खबरदुत 12:4 - चेपाङ

⁴ चुम्आक्‌तीको लोने ओउः छ्यात्‌कोः दीन् पुत्आक्‌तीको पत्रुस्‌कायः “सबै मान्‍तालम्‌कोः मीक्‌हाङः सात्‌चाङः” त दाय्‍ह्‌ती म्‍हर्‌ती हेरोद् राजाइ ओउःकायः झ्‍याल्‍खानहाङः काती गम्आथै। काती गम्आक्‌तीको चार्‌ चार्‌जन सीपाहीलम् तोङ्‌क तोङ्‌क जाङ्‌ह्‌ती ओउः झ्‍याल्‍खानकोः चार्‌ खेप्‌कायः ल्‍युङ्‌ह्‌ताक्‌सा गम्आथास।

खबरदुत 12:4 ပူးပေါင်းရင်းမြစ်များ

मत्ती 24:9

लोने अरुलम्इ नीङ्‌कायः पानःती लीह्‌ताक्‌साकायः दाक्‌तेःनै कोय्‌कायः सात्‌तेःनै। ‘लौ ओउःलम्इ येसुकायः ङ्‌हाम्‌नानी’ त दाय्‍ह्‌ती सबै जात्‌कोः मान्‍तालम् नीङ्‌कः ल्‍हुङ् मल्‍ह्‌तो स्‍याव्‌नै।

मत्ती 26:5

च्‍योल्ओ दीन्‌कोः भोस् जाङ्‌ह्‌तोक्‌हाङः ओउःकायः चुम्‌ती पानःसा स्‍याव्‌ल। मान्‍तालम्इ ल्‍हुङ् मल्‍ह्‌तो स्‍याव्‌ती ङीकुस् कायःकाय्‌ती मीन्‍ह्‌काय्‌नाःतय्‍ही यादो” त दाय्‍ह्‌ती ओउःमयःखे नोःकाय्आकाय्।

मर्‌कस् 14:1

ओउःतलेः येसु तोआथास। ओहाङःसैको ओउः यहुदीकोः च्‍योल्ओ त तोओ छ्यात्‌कोः दीन् दाह्‌खेःआ। ओउः च्‍योल्ओ दीन्‌हाङः यहुदीलम्इ फोमालो लाङ् जेःओ जवआकानी। ओउः बेलाहाङःपाय् ओउः ताङ्‌ह्ओ पुरोहीत्‌लम्‌मा धर्‌मा स्‍यान्ओमयःइमा हुम्‌ती येसुकायः अरुइ चीःताक्‌माःत चुम्‌ती सात्‌सा बोङःनीतो

लुका 21:12

इत स्‍याव्ओ बेलाहाङःकोः ङ्‌हासै नीङ्‌कायः मान्‍तालम्इ चुम्‌ती पानःती पेमालो हायःतेःनै बा। नीङ्‌कायःपाय् थनःओ कीम्‌लम्‌हाङः गाल्‌तुम्आक्‌तीको झ्‍याल्‍खानहाङः कासाकायः ओउःमयःइ लात्‌ती दाक्‌तेःनै। ‘लौ इपाय् ख्रीस्‌कोः मान्‍तालेः’ त दाय्‍ह्‌ती नीङ्‌कायः गाल्‌तुम्‌ती नोःती नीङ्‌कायःपाय् राजाकःताङ्‌मा अन्‍चलादीस्‌लम्‌कःताङ्‌मा दाक्‌ती वानःतेःनै।

लुका 22:33

“अ प्रभुया ङा नाङ्‌कुस् झ्‍याल्‍खानहाङः थुनती मुसामा ग्‍यालेःनाङः माःहै ङा नाङ्‌कुस् सीसामा ग्‍यालेःनाङः बा” त दाय्‍ह्‌ती सीमोन् पत्रुस्इ येसुकायः तोथातो

युहना 19:23

ओहाङःसैको येसुकायः क्‍ल्‍याय्ओ सीङःहाङः गम्आक्‌तीको ओउः चार्‌जन सीपाहीलम्इ येसुकोः नाय्‌लम् त्‍याक्‌ती लयःमयःकुस् वेःकाय्आकाय्। ओउःकोः क्रमःनाय्‌खे वेओ मुआ। ओउः क्रमःनाय्‌पाय् यातैज्‍योः क्‍याह्ओ खेःतो गाःहाङःमा द्योप्‌ती रुप्ओ खेःआक्‌ल।

युहना 21:18

दोङ्‌सी दाय्‍ह्‌भनाङ् लाव्‌मयः मुतोक्‌हाङः नाङ् लयःकोः क्रुत्इ नाय् लावती लयः झाक्ओहाङः ब्‍याह्‌ती वाह्‌तेःतो लोने थालवःपा स्‍याव्आक्‌तीको नाङ् क्रुत् प्‍योआक्‌तीको अरुइ नाङ्‌कायः पानःती नाङ् झाक्‌मालोहाङः लात्‌ती आलःतेःनाः” त दाय्‍ह्‌ती येसुइ तोआथै।

खबरदुत 12:3

यहुदी मान्‍तालम् म्रोती मुनै त झ्‍यान्‍ते हेरोद् राजाइ पत्रुस्‌कायःमा चुम्‌ताक्आथै। ओउःकायःपाय् यहुदीलम्‌कोः लाङ् जेःओ छ्यात्‌कोः दीन्‌हाङः चुम्ओ खेःतो।

खबरदुत 12:5

झ्‍याल्‍खानहाङः राक्‌ती गम्‌तोक् बेलाहाङः अरु येसुकायः ङ्‌हाम्ओलम्इ “लौ पत्रुस्‌कायः सात्‌ताक्‌लाम् फेताक्‌पाःथै” त दाय्‍ह्‌ती परमेस्‍वर्‌कायः आन तेती तोआकानी।

खबरदुत 4:28

ओउःमयः जाङ्‌ह्‌सा बोङःओ कुरापाय् नाङ्इ ङ्‌हासै चीःती लयः झाक्‌तीलेः रय्‍ह्‌ती गम्ओ खेःतो।

खबरदुत 4:3

ओउःमयः ल्‍हुङ् क्‍लस्अङ्‌तो स्‍याव्‌ती पत्रुस्‌कायःमा युहनाकायःमा चुम्‌ती पानःआकानी। चुम्आक्‌तीको न्‍याम् याह्‌ती झ्‍यान्‍ते उनम्‍ह्‌कोः स्‍याङ्‌ह्‌च्‍युक्‌कायः झ्‍याल्‍खानहाङः थुनती गम्आथाच।

खबरदुत 5:18

ल्‍हुङ् मल्‍ह्‌तो स्‍याव्आक्‌तीको ओउःमयःइ येसुकोः छ्युङ्‌ह्ओमयःकायः चुम्‌ती पानःती झ्‍याल्‍खानहाङः काती राक्आथास।

खबरदुत 8:3

ओउःमयःखेइ स्‍तीफन्‌कायः पाम्‍ह्आथै सावुल् त तोओखेइ येसुकायः ङ्‌हाम्ओमयःकोः कीम् कीम्‌ताङ् पोक्‌ती गोय्‌चोःलम्‌मा मोमःचोःलम्‌कायःमा चुम्‌ती झ्‍याल्‍खानहाङः थुनती ओउःमयःकायः सोय्‍ह्‌ताक्‌सा बोङःआकान्।