खबरदुत 11:30 - चेपाङ30 ओउःत होम्काय्आक्तीको पैसा हुम्ती वानःआक्तीको बर्नाबास्कायःमा सावुल्कायःमा ल्हाआथाच। ओउः पैसापाय् ओउःनीस्इ यरुसालेम्ताङ् लात्ती आल्आकाच। ओहाङःसैको दाह्आक्तीको ओहाङःकोः येसुकायः ङ्हाम्ओलम्कोः थालवःपालम्कायः ओउः पैसा बयःआकाचु। အခန်းကိုကြည့်ပါ။ |
खबरदुत 11:30
21 ပူးပေါင်းရင်းမြစ်များ
ओउः सहर्लम्हाङःमा ङ्हाम्ओ मान्तालम्कःहाङः ओउःनीस्इ यात् नीस्चाक् छीङ्ह्ती अरुलम्कायः स्यान्साकायःमा हुकुम् बयःसाकायःमा “लौ इहाङःकोः ङ्हाम्ओलम्कोः थालवःपा स्याव्तेःपै” त दाय्ह्ती गम्आकाचु। छीङ्ह्ती गम्तोक् बेलाहाङः ओउःमयः पावुल् बर्नाबास्कुस् उपाङ् काःती “लौ प्रभुय इ मान्तालम्इ नाङ्कोः कुरा पेतोलेः ङ्हाम्नानी बा। ओउःमयःकायः काम् पेतो जाङ्ह्ताक्पाःथास दै” त दाय्ह्ती ओउःनीस्इ परमेस्वर्कायः तेती तोआकाचु।
ओहाङःसैको ओउःमयःइ स्यान्ओ कुरा सायःती “इपाय् दोङ् कुरा खेःल” त दाय्ह्ती ओउःमयःकुस् पावुल्मा बर्नाबास्मा आन तानःकाय्आकाय्। ओहाङःसैको ओउःमयः ब्राङ्ती नोःसा खाय्नीली त झ्यान्ते “लौ इ कुरापाय् यरुसालेम्हाङः मुओ येसुकोः छ्युङ्ह्ओमयःकायःमा ङीकोः ताङ्ह्ओ थालवःपालम्कायःमा इ कुरालम्कायः ‘गाव्खे पेनाः’ त व्हत्ती ओउःमयःकोः ल्हुङ्तुक् योसा खेःतो” त दाय्ह्तीताङः पावुल् नीस्साथीचाःकायःमा यात्नीस् अरुलम्कायःमा छीङ्ह्ती यरुसालेम्ताङ् कुरा नोःकाय्लाङ् ल्होक्आथास।
ओहाङःसैको पावुल् साथीचोङ् आल्दा आल्दा यरुसालेम्ताङ् दाह्आक्तीको ओहाङःकोः येसुकोः छ्युङ्ह्ओमयःमा येसुकायः ङ्हाम्ओ थालवःपालम्इमा ओउःनीस् पावुल् बर्नाबास्नीस्कायः त्याक्ती रोम्आथाच। रोम्आक्तीको ओउःनीस्इ “लौ नीचीकायः परमेस्वर्इ इतलेः जाङ्ह्ती वाह्ताक्आताङःच” त दाय्ह्ती सबै ङ्हा जाङ्ह्ओ काम्लम् ल्हाक्ती छ्यानःती तोआथास।
ओहाङःसै “ओउःइ रेव्ओ काम् जाङ्ह्ओआः” त दाय्ह्ती अरुइ यात्चाक् ङ्हाम्ओलम्कायः स्यालःओ दीक्पाल्कायः गाल्तुम्ती तोसा बोङःनानी त खेःया ओउःमयःइ नीस् सुम्चाक् ओउःकोः रेव्तो जाङ्ह्ओ च्यवःओलम्कायः वानःसा खेःतो ओहाङःसै ओउःमयः गाल्तुम्ती तोओ पाःती तोसा खाय्नानी। पाःती तोओलम् नाःल त खेःया ओउःकोः गाल्तुम्ती तोओ सायःतेःचनौ।
लौ नीङ् स्यालःओ थालवःपालम्य ङाइ द्याह् तोचेःनाङ्स दा। ङामा थालवःपालेः खेःमानाङः फेरी ख्रीस्कोः लीह्सीःओ गोरःओ च्यवःओ मान्तामा खेःमानाङः। लोने वाङ्सा खेःओ ताङ्ह्ताक्सा बेलाहाङः ङापाय् ख्रीस्कुस् ताङ्ह्तोलेः स्याव्सा दोःमानाङः। ओउःत झ्यान्ते ङाइ द्याह् तोसा कुरापाय् नीङ्इ सायःनाङ्स दा।
ကြော်ငြာတွေ