खबरदुत 15:14 - चेपाङ

¹⁴ यहुदी खेःमालो जात्‌लम्‌कःहाङः परमेस्‍वर्‌इ लयःकायः झाह्‌साकायः मान्‍ता मान्‍तालम् छीह्आकान्। इतलेः मेस्‌खा सीमोन् पत्रुस्इ छ्यानःती तोआतय्‍ही।

खबरदुत 15:14 ပူးပေါင်းရင်းမြစ်များ

लुका 1:68

“लौ इस्राएल्‌कोः प्रभु परमेस्‍वर्‌कायः लुङ्‌ती ताङ्‌ह्‌ताक्‌ती तोनी दा। ओउःइ लयः छीङ्‌ह्ओ मान्‍तालम्‌कःताङ् वाङ्‌ती ओउःमयःकायः पेमालोसै दल्‌ताक्आथास।

लुका 1:78

एतलेः ङीकोः पेओ काङ्ओ परमेस्‍वर्‌इ नया दीन्‌कोः न्‍याम् थोङ्‌ताक्‌ती झ्‍यान्‍ते च्‍याक्ओपाय् क्रव्‌ताक्‌लेःनाः। ओउःलो लेखालेः परमेस्‍वर्‌कोः नया कुरा वाङ्आक्‌तीको लयः सीओकः रैती वाह्ओ मान्‍तालम् ओउः कुरा ङ्‌हाम्आक्‌तीको सीओकः रैमाःत ल्‍हुङ् धोमाय्‌तो मुनै” त दाय्‍ह्‌ती युहनाकोः आपा दाय्‍ह्आ।

लुका 2:25

मन्‍दीर्‌ताङ् आलःतोक्‌हाङः यात्‌चाक् परमेस्‍वर्‌कोः कुरा आन झाह्‌ती जाङ्‌ह्ओ मान्‍ता मुओ खेःतो। ओउःकोः मय्‍ङ् सीमीयोन् त तोओलेः खेःतो। सीमीयोन्‌पाय् इस्राएल् जात्‌कोः मान्‍तालम्‌कायः दल्‌ताक्‌सा दीन्‌कायः आन ल्‍युङ्‌ह्‌ती मुआ। फेरी परमेस्‍वर्‌कोः ग्‍वालामः दोःती

रोमी 1:5

इ येसुइ ङीकायः छ्युङ्‌ह्आक्‌तीको ओउःकोः काम् जाङ्‌ह्‌साकायः ग्‍वम् बयःती सबै अरु जात्‌कोः मान्‍तालम्‌कायः येसुकोः कुरा पेतो ङ्‌हाम्‌ती ग्‍याताक्‌साकायः ल्‍होक्आताङी।

रोमी 11:36

दोह् हायःती दाय्‍ह्‌सा थोक्‌लम्‌पाय् जुदालेः ओउःइलेः जाङ्‌ह्आकान्। फेरी सबै थोक्‌लम् ओउःइ तेन्‌छ्याङ्‌मा गम्‌लेःनौ सबै लयःकायःलेः जाङ्‌ह्ओ खेःतो। ओउः परमेस्‍वर्‌कायः गलकायःमा मानओमा ताङ्‌ह्‌ताक्ओमा स्‍याव्‌पाः। माःहै ओउःतलेः स्‍याव्‌पाः।

२ पत्रुस् 1:1

ङा सीमोन् पत्रुस् त तोओ येसु ख्रीस्इ छ्युङ्‌ह्‌ती ल्‍होक्ओ नोकरीइपाय् इ चेती सबै ङीलो लेखा पेतो ङ्‌हाम्ओलम्‌कायः लेखती ल्‍होक्‌नेःनाङ्‌स। एत अरुसै जुगाङ् दोःमालो ङ्‌हाम्ओ ल्‍हुङ्‌पाय् ङीकोः ओजायः जय्‌कुमःओ परमेस्‍वर्‌इमा ङीकायः दल्‌ताक्ओ येसु ख्रीस्इमा आन पेतो हायःती दोःताक्आतय्‍ही