खबरदुत 12:25 - चेपाङ

²⁵ ओहाङःसैको बर्‌नाबास् त तोओमा सावुल् त तोओमा येसुकोः कुरा स्‍यान्‌ती खाय्आक्‌तीको ओउःनीस् मर्‌कस् त तोओ लात्‌ती वानःती यरुसालेम्‌ताङ् पाय्‍ह्आकाय्।

खबरदुत 12:25 ပူးပေါင်းရင်းမြစ်များ

खबरदुत 12:12

ओहाङःसैको ओउःतोक्‌हाङः मर्‌कस् त तोओकोः आमा मरीयम् त तोओकोः कीम्‌हाङः नाःतो मान्‍तालम् पत्रुस्‌कायः परमेस्‍वर्‌कःताङ् तेती तोलाङ् मुओ खेःतो।

खबरदुत 15:35

ओउःनीस्‌खे पाय्‍ह्‌ताङःआकाय् पावुल् बर्‌नाबास्‌खेइ अन्‍तीयोक् सहर्‌हाङः अरु मान्‍तालम्‌कुस्इ प्रभु येसुकोः पेओ कुरा तोती स्‍यान्‌ती मुआकाच।

खबरदुत 15:37

ओउःत तोओपाय् बर्‌नाबास्‌खे आल्‌सापाय् ग्‍यासा ग्‍यातो ओउःकोः लयःकोः भनीस् मर्‌कस् त तोओमा लात्‌ती आलःसा बोङःआकान्।

खबरदुत 4:36

इतलेः यात्‌चाक् क्‍युप्रस् देस्‌सै वाङ्ओ लेवी थर्‌कोः युसेफ् त तोओइ लयःकोः राङ्‌लम् वीनःती ओउः राङ्‌कोः मोल् पैसा येसुकोः छ्युङ्‌ह्ओमयःकायः ल्‍हालाङ् वानःआकान्। ओउः युसेफ् त तोओकायः ओउः छ्युङ्‌ह्ओमयःइ बर्‌नाबास् त हाल् मय्‍ङ् बयःआथै। बर्‌नाबास् त तोओकोः माने “अरुकायः लुङ्ओ मान्‍तालेः”

कोलसी 4:10

ङाकुस् झ्‍याल्‍खानहाङः गम्ओ आरीस्‍तार्‌कस्‌मा बर्‌नाबास्‌कोः हौ मर्‌कस् त तोओमा ओउःनीस्इ नमस्‍ते ल्‍होक्‌तेःनै। मर्‌कस्‌कोः कुरा ङ्‌हालेः छ्यानःङोतो नीङ्‌कःताङ् वाङ्‌नाः त खेःया ओउःकायः रोम्‌नु दा।

२ तीमोथी 4:11

ङाकुस् आने लुका ह मुलेःनाः। नाङ् वाङ्ओहाङः मर्‌कस्‌मा गोत्‌ती वानःउ ओउःइपाय् ङाकोः काम् पेतो लव्‍ह्‌ती जाङ्‌ह्‌सा चीःनौ।

फीलेमोन् 1:24

ङाकुस् काम् जाङ्‌ह्ओलम् मर्‌कस् आरीस्‍तार्‌कस् देमस् लुकामा सबै नमस्‍ते ल्‍होक्‌तेःनाः।

१ पत्रुस् 5:13

फेरी इ रोमी सहर्‌हाङः मुओ नीङ्‌लो लेखालेः परमेस्‍वर्‌इ छ्युङ्‌ह्ओमयःइपाय् नीङ्‌कायः नमस्‍ते ल्‍होक्‌तेःनै। ङाकोः ङ्‌हाम्ओ चोः त तोओ मर्‌कस्‌मा नमस्‍ते ल्‍होक्‌तेःनै।