खबरदुत 12:21 - चेपाङ21 ओहाङःसैको ओउः दीन्हाङः हेरोद्इ ओउःकोः पेओ राजाकोः नाय्लम् लावती ओउःकोः राजाकोः च्युङःओ थाव्हाङः च्युङःती हुम्ओ मान्तालम्कायः भासन् कुरा तोआथास। အခန်းကိုကြည့်ပါ။ |
खबरदुत 12:21
10 ပူးပေါင်းရင်းမြစ်များ
ओहाङःसैको तायर् सीदोन् त तोओ नीस् सहर्कोः मान्तालम्कः हेरोद् राजा ल्हुङ् मल्ह्तो स्याव्ओ खेःतो। हेरोद् राजा ल्हुङ् मल्ह्तो स्याव्ती झ्यान्ते “लौ ङी मान्तालम्कः हेरोद् राजा ल्हुङ् मल्ह्तो मुसा स्याव्ल। ओउःकोः देस्हाङः ङीकोः चुय्लम् जेःगालम् लेःसा खेःतो” त दाय्ह्ती ओउः सहर्नीस्कोः मान्तालम् नोःकाय्ती त्योम्काय्ती ओउःमयः हेरोद्कुस् ब्राङ्साकायः ओउःकःताङ् नोःलाङ् वाङ्आकाय्। ओउःमयः नोःलाङ् वाङ्तोक् बेलाहाङः यात्चाक् ब्लास्तस् त तोओ राजाकोः दर्बाल्कोः ताङ्ह्ओ मान्ताकुस् होम्ती “लौ हेरोद् राजाकुस् ब्राङ्साकायः ङी नोःकाय्सा दोःताक्ताङी दा” त दाय्ह्ती तोआथै। तोआक्तीको ओउः सहर्नीस्कोः मान्तालम्कायः हेरोद् राजाकुस् नोःकाय्सा दीन् गम्आथास।
पावुल्कायः हेरोद् राजाकोः दर्बाल्हाङः राक्ओ खेःतो ओहाङःसैको पास्दीन् पुत्आक्तीको ओउः प्रधान् पुरोहीत् हननाया त तोओ यात्नीस् अरु ताङ्ह्ओ मान्तालम्कुस् सीजारीयाताङ् दाह्आकाय्। ओउःमयःइ यात्चाक् तर्तुलस् त तोओ आधीकारी काम् जाङ्ह्ओ मान्ताकायः वानःआकानी। ओहाङःसैको पावुल्कायः गाल्तुम्ती नोःती ओउःमयःकोः दर्कास् अन्चलादीस्कायः बयःआथै।
ओउःतलेः त्याङ्आक्तीको उनम्ह्कोः स्याङ्ह्लोहाङः अग्रीपा बेर्नीस् नीस्पुःचाः ग्रीमः ग्रीमः त वाङ्ती अन्चलादीस्कोः कुरा सायःती तात्ओ कीम्ताङ् दाह्आकाय्। दाह्आक्तीको हाकीम्लम्मा सहर्कोः ताङ्ह्ओ मान्तालम्कुस्मा ओउःनीस्कुस् कीम्ताङ् पोक्आकाय्। कीम्ताङ् पोक्आक्तीको च्युङःआक्तीको “लौ द्याह् पावुल् वानःपाः” त फेस्तस्इ गानाक्ती तोआकान्। पावुल्कायः वानःआक्तीको फेस्तस्इ ओउःकोः कुरा छ्यानःआथास।
ကြော်ငြာတွေ