्‍वम् नाङ्‌कायः दाह्‌लेःनाः बा। लयः काम् जाङ्‌ह्‌सा लोमालो मान्‍ताकायः ङाकोः ग्‍वम्इपाय् पुत्‌तोलेः जाङ्‌ह्‌ताक्‌सा खाय्‌नौ” त दाय्‍ह्‌ती प्रभु त्‍याङ्आ। ओउःत झ्‍यान्‍ते “ख्रीस्‌कोः ग्‍वम्इपाय् दोःपाङः” त दाय्‍ह्‌ती ङा जीक्‌ती ध्‍यव्‌तो स्‍याव्ओहाङः चोङाय्‌तीलेः मुनाङः।

२ तीमोथी 4:17

ओउःमयःखे सबै क्रव्इतो प्रभुखेइलेः ङाकुस् मुती ग्‍वम् बयःआताङः ओउःत झ्‍यान्‍ते ओहाङः मुओ यहुदी खेःमालोलम्‌कायः ङाइ परमेस्‍वर्‌कोः पेओ समचार्‌ जुदालेः थोल्‍ह्‌ती तोसा खाय्ओ खेःतो। ओहाङःसैको ङा सीओसै दल्‌ताक्ओआः ङ।

२ तीमोथी 4:22

लौ प्रभुपाय् नाङ्‌कोः वाहीमःकुस् मुपाः ओउःइ सबैकायः योनःती योती पेतोलेः बयःतेःपै।