ओहाङःसैको यहुदी खेःमालो जात्कोः ङ्हाम्ओलम्खेकायः ङीइ यहुदीलम्खेइ जवओपाय् ‘नीङ्इ जाङ्ह्सा परतेःइली’ त तोती ‘इ हुकुम् ह नीङ्इ सायःती जाङ्ह्नु दा द्यव्तालम्कायः बयःओ जेःगालम्मा वयःलम्मा जेःतेःचानी। फेरी ल्हास्या काम्पाय् जुगाङ् जाङ्ह्तेःचानी’ त ओउः यहुदी खेःमालो मान्तालम्कायः लेखती ल्होक्ती इ हुकुम् ह तोती बयःआलाङी” त दाय्ह्ती ओउः यरुसालेम्कोः ङ्हाम्ओलम्इ पावुल्कायः तोआथै।
खबरदुत 15:20 - चेपाङ20 “ओउः तोहा परमेस्वर्कोः कुरा ङ्हाम्ओलम्कायः इतलेः लेखती स्यान्सा खेःतो ‘द्यव्ताकायः सात्ती बयःओ अह्र्सीःओ जेःगालम्मा वयःलम्मा वयः त्युत्आक्मालो मायःलम्मा जेःतेःचानी। फेरी ल्हास्या काम् जुगाङ् जाङ्ह्माःत मुन। इ कुरा जवती अरु मोसाइ बयःओ छ्यात् जवसा परल’ इतलेः स्यान्ती लेखती ल्होक्नी। အခန်းကိုကြည့်ပါ။ |
खबरदुत 15:20
47 ပူးပေါင်းရင်းမြစ်များ
फेरी “तुक् कोस्ताक्साकायः जेःगालेः स्याव्नाः” त दाय्ह्ओ लेखालेः यात्नीस्चाक् “आङ्कोः मोह्हाय्ओ द्युमःताक्साकायः ल्हास्या काम् जाङ्ह्सा स्याव्लेःनाः” त दाय्ह्नै यादो। ओउःत दाय्ह्सापाय् स्याव्ल दोह् हायःती दाय्ह्सा लोनेः परमेस्वर्इ तुक् जेःगाकोः कुरा सबै म्हीत्ताक्नौ। आने मान्ताकोः आङ्पाय् पेमालो काम् जाङ्ह्साकायः मुओ खेःल प्रभुकोः काम् जाङ्ह्साकायः मुलेःनाः। मान्ताकोः आङ्इ प्रभुकायः काम् जाङ्ह्लेःनौ मान्ताकोः आङ्कायः प्रभुइमा पेतोलेः जाङ्ह्मानौ।
ओउःतमा चीःलेःनाङ्तो नाङ्कायः यात्नीस् कुराकायः ग्ल्यानःती जान्सा खेःतो। नीङ्कःहाङः बालाम्कोः स्यान्राय् ग्याती सायःओलम् मुनै। बालाम् त तोओपाय् यात्चाक् बालाक्त तोओकःताङ् वाङ्ती “लौ इस्राएलीलम्कायःपाय् मुर्तीकायः ल्हाओ जेःगा जेःसामा ल्हास्या काम् जाङ्ह्साकायःमा थ्योन्ह्ती जाङ्ह्ताक्उसु दा” त दाय्ह्ती बालाम्इ ओउःकायः स्यान्आकान्।
इत चीःसापाय् चीःलेःनाङः नाङ्कायः यातैज्योः कुराकायः जान्सा खेःतो। ओउः पेमालो मोमःचोः जेजेबेल् त तोओकायः नाङ्कोः मान्ताकःहाङः मुसा ताक्तेःनौ। ओउःपाय् “लौ ङापाय् परमेस्वर्कोः कुरा वानःओचाक् लेःआः ङ” त लयःकायः तोसतो ङाकोः काम् जाङ्ह्ओलम्कायः “लौ ल्हास्या काम् जाङ्ह्नु” तमा थ्योन्ह्ती स्यान्नौ “मुर्तीकायः ल्हाओ जेःगा जेःसा स्याव्लेःनाः” तमा माःती तोती स्यान्नौ।
ကြော်ငြာတွေ