खबरदुत 13:48 - चेपाङ48 इ कुरा सायःआक्तीको ओउः यहुदी जात् खेःमालो मान्तालम्खे आन म्रोती “इ पेओ कुरा लेःआः बा” त दाय्ह्ती परमेस्वर्कायः झाह्ती लुङ्ती तोआथै। ओहाङःसैको गुच्युक् मान्तालम् रौ जीङः दोःसाकायः रय्ह्ती गम्ओ खेःइतो ओउःमयःइ येसुकोः कुरा ङ्हाम्आकानी। အခန်းကိုကြည့်ပါ။ |
खबरदुत 13:48
31 ပူးပေါင်းရင်းမြစ်များ
ङासै ताङ्ह्ओ आधीकारीइ गानाक्ती तोओ ङाखेइ जाङ्ह्सालेः खेःनाङः ङाकोः सीपाहीलम्खेइमा ङाइ गानाक्ती तोओ कुरा जाङ्ह्सा खेःनै बा। यात्चाक् सीपाहीकायः ‘आल्अ’ त दाय्ह्ती तोओ कुस्ब्रक्त ओउःपाय् आल्लेःनाः अरुकायः ‘वाङ्अ’ त दाय्ह्ती तोओ कुस्ब्रक्त ओउःपाय् वाङ्लेःनाः। ङाकोः यात्चाक् नोकरीकायः ‘इत हायःउ’ त दाय्ह्ती तोआक्तीको ओउःइपाय् ओउःतलेः हायःनौ। इतलेः नाङ्इ तोआक्तीको ङाकोः नोकरी स्याक्लेःनाः बा” त दाय्ह्ती तोती ओउः हाकीम्इ येसुकायः कुरा ल्होक्आथै।
ओहाङःसैको ओउःमयःइ स्यान्ओ कुरा सायःती “इपाय् दोङ् कुरा खेःल” त दाय्ह्ती ओउःमयःकुस् पावुल्मा बर्नाबास्मा आन तानःकाय्आकाय्। ओहाङःसैको ओउःमयः ब्राङ्ती नोःसा खाय्नीली त झ्यान्ते “लौ इ कुरापाय् यरुसालेम्हाङः मुओ येसुकोः छ्युङ्ह्ओमयःकायःमा ङीकोः ताङ्ह्ओ थालवःपालम्कायःमा इ कुरालम्कायः ‘गाव्खे पेनाः’ त व्हत्ती ओउःमयःकोः ल्हुङ्तुक् योसा खेःतो” त दाय्ह्तीताङः पावुल् नीस्साथीचाःकायःमा यात्नीस् अरुलम्कायःमा छीङ्ह्ती यरुसालेम्ताङ् कुरा नोःकाय्लाङ् ल्होक्आथास।
ओहाङःसैको पावुल्सै ङ्हा ङी तीःजहास् फेरी लन्ह्ती आसोस् सहर्ताङ् स्यालःती आल्ती दाह्आलाङी। “लौ आसोस् सहर्ताङ् नीङ्खे ङ्हा स्यालःती ओहाङः ङाखेकायः ल्युङ्ह्ती मुन” त दाय्ह्ती पावुल्इ तोती ल्होक्आताङी। ओउःत झ्यान्ते ङीखे तीःजहास्हाङः आसोस्ताङ् ङ्हा दाह्ती ल्युङ्ह्ती मुआलाङी पावुल्खे आने दोम्इ वाह्ती लोन्ते दाह्ती वाङ्आ।
ओउःत झ्यान्ते पावुल्इ येसुकोः कुरा तोती छ्यानःसा दीन् दोक्ती गम्आक्तीको ओउःनम् दीन्हाङः नाःतो यहुदीलम् पावुल् मुओ कीम्ताङ् हुम्ती वाङ्आकाय्। हुम्ती वाङ्आक्ती पावुल्इ येसुकोः कुरामा परमेस्वर्कोः राजीकोः कुरामा प्रीमाहाङःसै याह्दीङ्मा दाह्तोलेः स्यान्ती ओउः हुम्ओ मान्तालम्कायः तोआथास। उय्ह्लेहाङः लेखओ मोसाइ तोओ कुराहाङःमा परमेस्वर्कोः कुरा छ्यानःओमयःकोः कुराहाङःमा “ख्रीस्कायः दोह् दोह् लेखती मुनाः” त स्यान्ती तोती ओउःमयःकायः होम्सा बोङःआकान्।
लौ उया पुःचोङ् हौचोङ्य प्रभु येसुकोः पेओ नोःराय् नीङ्कःहाङः रेन्ह्तोलेः छालःओ खेःतो ओहाङःसै थोल्ह्ती तोधार्नालेः नीङ्इ पेतो ङ्हाम्तेःआकानी। ओउःत झ्यान्ते परमेस्वर्कः तेती तोतोक्हाङः “ङीकःहाङःलो लेखालेः चार् दोवाताङ् प्रभुकोः पेओ नोःराय् रेन्ह्तोलेः पेतो स्याव्पाः” त दाय्ह्तीमा ङीकोः काम् पेतो स्याव्साकायः तेन दा।
ကြော်ငြာတွေ