खबरदुत 12:12 - चेपाङ

¹² ओहाङःसैको ओउःतोक्‌हाङः मर्‌कस् त तोओकोः आमा मरीयम् त तोओकोः कीम्‌हाङः नाःतो मान्‍तालम् पत्रुस्‌कायः परमेस्‍वर्‌कःताङ् तेती तोलाङ् मुओ खेःतो।

खबरदुत 12:12 ပူးပေါင်းရင်းမြစ်များ

खबरदुत 12:25

ओहाङःसैको बर्‌नाबास् त तोओमा सावुल् त तोओमा येसुकोः कुरा स्‍यान्‌ती खाय्आक्‌तीको ओउःनीस् मर्‌कस् त तोओ लात्‌ती वानःती यरुसालेम्‌ताङ् पाय्‍ह्आकाय्।

खबरदुत 12:5

झ्‍याल्‍खानहाङः राक्‌ती गम्‌तोक् बेलाहाङः अरु येसुकायः ङ्‌हाम्ओलम्इ “लौ पत्रुस्‌कायः सात्‌ताक्‌लाम् फेताक्‌पाःथै” त दाय्‍ह्‌ती परमेस्‍वर्‌कायः आन तेती तोआकानी।

खबरदुत 13:13

ओउः अन्‍चलादीस्‌खेइ ङ्‌हाम्आकान् ओहाङःसैको पावुल्‌मा ओउःकोः साथीलम्‌मा पाफोस् सहर्‌हाङः तीःजहास् लन्‍ह्‌ती क्‍युप्रस् त तोआ तीःबुम् फेती पाम्‍फील्‍या देस्‌कोः पेर्‌गा सहर्‌हाङः दाह्आकाय्। पेर्‌गा सहर्‌हाङः दाह्आक्‌तीको मर्‌कस्‌खेइ साथीलम्‌कायः वेङ्‌ती यरुसालेम्‌ताङ् पाय्‍ह्आ।

खबरदुत 13:5

तीःजहास्‌हाङः आल्‌ती ओउः क्‍युप्रस् बुम्‌कोः सालामीस् सहर्‌ताङ् दाह्‌ती वाङ्आक्‌तीको ओउः सहर्‌हाङः यहुदी मान्‍तालम्‌कोः थनःओ कीम्‌लम्‌हाङः पोक्‌ती ओउःनीस्इ परमेस्‍वर्‌कोः कुरा थोल्‍ह्‌ती तोआकाचु। ओउःनीस्‌कुस् मर्‌कस् त तोओमा स्‍युलःती जाङ्‌ह्‌लाङ् आल्आ।

खबरदुत 16:40

ल्‍होक्आक्‌तीको पावुल्‌मा सीलास्‌मा लीदीया त तोओकोः कीम्‌ताङ् द्यान्‍ह्‌ती ओहाङःकोः ङ्‌हाम्ओलम्‌कायः लव्‍ह्‌ती तोआकाचु। ओहाङःसैको ओउःमयःकायः दाम्आक्‌तीको पावुल् सीलास् नीस् फीलीपी सहर्‌सै आल्आकाच।

खबरदुत 4:23

ओहाङःसैको फेआक्‌तीको ओउःनीस् लयःकोः साथीलम्‌कःताङ् पाय्‍ह्‌ती ओउः सभाकोः ताङ्‌ह्ओ मान्‍तालम्इ मेस्‌लो तोओ कुरा साथीलम्‌कायः सबै ल्‍हाक्‌ती छ्यानःआकाचु।

कोलसी 4:10

ङाकुस् झ्‍याल्‍खानहाङः गम्ओ आरीस्‍तार्‌कस्‌मा बर्‌नाबास्‌कोः हौ मर्‌कस् त तोओमा ओउःनीस्इ नमस्‍ते ल्‍होक्‌तेःनै। मर्‌कस्‌कोः कुरा ङ्‌हालेः छ्यानःङोतो नीङ्‌कःताङ् वाङ्‌नाः त खेःया ओउःकायः रोम्‌नु दा।

२ तीमोथी 4:11

ङाकुस् आने लुका ह मुलेःनाः। नाङ् वाङ्ओहाङः मर्‌कस्‌मा गोत्‌ती वानःउ ओउःइपाय् ङाकोः काम् पेतो लव्‍ह्‌ती जाङ्‌ह्‌सा चीःनौ।

फीलेमोन् 1:24

ङाकुस् काम् जाङ्‌ह्ओलम् मर्‌कस् आरीस्‍तार्‌कस् देमस् लुकामा सबै नमस्‍ते ल्‍होक्‌तेःनाः।

१ पत्रुस् 5:13

फेरी इ रोमी सहर्‌हाङः मुओ नीङ्‌लो लेखालेः परमेस्‍वर्‌इ छ्युङ्‌ह्ओमयःइपाय् नीङ्‌कायः नमस्‍ते ल्‍होक्‌तेःनै। ङाकोः ङ्‌हाम्ओ चोः त तोओ मर्‌कस्‌मा नमस्‍ते ल्‍होक्‌तेःनै।