ओउःमयः परमेस्वर्कायः झाह्ती तोआकानी ओहाङःसैको स्तीफन्कायः सात्ओ बेलाहाङः अरु येसुकायः ङ्हाम्ओलम् रुनःधती क्रव्ती यात्नीस्खे फोनीस्या देस्ताङ् आल्आकाय्। अरुखे क्युप्रस् देस्ताङ्मा अन्तीयोक् देस्ताङ्मा आल्आकाय्। आल्तोक् बेलाहाङः ओउःमयःइ येसुकोः पेओ कुरा यहुदी जात्कोः मान्तालम्कायः झुङ्आले तोआकानी।
खबरदुत 14:26 - चेपाङ26 अतालीय दाह्आक्तीको ओहाङः तीःजहास् लन्ह्ती सीरीया देस्हाङः मुओ अन्तीयोक् सहर्ताङ् पान्ती दाह्आकाच। इ अन्तीयोक् सहर्हाङःपाय् येसुकोः कुरा वार्लाङ् आल्ओकोः ङ्हासैलेः अरुलम्इ परमेस्वर्कायः झाह्ती तोआक्तीको बर्नाबास् पावुल् नीस्पाय् ल्होक्ओ खेःतो। ओउःत झ्यान्ते ओउःनीस्कोः कुरा वार्ओ काम् द्याह् दप्ती खाय्आक्तीको पावुल् बर्नाबास् दाह्तोक्हाङः सबै अन्तीयोक् सहर्कोः येसुकायः ङ्हाम्ओ मान्तालम् हुम्ती ओउःनीस्इ ल्हाक्ओ कुरा सायःलाङ् वाङ्आकाय्। အခန်းကိုကြည့်ပါ။ |
खबरदुत 14:26
22 ပူးပေါင်းရင်းမြစ်များ
सावुल्कायः बोङःती क्रुस्आक्तीको ओउःकायः बर्नाबास्इ अन्तीयोक्ताङ् वानःआथै। ओहाङः ओउः नीस्चाक्इ अन्तीयोक्कोः ङ्हाम्ओलम्कुस् यात् बर्सच्युक्कायः याक्ती नाःतो मान्ताकायः स्यान्आथास। फेरी इ अन्तीयोक् सहर्हाङः अरु थाव्कोः ङ्हासैलेः येसु ख्रीस्कायः ङ्हाम्ओमयःकायः “ख्रीस्त्यान्” त मय्ङ्आथास।
ओहाङःसैको अन्तीयोक् इकोनीयुम् सहर्नीस्सै वाङ्ओ यहुदीलम् ओउः लीस्त्र सहर्ताङ् दाह्ती वाङ्आकाय्। दाह्ती वाङ्आक्तीको ओउःमयःइ ओउः लीस्त्र सहर्कोः मान्तालम्कायः फोल्यावःती होम्ती ओउःमयःइ पावुल्कः ल्हुङ् मल्ह्तो स्याव्ताक्आकानी। ल्हुङ् मल्ह्तो स्याव्आक्तीको ओउः सहर्कोः मान्तालम्इ पावुल्कायः बाङ्इ आप्दा आप्दा “द्याह् सीओ लेःआः” त म्हर्ती ओउःकायः सहर् बाहीरसै ह्र्युत्ती वाय्ती गम्लाङ् आलःआथै।
ओउः सहर्लम्हाङःमा ङ्हाम्ओ मान्तालम्कःहाङः ओउःनीस्इ यात् नीस्चाक् छीङ्ह्ती अरुलम्कायः स्यान्साकायःमा हुकुम् बयःसाकायःमा “लौ इहाङःकोः ङ्हाम्ओलम्कोः थालवःपा स्याव्तेःपै” त दाय्ह्ती गम्आकाचु। छीङ्ह्ती गम्तोक् बेलाहाङः ओउःमयः पावुल् बर्नाबास्कुस् उपाङ् काःती “लौ प्रभुय इ मान्तालम्इ नाङ्कोः कुरा पेतोलेः ङ्हाम्नानी बा। ओउःमयःकायः काम् पेतो जाङ्ह्ताक्पाःथास दै” त दाय्ह्ती ओउःनीस्इ परमेस्वर्कायः तेती तोआकाचु।
ओउःत तोआक्तीको येसुकोः छ्युङ्ह्ओमयःमा थालवःपालम्मा सबै ङ्हाम्ओलम्कुस् नोःकाय्ती “लौ इहाङः मुओ मान्तालम्कःसै यात् नीस्चाक् छीङ्ह्ती पावुल् बर्नाबास्कुस् अन्तीयोक्ताङ् ल्होक्पाःथास” त ओउःमयः हुन्द्यावःती दाय्ह्आकाय्। एत हुन्द्यावःती दाय्ह्आक्तीको नीस्चाक् ओउःमयःकोः ताङ्ह्ओ मान्ताकःसै यहुदा त तोओमा बर्साबास्मा सीलास् त तोओमा ओउः नीस्चाक्कायः छ्युङ्ह्ती चेती ल्हाती पावुल् बर्नाबास्कुस् ल्होक्आथाच।
ल्हाव्ह्दैबाङ्हाङः ङीपाय् दोङ् नीङ्तो रेव्मालो ल्हुङ्इ पेतो हायःती वाह्आलाङी। नीङ्कःहाङःमा ङी न्हाङ्तोलेः ओउःत पेतो हायःलाङ् वाह्आलाङी। ओउःत वाह्ओ बेलाहाङःपाय् ङीकोः व्हाय्तो चीःओपाय् मान्ताकःसै दोःओ खेःल परमेस्वर्कःसै दोःओ लेःआः बा। ओउःत झ्यान्ते ङी ल्हुङ्हाङः ङाःतीलेः नोःसा खाय्नाङःसु।
ကြော်ငြာတွေ