खबरदुत 12:19 - चेपाङ19 “ओउःकायः वेःताङ् ङोय्ताङ् पेतो बोङःनु दा” त दाय्ह्ती हेरोद् राजाइ हुकुम् बयःथासतो पत्रुस्कायः च्यवःसा जुगाङ् खाय्नीली। ओउः ङ्हा राक्ती गम्ओ पत्रुस्कायः च्यवःसा खाय्नीली त झ्यान्ते पत्रुस्कायः ल्युङ्ह्ती गम्ओ सीपाहीलम्कायः हेरोद् राजाइ सात्ताक्आथास। सात्ताक्आक्तीको लोन्ते हेरोद् राजा यहुदीया देस् फेती सीजारीयाहाङः याक्आ। အခန်းကိုကြည့်ပါ။ |
खबरदुत 12:19
19 ပူးပေါင်းရင်းမြစ်များ
ओहाङःसैको ओउःमयः आल्आक्तीको यात्चाक् परमेस्वर्कोः लाङ्कासै ल्होक्ओमयः युसेफ्कःताङ् माङःखाहाङः थाती वाङ्ती “लौ चीङ्ती नाङ्कोः नीस् आमाचाः लात्ती मीस्रा देस्ताङ् क्रव्अ दा। ओहाङः दाह्आक्तीको ङाइ तोधाङ्माःच्युक्कायः मुन। नाङ्कोः चोःकायः हेरोद् राजाइ सात्ती वाय्सा बोङःनौ बा” त दाय्ह्ती युसेफ्कायः तोआकान्।
ओहाङःसैको “ओउः व्हाय्ओ मान्तालम् ङाकःताङ् वाङ्सा ग्यामाःत थे ल्याम् पाय्ह्आकाय्” त हेरोद् राजाइ चीःआकान्। चीःआक्तीको ओउःपाय् आन ल्हुङ् स्योङ्ती ओउः व्हाय्ओ मान्तालम्इ ङ्हा त्याङ्ती तोओ कार्कोः कुरा गीलती “लौ बेथ्लेहेम् गाव्गन सबै नीस् बर्स पुत्धाङ्मालो गोय्चोःलम्कायः सात्पाःथास” त दाय्ह्ती हुकुम् बयःआकान्।
चुम्आक्तीको लोने ओउः छ्यात्कोः दीन् पुत्आक्तीको पत्रुस्कायः “सबै मान्तालम्कोः मीक्हाङः सात्चाङः” त दाय्ह्ती म्हर्ती हेरोद् राजाइ ओउःकायः झ्याल्खानहाङः काती गम्आथै। काती गम्आक्तीको चार् चार्जन सीपाहीलम् तोङ्क तोङ्क जाङ्ह्ती ओउः झ्याल्खानकोः चार् खेप्कायः ल्युङ्ह्ताक्सा गम्आथास।
ओहाङःसैको ओउः ल्याङ् वाङ्ओ बेलाहाङः ओउः झ्याल्खानकायः ल्युङ्ह्ओ मान्ता एनःती मुओ खेःतो ल्याङ् वाङ्आक्तीको ओउः मान्तापाय् म्र्याती च्योक्ती सबै झ्याल्खान कीम्कोः धोकालम् फोल्ती मुओ च्यवःआकान्। एत च्यवःती “लौ द्याह्पाय् सबै राक्ती गम्ओ मान्तालम् क्रव्आताक्आलाङः रैस” त म्हर्ती लयःकोः च्युपे त्युत्ती लयःकायः सात्सा बोङःउतो ती
ओहाङःसैको उनम्ह्कोः स्याङ्ह्लोहाङः तीःजहास्हाङः फेरी लन्ह्ती आल्ती ङी सीजारीया त तोओ सहर्ताङ् दाह्आलाङी। सीजारीयाताङ् दाह्आक्तीको ङी तीःजहास्सै जुगाङ् फेती ग्ल्युङ्ह्ती फीलीप् त तोओकोः कीम्ताङ् वाङ्ती मुआलाङी। ओउः फीलीप् त तोओखेकायः योह्नम्हाङः अरु छजनकुस् पैसा वेःती बयःओ काम्कायः छ्युङ्ह्ओ खेःतो। ङी वाङ्तोक्हाङः ओउःइ सीजारीयाहाङः प्रभु येसुकोः पेओ समचार्कोः कुरा आन तोती मुओ खेःतो।
ကြော်ငြာတွေ