खबरदुत 15:4 - चेपाङ4 ओहाङःसैको पावुल् साथीचोङ् आल्दा आल्दा यरुसालेम्ताङ् दाह्आक्तीको ओहाङःकोः येसुकोः छ्युङ्ह्ओमयःमा येसुकायः ङ्हाम्ओ थालवःपालम्इमा ओउःनीस् पावुल् बर्नाबास्नीस्कायः त्याक्ती रोम्आथाच। रोम्आक्तीको ओउःनीस्इ “लौ नीचीकायः परमेस्वर्इ इतलेः जाङ्ह्ती वाह्ताक्आताङःच” त दाय्ह्ती सबै ङ्हा जाङ्ह्ओ काम्लम् ल्हाक्ती छ्यानःती तोआथास। အခန်းကိုကြည့်ပါ။ |
खबरदुत 15:4
20 ပူးပေါင်းရင်းမြစ်များ
ओहाङःसैको ओउःमयःइ स्यान्ओ कुरा सायःती “इपाय् दोङ् कुरा खेःल” त दाय्ह्ती ओउःमयःकुस् पावुल्मा बर्नाबास्मा आन तानःकाय्आकाय्। ओहाङःसैको ओउःमयः ब्राङ्ती नोःसा खाय्नीली त झ्यान्ते “लौ इ कुरापाय् यरुसालेम्हाङः मुओ येसुकोः छ्युङ्ह्ओमयःकायःमा ङीकोः ताङ्ह्ओ थालवःपालम्कायःमा इ कुरालम्कायः ‘गाव्खे पेनाः’ त व्हत्ती ओउःमयःकोः ल्हुङ्तुक् योसा खेःतो” त दाय्ह्तीताङः पावुल् नीस्साथीचाःकायःमा यात्नीस् अरुलम्कायःमा छीङ्ह्ती यरुसालेम्ताङ् कुरा नोःकाय्लाङ् ल्होक्आथास।
ओउःत तोआक्तीको येसुकोः छ्युङ्ह्ओमयःमा थालवःपालम्मा सबै ङ्हाम्ओलम्कुस् नोःकाय्ती “लौ इहाङः मुओ मान्तालम्कःसै यात् नीस्चाक् छीङ्ह्ती पावुल् बर्नाबास्कुस् अन्तीयोक्ताङ् ल्होक्पाःथास” त ओउःमयः हुन्द्यावःती दाय्ह्आकाय्। एत हुन्द्यावःती दाय्ह्आक्तीको नीस्चाक् ओउःमयःकोः ताङ्ह्ओ मान्ताकःसै यहुदा त तोओमा बर्साबास्मा सीलास् त तोओमा ओउः नीस्चाक्कायः छ्युङ्ह्ती चेती ल्हाती पावुल् बर्नाबास्कुस् ल्होक्आथाच।
ल्होक्आक्तीको पावुल् बर्नाबास्नीस् फोनीस्या देस्हाङःमा समारीया देस्हाङःमा च्योल्ती ओहाङः मुओ येसुकायः ङ्हाम्ओलम्कायः “लौ द्याह्पाय् नाःतो यहुदी खेःमालो जात्कोः मान्तालम्इ प्रभु येसुकोः कुरा ङ्हाम्नानी” त दाय्ह्ती ल्हाक्ती तोआकाचु। इत तोओ कुरा सायःआक्तीको सबै मान्तालम् “लौ इपाय् आन पेओ लेःआः” त दाय्ह्ती चोङाय्तीलेः दाय्ह्आकाय्।
ओउःनीस्इ पेतो स्यान्आक्तीको आपोलस् त तोओपाय् आखया जील्लाताङ् आल्सा म्हर्आ। ओउःत झ्यान्ते ओउः एफेसस् सहर्हाङः मुओ येसुकायः ङ्हाम्ओलम्इ “लौ पेतोलेः आल्अ दा” त तोती ल्होक्ती ओउः आखयाहाङः मुओ ङ्हाम्ओलम्कायः चेती लेखआकानी “लौ इ आपोलस् त तोओइ येसुकोः कुरा द्याह् पेतो नोःसा चीःनौ। ओउःकायः उया पेतो रोम्नु दा” त दाय्ह्ती चेती लेखती ल्होक्आकानी। ओहाङःसैको आखया दाह्आक्तीको आपोलस्इ ओहाङःकोः परमेस्वर्इ ङ्हाम्ताक्ओ मान्तालम्कायः आन लव्ह्ती तोआथास।
खाय्सापाय् खाय्ङोतो ङाइ ख्रीस्कुस् जाङ्ह्ओ काम्कोः कुरालेः ह तोनाङः। ओउःकोः ग्वालामःकोः ग्वम् दोःती ङाइ होम्ती तोधार्नामा ग्याङ्ह्राय् जाङ्ह्धार्नामा यहुदी खेःमालोलम्कायः परमेस्वर्कः ग्याताक्आलाङःसु। ओउःत हायःसाकायः ङा यरुसालेम्सै इलरीकुम्ताङ् ब्याह्ती ख्रीस्कोः पेओ समचार्पाय् जुदालेः थोल्ह्ती तोआलाङः।
ကြော်ငြာတွေ