खबरदुत 14:23 - चेपाङ23 ओउः सहर्लम्हाङःमा ङ्हाम्ओ मान्तालम्कःहाङः ओउःनीस्इ यात् नीस्चाक् छीङ्ह्ती अरुलम्कायः स्यान्साकायःमा हुकुम् बयःसाकायःमा “लौ इहाङःकोः ङ्हाम्ओलम्कोः थालवःपा स्याव्तेःपै” त दाय्ह्ती गम्आकाचु। छीङ्ह्ती गम्तोक् बेलाहाङः ओउःमयः पावुल् बर्नाबास्कुस् उपाङ् काःती “लौ प्रभुय इ मान्तालम्इ नाङ्कोः कुरा पेतोलेः ङ्हाम्नानी बा। ओउःमयःकायः काम् पेतो जाङ्ह्ताक्पाःथास दै” त दाय्ह्ती ओउःनीस्इ परमेस्वर्कायः तेती तोआकाचु। အခန်းကိုကြည့်ပါ။ |
खबरदुत 14:23
28 ပူးပေါင်းရင်းမြစ်များ
अतालीय दाह्आक्तीको ओहाङः तीःजहास् लन्ह्ती सीरीया देस्हाङः मुओ अन्तीयोक् सहर्ताङ् पान्ती दाह्आकाच। इ अन्तीयोक् सहर्हाङःपाय् येसुकोः कुरा वार्लाङ् आल्ओकोः ङ्हासैलेः अरुलम्इ परमेस्वर्कायः झाह्ती तोआक्तीको बर्नाबास् पावुल् नीस्पाय् ल्होक्ओ खेःतो। ओउःत झ्यान्ते ओउःनीस्कोः कुरा वार्ओ काम् द्याह् दप्ती खाय्आक्तीको पावुल् बर्नाबास् दाह्तोक्हाङः सबै अन्तीयोक् सहर्कोः येसुकायः ङ्हाम्ओ मान्तालम् हुम्ती ओउःनीस्इ ल्हाक्ओ कुरा सायःलाङ् वाङ्आकाय्।
ओहाङःसैको पावुल् साथीचोङ् आल्दा आल्दा यरुसालेम्ताङ् दाह्आक्तीको ओहाङःकोः येसुकोः छ्युङ्ह्ओमयःमा येसुकायः ङ्हाम्ओ थालवःपालम्इमा ओउःनीस् पावुल् बर्नाबास्नीस्कायः त्याक्ती रोम्आथाच। रोम्आक्तीको ओउःनीस्इ “लौ नीचीकायः परमेस्वर्इ इतलेः जाङ्ह्ती वाह्ताक्आताङःच” त दाय्ह्ती सबै ङ्हा जाङ्ह्ओ काम्लम् ल्हाक्ती छ्यानःती तोआथास।
ओउःत हायःती झ्यान्ते ङा द्याह् लीह्सीःओ गोरःतीलेः मुनाङः। लीह्सीःओ गोरःसापाय् गोरःलेःङोतो बुरु ङा ल्हुङ् घ्युम्तो स्याव्ङल दोह् हायःती दाय्ह्सा ङाइ ङ्हाम्ओचाक्पाय् “सुलो” त ङाइ पेतोलेः तय्ह्नाङः। दोह् दोह् ङाइ ओउःकुस् गम्आलाङः ओउःलेः ओउः लोनेः वाङ्नम् दीन्च्युक्कायः ओउःइ लयःकुस् पेतोलेः ओम्पायःती गम्बत्नाःताङः ओउःत ङाइ पेतो चीःती र्याङःमामाःत मुनाङः।
लौ नीङ् स्यालःओ थालवःपालम्य ङाइ द्याह् तोचेःनाङ्स दा। ङामा थालवःपालेः खेःमानाङः फेरी ख्रीस्कोः लीह्सीःओ गोरःओ च्यवःओ मान्तामा खेःमानाङः। लोने वाङ्सा खेःओ ताङ्ह्ताक्सा बेलाहाङः ङापाय् ख्रीस्कुस् ताङ्ह्तोलेः स्याव्सा दोःमानाङः। ओउःत झ्यान्ते ङाइ द्याह् तोसा कुरापाय् नीङ्इ सायःनाङ्स दा।
ကြော်ငြာတွေ