खबरदुत 17:11 - चेपाङ

¹¹ ओउः थेसालोनीकाकोः मान्‍तालम्‌सै बेरोयाकोः मान्‍तालम्‌कोः ल्‍हुङ् आय्‍ह्‌तो मुइतो ओउःत झ्‍यान्‍ते ओउःमयःइ पावुल्इ स्‍यान्‌ती तोओ कुरा पेतो यान्‍ततीलेः सायःती “इ कुरापाय् परमेस्‍वर्‌कोः आखरःहाङः लेखओ कुराकुस् ब्राङ्‌नाःया ब्राङ्‌लया द्याह् योनी” त म्‍हर्‌ती दीन्‌का दीन् ओउःमयःइ परमेस्‍वर्‌कोः आखरःहाङः पह्रआकाय्।

खबरदुत 17:11 ပူးပေါင်းရင်းမြစ်များ

मत्ती 13:23

फेरी अरु मान्‍तालम्‌खेइ परमेस्‍वर्‌कोः कुरा सायःती पेओ चीःती ङ्‌हाम्आक्‌तीको आन जाङ्‌ह्‌नानी। इलो खेःओ मान्‍तालम् पेओ साःहाङः दीह्ओ बीया चोयालो लेखा पेओ काम्‌लम् ब्‍याव्‌तीलेः जाङ्‌ह्‌नानी” त दाय्‍ह्‌ती येसुइ छ्यान्‍ह्‌ती तोआथास।

लुका 1:2

इ कुराखेपाय् येसुकोः ओत्‌नम् दीन्‌हाङःसै सबै च्‍यवःओ मान्‍तालम्‌कोः ल्‍हाक्‌राय् सायःती चीःआक्‌तीको ओउःमयःइ लेखआकानी।

लुका 11:3

ङीकायःपाय् दीन्‌का दीन् जेःगा दोःताक्‌ताङी दा।

लुका 16:29

‘दोह् हायःती लाजरुस् आल्‌सा खेःतो। मोसाइमा परमेस्‍वर्‌कोः कुरा छ्यानःओमयःइ गानाक्‌ती तोओ कुरापाय् मुलेःनाः ओउःमयःइ तोओ कुरापाय् नाङ्‌कोः पुःचोङ्इ सायःसा खाय्‌नानी’ त दाय्‍ह्‌ती आब्राहाम् त्‍याङ्आ।

लुका 24:44

ङाः जेःआक्‌तीको “ङा नीङ्‌कुस् ङ्‌हा मुतोक्‌हाङः ‘लौ मोसाइमा परमेस्‍वर्‌कोः कुरा छ्यानःओमयःइमा भजन्‌हाङःमा ङाकायः लेखती तोओ कुरा सबै ताप्‌तो स्‍याव्‌सा खेःतो’ त ङाइ दाय्‍ह्‌ती स्‍यान्‌नेःआलाङ्‌स” त दाय्‍ह्‌ती

युहना 3:21

दोङ् पेतो जाङ्‌ह्ओमयःखे थोङ्ओकःताङ् वाङ्‌नै। परमेस्‍वर्‌कोः पेओ काम् जाङ्‌ह्‌ती झ्‍यान्‍ते ओउः काम् फुतीलेः छ्यानःसा ग्‍यानै।

युहना 5:39

परमेस्‍वर्‌कोः आखरःपाय् नीङ्इ ‘लौ इ आखरःपाय् पह्रती ङी रौ जीङः दोःनाःतय्‍ही बा’ त ताःती आन पह्रती मुतेःनै ओउः आखरःहाङः ङाकोः कुरा मुलेःनाः।

खबरदुत 10:33

एत तोआक्‌तीको ङाइ रेन्‍ह्‌तोलेः नाङ्‌कायः गोत्‌साकायः ल्‍होक्‌ङोतो नाङ् द्याह् भालातेःआः वाङ्‌तेःआ बा। लौ द्याह् प्रभुइ नाङ्‌कायः तोसा बयःओ कुरा सायःसाकायः ङी सबै परमेस्‍वर्‌कोः मीक्‌हाङः हुम्‌तीलेः मुनाङी” त दाय्‍ह्‌ती कर्‌नीलीयस्इ तोआथै।

खबरदुत 11:1

कर्‌नीलीयस्‌कुस् पत्रुस् साथीचोङ् मुआकाय् ओहाङःसैको “यहुदी खेःमालो जात्‌लम् परमेस्‍वर्‌कोः कुरा ङ्‌हाम्‌नानी” त दाय्‍ह्ओ यहुदीया देस्‌हाङः मुओ येसुकोः छ्युङ्‌ह्ओमयःमा अरु ङ्‌हाम्ओलम्इमा सायःआकानी।

खबरदुत 17:1

फीलीपी सहर्‌सै आल्आक्‌तीको आम्‍फीपोलीस् आपोलोन्‍या सहर्‌नीस्‌हाङः च्‍योल्‌ती आल्‌ती थेसालोनीका त तोओ सहर्‌ताङ् दाह्आकाच। ओउः सहर्‌हाङः यहुदीलम्‌कोः थनःओ कीम् खेःतो।

खबरदुत 2:41

एत तोआक्‌तीको सुसुइ पत्रुस्इ तोओ कुरा ङ्‌हाम्‌ती सायःनीतो ती ओउःमयःकायः बाप्‍तीस्‍मा बयःआकानी। ओउः दीन्‌हाङः सुम् हजार्‌च्‍युक् मान्‍तालम् येसुकोः ङ्‌हाम्ओ मान्‍तालम्‌कःहाङः पाःआकाय्।

१ थेसलोनिकि 1:6

ओउःत झ्‍यान्‍ते ङीकायःमा ङीकोः प्रभुकायःमा तेःतेःआकानी। ओउः बेलाहाङः नीङ्इ आन लीह्‌सीःओ गोरःतेःआकानी। लीह्‌सीःओ गोरःसापाय् गोरःतेःनीतो परमेस्‍वर्‌कोः ग्‍वालामः दोःती ओउःकोः कुरा चोङाय्‌तीलेः सायःतेःआकानी.

१ थेसलोनिकि 2:13

परमेस्‍वर्‌कोः नोःराय् ङी नीङ्‌कःताङ् तोलाङ् वाङ्‌तोक्‌हाङः “लौ इपाय् मान्‍तासै वाङ्ओ नोःराय् ह खेःल परमेस्‍वर्‌कोः लेःआः” त दाय्‍ह्‌ती ङीइ स्‍यान्ओ कुराकायः ङ्‌हाम्‌ती सायःतेःआकानी। ओउःत झ्‍यान्‍ते ङीइ गलकायःमा परमेस्‍वर्‌कायः “च्‍युता” त तोनाङःसु। दोङ्‌सीलेः ङीइ स्‍यान्ओ नोःराय्‌पाय् परमेस्‍वर्‌कोः लेःआः। ओउः नोःराय्इपाय् देङीलेः नीङ् ङ्‌हाम्ओलम्‌कायः पेतो वाह्‌ताक्‌तेःनै।

२ थेसलोनिकि 2:10

ओउःइमा आन पेमालो हायःती ओउः सीती वाय्‌सा खेःओ मान्‍तालम्‌कायः आन तोपाल्‌नाःथास। ओउः मान्‍तालम्इ दोङ् पेओ कुरा झाक्‌ती सायःमाःत झ्‍यान्‍ते दल्‌तो स्‍याव्इली सीती वाय्‌लेःनै।

याकुब् 1:21

ओउःत झ्‍यान्‍ते सबै रेव्ओमा अह्र्सीःओ काम् जवओ फेती नीङ्‌कोः ल्‍हुङ्‌हाङः सेती गम्ओ पेओ नोःराय् ग्‍यातीलेः सायःनु ओहाङःसैको ओउः नोःराय्इ नीङ् दल्‌तेःनै।

१ पत्रुस् 2:2

रेः चोःलम् योङ्‌क्राय्‌ती दुत् तुङ्‌सा आन ग्‍यानै ओउःलो लेखालेः नीङ्‌मा परमेस्‍वर्‌कोः पेओ नोःराय्‌कायः ल्‍हुङ्‌हाङः सेती गम्‌सा ग्‍यातेःपै। ओहाङःसैको रौ जीङः दोःआक्‌तीको नीङ् न्‍हाङ्‌तोलेः छय्‍ङ्‌तो स्‍याव्‌ती रेव्ओसै दल्‌तेःनै।