खबरदुत 11:23 - चेपाङ23 ओहाङःसैको अन्तीयोक् सहर्ताङ् दाह्ती वाङ्आक्तीको “परमेस्वर्इ ओउःमयःकायः आन पेतो जाङ्ह्आथास” त च्यवःती बर्नाबास्पाय् आन चोङाय्ओ खेःतो “लौ इ प्रभु येसुकोः कुरा फेमाःत ल्हुङ् फुस्तीलेः ङ्हाम्नु दा” त दाय्ह्ती बर्नाबास्इ लव्ह्ती तोआथास। အခန်းကိုကြည့်ပါ။ |
खबरदुत 11:23
37 ပူးပေါင်းရင်းမြစ်များ
ओहाङःसैको ओउः थनःओ कीम्कोः मीतीङ् खाय्आक्तीको नाःतो यहुदीलम्मा अरु जात्कोः परमेस्वर्कायः झाह्ओलम्इमा पावुल् नीस् साथीचाःकायः गुल्ह्आकानी। गुल्ह्आक्तीको ओउःनीस्इ इ गुल्ह्ओ मान्तालम्कायःपाय् “लौ परमेस्वर्कोः कुरा फेमाःत ङ्हाम्ती ओउःइ बयःओ पेओ जीङः दोःती मुन” त दाय्ह्ती ओउःनीस्इ स्यान्आथास।
अतालीय दाह्आक्तीको ओहाङः तीःजहास् लन्ह्ती सीरीया देस्हाङः मुओ अन्तीयोक् सहर्ताङ् पान्ती दाह्आकाच। इ अन्तीयोक् सहर्हाङःपाय् येसुकोः कुरा वार्लाङ् आल्ओकोः ङ्हासैलेः अरुलम्इ परमेस्वर्कायः झाह्ती तोआक्तीको बर्नाबास् पावुल् नीस्पाय् ल्होक्ओ खेःतो। ओउःत झ्यान्ते ओउःनीस्कोः कुरा वार्ओ काम् द्याह् दप्ती खाय्आक्तीको पावुल् बर्नाबास् दाह्तोक्हाङः सबै अन्तीयोक् सहर्कोः येसुकायः ङ्हाम्ओ मान्तालम् हुम्ती ओउःनीस्इ ल्हाक्ओ कुरा सायःलाङ् वाङ्आकाय्।
अरुकायः लुङ्ती तोसा बयःओलेः त खेःया ओउःइपाय् लुङ्ती तोपनौ। अरुकायः लयःकोः पैसा अरु थोक्लम् वेःती ल्हासा काम् बयःओलेः त खेःया ओउः मान्ताइपाय् साय्क्तोलेः बयःपनौ। अरुकायः नोःती स्यालःसा बयःओ त खेःया ओउःइपाय् पेतोलेः स्यालःपनौ। अरुकायः योनःती जाङ्ह्सा बयःओ त खेःया ओउःइपाय् चोङाय्तीलेः जाङ्ह्पनौ।
ओउःमयःखेइ एतलेः हायःनानी नाङ्खे ङाकायः गत स्यान्ओ गत वाह्ओ दोह्कायः बोङःओ त कनःती चीःतेःआची। ङाकायःपाय् गुच्युक् ङ्हाम्ओ गुच्युक् गोरःओमा राप्ओमा गुच्युक् लीह्सीःओ च्यवःओ तमा चीःतेःआची। अन्तीयोक् इकोनीयुम् लीस्त्र त तोओ सहर्लम्हाङः ङाकायःपाय् मान्तालम्इ लीह्सीःओ बयःताङःतो ओउः लीह्सीःओ गोरःओसै प्रभुइ ङाकायः दल्ताक्आताङः।
दोह् हायःती दाय्ह्सा यात् नीस् परमेस्वर्कोः कुरा ग्यामालोलम् नीङ्कःहाङः अरुइ चीःमाःत वाङ्आकाय्। ओउःमयःइपाय् परमेस्वर्इ योनःती योओ कुरा ङोय्ह्तोलेः स्यान्ती “लौ ङीइ ङ्हाम्ओलम्कायः द्याह् सबै काम् जाङ्ह्सा स्याव्नाः दोह्मा रेव्ओलेः खेःल” त माःती ल्हास्या काम् जाङ्ह्साकायः तोनानी। एत हायःती ङीकोः यातैज्योः प्रभुमा मालीक्मा येसु ख्रीस्कः झाक्माःत मुनै। ओउः खाल्कोः मान्तालम्कायः “न्युम्ह्तोलेः स्याव्नै” त दाय्ह्ओ उय्ह्लेहाङःसै आखरःहाङः लेखओआः बा।
ကြော်ငြာတွေ