खबरदुत 12:23 - चेपाङ

²³ ओउःत गोःओ कुस्‌ब्रक्‌त हेरोद् राजाकायः परमेस्‍वर्‌इ “इपाय् ङाकायः लुङ्‌मामाःत म्रोताक्‌मामाःत लयःकोः नेह्‌रो ओर्‌ताक्‌नाःस रैस” दाय्‍ह्‌ती यात्‌ज्‍योः लाङ्‌कामयः ल्‍होक्‌ती ओउःकायः स्राप्‌ताक्आथै। स्राप्आक्‌तीको हेरोद् राजाकोः आङ्‌हाङः पेः पोक्‌ती सीताक्आथै।

खबरदुत 12:23 ပူးပေါင်းရင်းမြစ်များ

खबरदुत 12:22

ओउःकोः भासन् कुरा सायःआक्‌तीको “इपाय् मान्‍ताकोः हाव्‌नयः खेःल इस्‍वर्‌कोः हाव्‌नयः लेःआः बा” त दाय्‍ह्‌ती हुम्ओ मान्‍तालम्इ सोतो गोःआकाय्।

खबरदुत 5:19

झ्‍याल्‍खानहाङः राक्‌थासतो याह्‌दीङ्‌हाङः यात्‌ज्‍योः परमेस्‍वर्‌इ ल्‍होक्ओमयः दाह्‌ती वाङ्‌ती ओउः झ्‍याल्‍खान कीम्‌कोः ब्‍लाङ्‌ह् फोल्आथास। फोल्आक्‌तीको ओउः लाङ्‌कासै ल्‍होक्ओमयःइ ओउः छ्युङ्‌ह्ओमयःकायः बाहीरताङ् क्‍लाःआथास।

२ थेसलोनिकि 2:4

फेरी ओउः रेव्ओचाक्‌पाय् लयःकायः ताङ्‌ह्‌ताक्‌ती सबै मान्‍ताइ मानओ द्यव्‌तालम्‌मा थोक्‌लम्‌मा “ओउःमयःसै ङापाय् ताङ्‌ह्‌तोलेः मुनाङः” त दाय्‍ह्‌ती ओउः थोक्‌लम् मानसा ताक्उलु लयःकायःलेः “ङापाय् परमेस्‍वर्‌ लेःआः ङ” त तोती परमेस्‍वर्‌कोः मन्‍दीर्‌हाङः च्‍युङःनाः।