लौ नीङ् धर्मा स्यान्ओमयःमा फरीसीलम्मा लोनेतेः न्युम्ह्तेःनानी बा दोह् हायःती दाय्ह्सा नीङ्इ ब्रेह्ओ लेइ नोःती दाय्ह्तेःनै यातैचाक्कायः नीङ्कोः लयःकोः धर्मा स्यान्सा थेङा नीङ् ल्हाव्ह्दैबाङ्कोः चार् दोवाताङ् आल्सा ग्यातेःइतो ओउः मान्ताइ नीङ्कोः स्यान्ओ ङ्हाम्आक्तीको नीङ्सै न्हाङ्तोलेः पेमालो स्याव्नाः बा।
खबरदुत 13:43 - चेपाङ43 ओहाङःसैको ओउः थनःओ कीम्कोः मीतीङ् खाय्आक्तीको नाःतो यहुदीलम्मा अरु जात्कोः परमेस्वर्कायः झाह्ओलम्इमा पावुल् नीस् साथीचाःकायः गुल्ह्आकानी। गुल्ह्आक्तीको ओउःनीस्इ इ गुल्ह्ओ मान्तालम्कायःपाय् “लौ परमेस्वर्कोः कुरा फेमाःत ङ्हाम्ती ओउःइ बयःओ पेओ जीङः दोःती मुन” त दाय्ह्ती ओउःनीस्इ स्यान्आथास। အခန်းကိုကြည့်ပါ။ |
खबरदुत 13:43
39 ပူးပေါင်းရင်းမြစ်များ
ओउः मोमःचोःलम्कःहाङः यात्चाक् थुयातीरा सहर्सै वाङ्ओ लीदीया त तोओ मोमःचोः परमेस्वर्कायः झाह्ती तोलाङ् वाङ्ओ खेःतो। ओउः मोमःचोःइपाय् ङालःओ रङ् वीनःओ साहुनी खेःतो। ओउः लीदीया त तोओ मोमःचोःइपाय् पावुल्इ तोओ कुरा आन सायःती मुओ खेःतो ओउःकायःपाय् येसुकोः कुरा ङ्हाम्साकायः परमेस्वर्इ झाक्ताक्आथै।
ओउःत झ्यान्ते पावुल्इ येसुकोः कुरा तोती छ्यानःसा दीन् दोक्ती गम्आक्तीको ओउःनम् दीन्हाङः नाःतो यहुदीलम् पावुल् मुओ कीम्ताङ् हुम्ती वाङ्आकाय्। हुम्ती वाङ्आक्ती पावुल्इ येसुकोः कुरामा परमेस्वर्कोः राजीकोः कुरामा प्रीमाहाङःसै याह्दीङ्मा दाह्तोलेः स्यान्ती ओउः हुम्ओ मान्तालम्कायः तोआथास। उय्ह्लेहाङः लेखओ मोसाइ तोओ कुराहाङःमा परमेस्वर्कोः कुरा छ्यानःओमयःकोः कुराहाङःमा “ख्रीस्कायः दोह् दोह् लेखती मुनाः” त स्यान्ती तोती ओउःमयःकायः होम्सा बोङःआकान्।
एत तोओ कुरा सबै म्रोती सायःआकानी ओहाङःसैको ओउःमयःइ सात्जन छ्युङ्ह्आथास। यात्चाक् स्तीफन् त तोओ ओउःखे परमेस्वर्कायः आन ङ्हाम्ती परमेस्वर्कोः ग्वालामःमा आन दोःओ खेःतो। स्तीफन् त तोआमा फीलीप् प्रोखुरस् नीकानोर् तीमोन् पार्मेनास्मा यात्चाक् अन्तीयोक् सहर्सै वाङ्ओ परमेस्वर्कायः झाह्ओ नीकोलवुस् त तोओमा इ सात्जनकायः छ्युङ्ह्ती ओउः बारजन येसुइ छ्युङ्ह्ओमयःकःताङ् वानःती चीङ्ताक्आथास।
येसु ख्रीस्इ ल्हुङ् ब्राङ्काय्ताक्आतय्ही ओउःइपाय् ङी ङ्हाम्ओलम्कायः परमेस्वर्कःताङ् वानःआतय्ही ओहाङःसैको परमेस्वर्इ ङीकायः योनःती योती लयःकुस् पेतोलेः वाह्ताक्आतय्ही। फेरी “ङी परमेस्वर्कुस् लोने पेतो ताङ्ह्तोलेः स्याव्नाःतय्ही” त ल्हुङ्हाङः तय्ह्ती झ्यान्ते आन म्रोनाःतय्ही।
ओउःत झ्यान्ते नया थेथे स्यान्ओ कुरा सायःआक्तीको परमेस्वर्कोः दोङ् कुरा फेलाम्। दोह् दोह् भोस् जेःओ बेलाहाङः जेःओ लेःआः ओउः जेःधार्नाखे खेःल परमेस्वर्इ योनःती बयःधार्नाखे ङीकायः ल्हुङ् ग्रमःतलेः ङ्हाम्ताक्नाःतय्ही ओउः भोस्कोः जेःगा जेःती जवओलम्पाय् ओउःत हायःधार्नालेः दोह्मा दोःइली।
ကြော်ငြာတွေ