खबरदुत 13:23 - चेपाङ

²³ परमेस्‍वर्‌इ ङ्‌हा तोती गम्ओ कुरा लोन्‍ह्‌ते स्‍याव्‌ताक्‌ती दावुद् राजाकोः प्‍लोमःदाने मोमःदानेहाङः यात्‌चाक् येसु त तोओकायः छ्युङ्‌ह्‌ती इस्राएल् मान्‍तालम्‌कायः स्‍याक्‌ताक्‌साकायः दोःताक्आथास।

खबरदुत 13:23 ပူးပေါင်းရင်းမြစ်များ

मत्ती 1:1

येसु ख्रीस् त तोओ आब्राहाम्‌कोः प्‍लोमःदानेमा खेःतो दावुद् राजाकोः प्‍लोमःदानेमा खेःतो। इहाङः येसुकोः होह्र् थेङ्ओ लेखती मुनाः।

मत्ती 1:21

लोने मरीयम्इ गोय्‌चोःचोः ओत्‌लेःनौ। ओउः चोःपाय् लोनेः लयःकोः मान्‍तालम्‌कायः रेव्‌तो हायःओ फेताक्‌ती ओउःमयःकायः दल्‌ताक्‌नाःथास ओउःत खेःया नाङ्‌कोः गोय्‌चोःचोःकायः ‘येसु’ त मय्‍ङ्उ दा” त दाय्‍ह्‌ती युसेफ्‌कायः तोआकान्।

मत्ती 21:9

येसुकोः ङ्‌हासैमा लोनेसैमा वाह्ओ मान्‍तालम्इ येसुकायः स्‍यवती “होसाना भालातेः वाङ्‌तेःआ नाङ् परमेस्‍वर्‌इ ल्‍होक्ओ दावुद् राजाकोः प्‍लोमःदानेतेः। परमेस्‍वर्‌कायःपाय् ल्‍हाव्‍ह्‌दैबाङ्‌हाङः लाङ्‌काहाङः ताङ्‌ह्‌ताक्‌तो स्‍याव्‌पाः” त दाय्‍ह्‌ती गोःआकानी।

मत्ती 22:42

“लौ परमेस्‍वर्‌इ ल्‍होक्‌सा खेःओ ख्रीस् त तोओपाय् सुलोतेः ताःतेःनै सुकोः प्‍लोमःदाने” त दाय्‍ह्‌ती येसुइ व्‍हत्‌थासतो “ओउःपाय् दावुद् राजाकोः प्‍लोमःदानेलेः” त दाय्‍ह्‌ती त्‍याङ्आकाय्।

लुका 1:69

ङीकायः दल्‌ताक्‌सा खेःओ मान्‍तापाय् प्रभु परमेस्‍वर्‌इ यात्‌चाक् ओउःकोः लयः झाह्ओ दावुद् राजाकोः होह्र्सै ल्‍होक्आतय्‍ही।

युहना 4:42

“लौ नाङ्‌कोः ल्‍हाक्‌राय् सायःओ खेःल ओउःकोः स्‍यान्ओ ङी लःलयः नोइ सायःआलाङःसु त झ्‍यान्‍ते ‘दोङ्‌सीलेः मान्‍ताकायः दल्‌ताक्‌लाङ् वाङ्‌सा चाक् इ लेःआः बा’ त चीःनाङःइसी ओहाङःसै ओउःकायः द्याह् ङ्‌हाम्‌नाङःसु” त दाय्‍ह्‌ती ओउः मोमःचोःकायः तोआकानी।

युहना 7:42

“खेःल ओउः ख्रीस्‌लेः गालीलसै गलमा वाङ्‌ल।

खबरदुत 13:32

फेरी इ पेओ समचार्‌ नीङ्‌कायः ल्‍हाक्‌ती तोसाकायः ङीमा वाङ्आलाङी। ‘ओउःकायः सीआक्‌तीको उह्‌ती च्‍योक्‌ताक्‌नाङः’ त ङीकोः आय्‌कानः तोकानःलम्‌कायः परमेस्‍वर्‌इ तोती गम्ओ खेःतो।

खबरदुत 2:30

दावुद्‌कायः परमेस्‍वर्‌इ लोन्‍ह्‌ते स्‍याव्‌सा कुरा छ्यानःती ‘लौ लोन्‌दोहाङः नाङ्‌कोः प्‍लोमःदानेहाङः यात्‌चाक् ख्रीस् त तोओ स्‍याव्‌ती नाङ् दावुद् राजाकोः काम् भेःत्‍याक्‌ती जाङ्‌ह्‌नौ’ त दाय्‍ह्‌ती परमेस्‍वर्‌इ कीरीया जेःती दावुद्‌कायः तोआथै।

खबरदुत 3:26

ओहाङःसैको परमेस्‍वर्‌इ छ्युङ्‌ह्ओ लयःकोः काम् जाङ्‌ह्ओ येसुकायः च्‍योक्‌ताक्आक्‌तीको अरु जात्‌लम्‌कोः ङ्‌हासै ओउःइ नीङ् आब्राहाम्‌कोः प्‍लोमःदानेकःताङ् ल्‍होक्आथै। नीङ्‌कोः रेव्ओ काम् फेताक्‌ती नीङ्‌कायः आसीक् बयःसाकायः येसुपाय् ल्‍होक्ओआः” त दाय्‍ह्‌ती पत्रुस्इ हुम्ओ मान्‍तालम्‌कायः तोआथास।

खबरदुत 4:12

ओहाङःसैको येसुकः तेती ह मान्‍तालम् सीआक्‌तीको नया गलमा द्योक्‌मालो जीङः दोःनै ल्‍हाव्‍ह्‌दैबाङ्‌हाङः अरु पेह्‌ती तेसा मय्‍ङ्‌पाय् दोह्‌मा नाःबाय्‌ल” त दाय्‍ह्‌ती पत्रुस्इ सबै हुम्ओलम्‌कायः तोआथास।

रोमी 1:3

ओउः पेओ नोःराय्‌पाय् ङीकोः प्रभु येसु ख्रीस्‌कोः कुरा लेःआः। येसु ख्रीस्‌त तोओपाय् परमेस्‍वर्‌कोः चोः लेःआः। ओहाङःसैको ओउःपाय् मान्‍ता स्‍याव्‌ती दावुद् राजाकोः प्‍लोमःदाने त तोओ खेःतो।

रोमी 11:26

अरु जात्‌लम् ख्रीस्‌कःताङ् वाङ्आक्‌तीको ह ओउः यहुदीलम्‌मा जुदालेः दल्‌तो स्‍याव्‌नै। “लौ सीओन् सहर्‌सै ओउः दल्‌ताक्‌सा चाक् वाङ्‌नाः। वाङ्आक्‌तीको ओउःइ इस्राएल्‌कोः प्‍लोमःदाने मोमःदानेकोः रेव्ओ ल्‍हुङ्‌पाय् म्‍हीत्‌ताक्‌ती वाय्‌ताक्‌नौ।

२ पत्रुस् 1:1

ङा सीमोन् पत्रुस् त तोओ येसु ख्रीस्इ छ्युङ्‌ह्‌ती ल्‍होक्ओ नोकरीइपाय् इ चेती सबै ङीलो लेखा पेतो ङ्‌हाम्ओलम्‌कायः लेखती ल्‍होक्‌नेःनाङ्‌स। एत अरुसै जुगाङ् दोःमालो ङ्‌हाम्ओ ल्‍हुङ्‌पाय् ङीकोः ओजायः जय्‌कुमःओ परमेस्‍वर्‌इमा ङीकायः दल्‌ताक्ओ येसु ख्रीस्इमा आन पेतो हायःती दोःताक्आतय्‍ही

२ पत्रुस् 1:11

फेरी ङीकायः दल्‌ताक्ओ प्रभु येसु ख्रीस्‌कोः गलमा वाय्‌मालो राजीहाङः पोक्‌ती मुसाकायः ङी जुगाङ् पेतोलेः दोःनाःतय्‍ही।

२ पत्रुस् 2:20

ओउःमयःइ ङीकायः दल्‌ताक्‌सा प्रभु येसु ख्रीस् तय्‍ह्आक्‌तीको ओहाङःसै ल्‍हाव्‍ह्‌दैबाङ्‌कोः रेव्‌ताक्ओ कुरा फेआक्‌तीको फेरी ओउः कुराकायः जाङ्‌ह्‌सा द्यान्‍ह्‌नै त खेःया ओउःमयः ङ्‌हाहाङःसै न्‍हाङ्‌तोलेः पेमालो स्‍याव्‌नै।

२ पत्रुस् 3:18

लौ ङीकायः दल्‌ताक्ओ प्रभु येसु ख्रीस्इ नीङ्‌कायः न्‍हाङ्‌तोलेः बयःती ओउःकोः ल्‍हुङ्‌तुक् चीःताक्‌लेःपै। देङीमा गलकायःमा ङीकोः प्रभु जुगाङ् ताङ्‌ह्‌तोलेः स्‍याव्‌पाः। लौ ओउःतलेः स्‍याव्‌पाः।

२ पत्रुस् 3:2

परमेस्‍वर्‌कोः कुरा छ्यानःती तोओमयःइ उय्‍ह्‌लेहाङः नोःओ कुरामा ङीकायः दल्‌ताक्‌सा प्रभुसै दोःओ ओउःइ छ्युङ्‌ह्ओ ल्‍होक्ओमयःकायः बयःओ हुकुम्‌मा नीङ्इ गीलसा खेःतो।

१ युहना 4:14

परमेस्‍वर्‌ आपाइ लयःकोः चोः सबैकायः दल्‌ताक्‌सा थेङा ल्‍हाव्‍ह्‌दैबाङ्‌ताङ् ल्‍होक्आकान्। ओउःत ङीइ च्‍यवःती झ्‍यान्‍ते थोल्‍ह्‌ती तोनाङःसु।

यहुदा 1:25

ङीकायः दल्‌ताक्‌सा यातैज्‍योः परमेस्‍वर्‌कायः ङीकोः प्रभु येसु ख्रीस्‌कुस्इलेः जुगाङ् ताङ्‌ह्ओ पेओ ग्‍वम् नाःओलेः ङ्‌हामा द्याह्‌मा लोनेःकायःमा मुताक्‌पाः। ओउःतलेः स्‍याव्‌पाः दै।

प्रकाश 22:16

“लौ इ कुरा सबै ङ्‌हाम्ओलम् छ्यानःती तोसा थेङा ङा येसुइ ङाकोः ल्‍होक्ओमयःकायः नीङ्‌कःताङ् ल्‍होक्आलाङः। ङापाय् दावुद्‌कोः होह्र्कोः तुङःलेः ओउः बीहान प्रीमा च्‍योक्‌ती थाओ थोङ्ओ कार्‌ लेःआः ङ” त दाय्‍ह्‌ती ओउःपाय् दाय्‍ह्आ।