खबरदुत 11:24 - चेपाङ24 बर्नाबास् त तोओपाय् परमेस्वर्कोः ग्वालामः आन दोःती परमेस्वर्कोः कुरा पेतो ङ्हाम्ती जाङ्ह्ओ खेःतो ओउःत झ्यान्ते ओउः अन्तीयोक् मुतोक्हाङः नाःतो अरु मान्तालम्इ येसुकोः कुरा ङ्हाम्ती सायःआकानी। အခန်းကိုကြည့်ပါ။ |
खबरदुत 11:24
21 ပူးပေါင်းရင်းမြစ်များ
ओहाङःसैको यात्चाक् यहुदीया देस्कोः अरीमाथीया गाव्सै वाङ्ओ मान्ता युसेफ् त तोओ खेःतो। ओउःपाय् पेओ मान्ता खेःतो परमेस्वर्कोः कुरालेः सबै जाङ्ह्सा बोङःती परमेस्वर्कोः राजी दाङ्तोक् बेलाकायः गलमा ल्युङ्ह्ती मुओ खेःतो। फेरी युसेफ् त तोओपाय् यहुदीलम्कोः ताङ्ह्ओ मान्ता खेःतो ओहाङःसैको सभा काम्हाङः हुम्ती मुतोक् बेलाहाङः अरु ताङ्ह्ओ मान्तालम्खेइ येसुकायः सात्सा बोङःओ कुरा नोःकाय्ओ सायःती युसेफ्खेइ “सात्लाम्” त दाय्ह्ती अरुलम्कुस् ङ्र्याःल।
एत तोओ कुरा सबै म्रोती सायःआकानी ओहाङःसैको ओउःमयःइ सात्जन छ्युङ्ह्आथास। यात्चाक् स्तीफन् त तोओ ओउःखे परमेस्वर्कायः आन ङ्हाम्ती परमेस्वर्कोः ग्वालामःमा आन दोःओ खेःतो। स्तीफन् त तोआमा फीलीप् प्रोखुरस् नीकानोर् तीमोन् पार्मेनास्मा यात्चाक् अन्तीयोक् सहर्सै वाङ्ओ परमेस्वर्कायः झाह्ओ नीकोलवुस् त तोओमा इ सात्जनकायः छ्युङ्ह्ती ओउः बारजन येसुइ छ्युङ्ह्ओमयःकःताङ् वानःती चीङ्ताक्आथास।
सावुल् आल्आक्तीको ओउः यहुदीया अन्चल्हाङः गालील अन्चल्हाङःमा समारीया अन्चल्हाङःमा येसुकायः ङ्हाम्ओमयः पेतोलेः मुआकाय्। ओउःमयःकायः अरुलम्इ पानःसा सात्सा सुइमा बोङःनीली। येसुकायः ङ्हाम्ओमयःइपाय् परमेस्वर्कायः लुङ्ती झाह्ती तोआकानी। ओउःमयःकायः परमेस्वर्कोः ग्वालामःइ पेतो स्याव्ताक्ती झ्यान्ते ओउःमयः नाःतोलेः ब्याव्आकाय्।
ကြော်ငြာတွေ