खबरदुत 13:32 - चेपाङ

³² फेरी इ पेओ समचार्‌ नीङ्‌कायः ल्‍हाक्‌ती तोसाकायः ङीमा वाङ्आलाङी। ‘ओउःकायः सीआक्‌तीको उह्‌ती च्‍योक्‌ताक्‌नाङः’ त ङीकोः आय्‌कानः तोकानःलम्‌कायः परमेस्‍वर्‌इ तोती गम्ओ खेःतो।

खबरदुत 13:32 ပူးပေါင်းရင်းမြစ်များ

लुका 1:19

“लौ ङापाय् परमेस्‍वर्‌कोः मीक्‌हाङः चीङ्ओ गब्रीएल् त तोओ लेःआः ङ। नाङ्‌कायः इ चोङाय्‌सीःओ चोः दोःताक्‌सा कुरा छ्यानःसा थेङा ओउःइ ल्‍होक्आताङः बा।

लुका 2:10

ओउःमयः रैतोक्‌हाङः “लौ रैतेःचानाः ङाइ सबै मान्‍ताकायः म्रोताक्‌सा पेओ समचार्‌ वानःनेःआलाङ्‌स।

खबरदुत 10:36

लौ परमेस्‍वर्‌इ ङी इस्राएली मान्‍तालम्‌कायः तोओ कुरापाय् नीङ्इ चीःतेःनानी यादो। सबै जात्‌कोः प्रभु येसु ख्रीस् त तोओलेः परमेस्‍वर्‌कोः पेओ ल्‍हुङ् धोमाय्‌ताक्ओ नोःराय् थोल्‍ह्‌ती तोलाङ् ल्‍होक्ओ खेःतो।

खबरदुत 13:23

परमेस्‍वर्‌इ ङ्‌हा तोती गम्ओ कुरा लोन्‍ह्‌ते स्‍याव्‌ताक्‌ती दावुद् राजाकोः प्‍लोमःदाने मोमःदानेहाङः यात्‌चाक् येसु त तोओकायः छ्युङ्‌ह्‌ती इस्राएल् मान्‍तालम्‌कायः स्‍याक्‌ताक्‌साकायः दोःताक्आथास।

खबरदुत 13:38

‘लौ पुःचोङ् हौचोङ्‌य इ येसुइ ङीकोः रेव्‌झ्‍याङ्‌कोः क्‍युम्‍ह्‌सा दोःताक्‌नाःतय्‍ही बा’ त दाय्‍ह्‌ती इ कुरा ङाइ दोङ्‌सीलेः तोनेःनाङ्‌स। इ कुरा पेतो ल्‍हुङ्‌हाङः तय्‍ह्‌ती सायःन दा।

खबरदुत 14:15

“नीङ्इ दोह् हायःसा बोङःतेःनानाङ्‌स। नीचीमा नीङ्‌लो लेखा मान्‍ता लेःआः ङच द्यव्‌तापाय् खेःङचल बा। ‘इ आह्रे मनःओ थोक्‌लम् फेती ओउः जीङः नाःओ फेल्‌बाङ् ल्‍हाव्‍ह्‌दैबाङ्‌मा साः तीःमा ओहाङः मुओलम्‌कायःमा जाङ्‌ह्ओ परमेस्‍वर्‌कायः झाह्‌ती फुस्‌ती तोनु’ त दाय्‍ह्‌ती इ पेओ समचार्‌ तोलाङ् वाङ्ओआः ङच बा।

खबरदुत 26:6

परमेस्‍वर्‌इ उय्‍ह्‌लेहाङःसैकोः आखरःहाङः तोती गम्ओ कुरा ताप्‌ती स्‍याव्‌साकायः ङाइ तेन्‌छ्याङ् ल्‍युङ्‌ह्‌ती योती मुनाङः स्‍यान्‌ती मुनाङः। ओउःत हायःओकायः इमयःइ ङाकायः पानःती इहाङः ङाकोः कुरा सायःलाङ् वानःताक्आताङः।

खबरदुत 3:19

ओउःत झ्‍यान्‍ते ल्‍हुङ् द्यान्‍ह्‌ती परमेस्‍वर्‌कः ग्‍यान दा ओहाङःसै नीङ्‌कोः रेव्‌तो हायःझ्‍याङ्‌पाय् क्‍युम्‍ह्‌ती वाय्‌नाः। रेव्ओ काम् क्‍युम्‍ह्‌ती वाय्आक्‌तीको नीङ्‌कायः पेओ ल्‍हुङ् धोमाय्ओ बेला स्‍याव्‌नाः।

खबरदुत 5:42

पाय्‍ह्‌ताङःआकाय् पाय्‍ह्‌ती वाङ्आक्‌तीको दीन्‌का दीन् ओउःमयःइ मन्‍दीर्‌हाङःमा “येसु त तोओ ङीकायः दल्‌ताक्‌लाङ् वाङ्‌सा ख्रीस् लेःआः बा” त दाय्‍ह्‌ती येसुकोः छ्युङ्‌ह्ओमयःइ थोल्‍ह्‌ती तोमाआकानी लःलयःकोः कीम्‌हाङःमा येसुकोः कुरा स्‍यान्‌माआकानी।

रोमी 1:2

ओउः पेओ समचार्‌कोः कुरापाय् परमेस्‍वर्‌इ “लौ इ कुरा ङाइ लोनेः छ्यानःती बयःलेःनाङः” त दाय्‍ह्‌ती लयःकोः कुरा छ्यानःओ मान्‍तालम्‌कायः तोती गम्ओआः। ओहाङःसैको ओउःमयःइ ओउः कुरापाय् परमेस्‍वर्‌कोः छय्‍ङ्ओ आखरःहाङः लेखआकानी।

रोमी 10:15

ओउः कुरा तोसाकायः मान्‍ता आःताः ल्‍होक्‌माःत ओउः कुरापाय् गत हायःती थोल्‍ह्‌ती तोतो स्‍याव्‌नाः र। “लौ परमेस्‍वर्‌कोः पेओ नोःराय् थोल्‍ह्‌ती तोओलम् वाङ्ओ बेलाहाङः गुच्‍युक् पेओ लेःआः बा” त दाय्‍ह्‌ती दाय्‍ह्ओ आखरःहाङः लेखती मुनाः।

रोमी 4:13

आब्राहाम्‌पाय् ऐन् जाङ्‌ह्ओकायः खेःल ओउःइ परमेस्‍वर्‌कायः ङ्‌हाम्‌ती झ्‍यान्‍ते ओउःकोः मीक्‌हाङः पेतो स्‍याव्ओ। ओउःत खेःओ परमेस्‍वर्‌इ “लौ नाङ्‌मा नाङ्‌कोः प्‍लोमःदाने मोमःदानेलम्‌मा ल्‍हाव्‍ह्‌दैबाङ्‌कोः धनी स्‍याव्‌तेःनै” त तोतीलेः गम्आथै।

रोमी 9:4

ओउःमयःकायः परमेस्‍वर्‌इ छीङ्‌ह्ओ इस्राएल्‌कोः प्‍लोमःदाने मोमःदानेलेः खेःनै। ओउःमयःकायः परमेस्‍वर्‌इ लयःकोः चोःलम्‌लो लेखा जाङ्‌ह्‌ती लयःकोः पेओ ताङ्‌ह्ओ ग्‍वम् छ्यानःआथास। ओउःमयःकुस् परमेस्‍वर्‌इ होम्‌काय्ओ कुरा गम्‌ती ओउःकोः ऐन्‌मा बयःआथास मन्‍दीर्‌हाङः जवती जाङ्‌ह्‌सा कुरामा तोती गम्ओ कुरामा बयःआथास।