खबरदुत 13:10 - चेपाङ10 “नाङ्पाय् सैतान्कोः चोःलेःतेः खेःतेःनाः रैस। नाङ्कोः ल्हुङ् आन पेमालो त झ्यान्ते नाङ्इ माःओ कुराखे लयःलेः तोती परमेस्वर्कोः दोङ् कुराखे तोसाकायः त्याःसा बोङःतेःनौ। इच्युक् पेओ कुराकायःमा नाङ्इ गलमा ‘पेल’ ततेः दाय्ह्तेःनाः। အခန်းကိုကြည့်ပါ။ |
खबरदुत 13:10
23 ပူးပေါင်းရင်းမြစ်များ
लौ नीङ् धर्मा स्यान्ओमयःमा फरीसीलम्मा लोनेतेः आन न्युम्ह्तोतेः स्याव्तेःनै बा। दोह् हायःती दाय्ह्सा नीङ्इ ब्रेह्ओ लेइ नोःती दाय्ह्तेःनै नीङ्इ परमेस्वर्कोः राजीहाङः आल्सा ल्याम् जुगाङ् पाङ्गती अरु राजीहाङः मुसा बोङःओलम्कायःमा नीङ्इ पोक्सा ताक्तेःनीली नीङ् लयःमा पोक्ती मुसा ग्यातेःइली।
ओहाङःसै ओउःकःताङ् नाःतो फरीसीलम्मा सादुकी त तोओलम्मा वाङ्आकाय्। युहनाइ ओउःमयः वाङ्ओ च्यवःती “लौ नीङ् कुयः युक्कोः चोःलेःतेः खेःतेःनै। नीङ्पाय् इहाङः वाङ्ती ‘रेव्ओ काम् जाङ्ह्झ्याङ्कोः न्युम्ह्ताक्ओसै दल्सा दोःलेःनाः’ त म्हर्तेःनै यादो। इत हायःसा सुइ तोतेःआकाय्। परमेस्वर्इ न्युम्ह्ताक्ओसै नीङ् गत हायःती क्रव्सा खाय्तेःनानी र।
नीङ्खे लयः सैतान् आपाकःसै वाङ्ती ओउःकोः मोह्हाय्ओ काम्लम् जाङ्ह्तेःनानी बा। ओउः सैतान्पाय् ङ्हाहाङःसै सात्रेव् खेःतो। ओउःपाय् दोङ् कुरा गलमा झाक्ल ओउःत झ्यान्ते दोङ् कुरा तोती जुगाङ्मा वाह्ल। ओउःपाय् माःरेव् ल्हुङ्तुक् लेःआः बा गलमा माःती तोती वाह्नाः। माः रैस ओउःखे माःरेव्मयःकोः आपा लेःआः।
ကြော်ငြာတွေ