खबरदुत 11:22 - चेपाङ22 ओहाङःसैको “अन्तीयोक्हाङः नाःतो एलेनी भासा नोःओलम्इ ङ्हाम्नानी” त दाय्ह्आ यरुसालेम्हाङः मुओ येसुकायः ङ्हाम्ओलम्इ सायःआकानी। ओउःत सायःआक्तीको ओउः अन्तीयोक्कोः ङ्हाम्ओ मान्तालम्कःताङ् ओउःमयःइ बर्नाबास् त तोओ ल्होक्आकानी। အခန်းကိုကြည့်ပါ။ |
खबरदुत 11:22
16 ပူးပေါင်းရင်းမြစ်များ
ओउःमयः परमेस्वर्कायः झाह्ती तोआकानी ओहाङःसैको स्तीफन्कायः सात्ओ बेलाहाङः अरु येसुकायः ङ्हाम्ओलम् रुनःधती क्रव्ती यात्नीस्खे फोनीस्या देस्ताङ् आल्आकाय्। अरुखे क्युप्रस् देस्ताङ्मा अन्तीयोक् देस्ताङ्मा आल्आकाय्। आल्तोक् बेलाहाङः ओउःमयःइ येसुकोः पेओ कुरा यहुदी जात्कोः मान्तालम्कायः झुङ्आले तोआकानी।
सावुल्कायः बोङःती क्रुस्आक्तीको ओउःकायः बर्नाबास्इ अन्तीयोक्ताङ् वानःआथै। ओहाङः ओउः नीस्चाक्इ अन्तीयोक्कोः ङ्हाम्ओलम्कुस् यात् बर्सच्युक्कायः याक्ती नाःतो मान्ताकायः स्यान्आथास। फेरी इ अन्तीयोक् सहर्हाङः अरु थाव्कोः ङ्हासैलेः येसु ख्रीस्कायः ङ्हाम्ओमयःकायः “ख्रीस्त्यान्” त मय्ङ्आथास।
ओहाङःसैको ओउःमयःइ स्यान्ओ कुरा सायःती “इपाय् दोङ् कुरा खेःल” त दाय्ह्ती ओउःमयःकुस् पावुल्मा बर्नाबास्मा आन तानःकाय्आकाय्। ओहाङःसैको ओउःमयः ब्राङ्ती नोःसा खाय्नीली त झ्यान्ते “लौ इ कुरापाय् यरुसालेम्हाङः मुओ येसुकोः छ्युङ्ह्ओमयःकायःमा ङीकोः ताङ्ह्ओ थालवःपालम्कायःमा इ कुरालम्कायः ‘गाव्खे पेनाः’ त व्हत्ती ओउःमयःकोः ल्हुङ्तुक् योसा खेःतो” त दाय्ह्तीताङः पावुल् नीस्साथीचाःकायःमा यात्नीस् अरुलम्कायःमा छीङ्ह्ती यरुसालेम्ताङ् कुरा नोःकाय्लाङ् ल्होक्आथास।
ओउःत तोआक्तीको येसुकोः छ्युङ्ह्ओमयःमा थालवःपालम्मा सबै ङ्हाम्ओलम्कुस् नोःकाय्ती “लौ इहाङः मुओ मान्तालम्कःसै यात् नीस्चाक् छीङ्ह्ती पावुल् बर्नाबास्कुस् अन्तीयोक्ताङ् ल्होक्पाःथास” त ओउःमयः हुन्द्यावःती दाय्ह्आकाय्। एत हुन्द्यावःती दाय्ह्आक्तीको नीस्चाक् ओउःमयःकोः ताङ्ह्ओ मान्ताकःसै यहुदा त तोओमा बर्साबास्मा सीलास् त तोओमा ओउः नीस्चाक्कायः छ्युङ्ह्ती चेती ल्हाती पावुल् बर्नाबास्कुस् ल्होक्आथाच।
एत तोओ कुरा सबै म्रोती सायःआकानी ओहाङःसैको ओउःमयःइ सात्जन छ्युङ्ह्आथास। यात्चाक् स्तीफन् त तोओ ओउःखे परमेस्वर्कायः आन ङ्हाम्ती परमेस्वर्कोः ग्वालामःमा आन दोःओ खेःतो। स्तीफन् त तोआमा फीलीप् प्रोखुरस् नीकानोर् तीमोन् पार्मेनास्मा यात्चाक् अन्तीयोक् सहर्सै वाङ्ओ परमेस्वर्कायः झाह्ओ नीकोलवुस् त तोओमा इ सात्जनकायः छ्युङ्ह्ती ओउः बारजन येसुइ छ्युङ्ह्ओमयःकःताङ् वानःती चीङ्ताक्आथास।
अरुलम् रैआकाय् यात्चाक् बर्नाबास् त तोओखेइ सावुल्कोः कुरा ङ्हाम्ती ओउःकायः रोम्ती येसुकोः छ्युङ्ह्ओमयःकःताङ् वानःआथै। वानःआक्तीको “लौ दामास्कस्ताङ् वाह्ओ ल्याम्हाङः सावुल्इ ङीकोः प्रभु येसुकायः च्यवःआकान् येसुकुस् नोःकाय्आकाय् बा। ओहाङःसैको दामास्कस् सहर्हाङः सावुल्इ जुगाङ् रैमाःत येसुकोः कुरा तोमाआकान्” त दाय्ह्ती बर्नाबास्इ सावुल्कोः कुरा सबै ल्हाक्ती छ्यानःआथास।
ကြော်ငြာတွေ