खबरदुत 11:20 - चेपाङ20 ओउःमयःपाय् यहुदी जात्कोः मान्तालम्कायः तोनीतो यात्नीस् अरु क्युप्रस् त तोओ देस्कोः मान्तालम्मा क्युरीनी देस्कोः मान्तालम्मा अन्तीयोक् सहर्ताङ् दाह्ती वाङ्ती एलेनी भासा नोःओ मान्तालम्कायःमा प्रभु येसुकोः कुरा तोआथास। အခန်းကိုကြည့်ပါ။ |
खबरदुत 11:20
28 ပူးပေါင်းရင်းမြစ်များ
ओउःमयः परमेस्वर्कायः झाह्ती तोआकानी ओहाङःसैको स्तीफन्कायः सात्ओ बेलाहाङः अरु येसुकायः ङ्हाम्ओलम् रुनःधती क्रव्ती यात्नीस्खे फोनीस्या देस्ताङ् आल्आकाय्। अरुखे क्युप्रस् देस्ताङ्मा अन्तीयोक् देस्ताङ्मा आल्आकाय्। आल्तोक् बेलाहाङः ओउःमयःइ येसुकोः पेओ कुरा यहुदी जात्कोः मान्तालम्कायः झुङ्आले तोआकानी।
सावुल्कायः बोङःती क्रुस्आक्तीको ओउःकायः बर्नाबास्इ अन्तीयोक्ताङ् वानःआथै। ओहाङः ओउः नीस्चाक्इ अन्तीयोक्कोः ङ्हाम्ओलम्कुस् यात् बर्सच्युक्कायः याक्ती नाःतो मान्ताकायः स्यान्आथास। फेरी इ अन्तीयोक् सहर्हाङः अरु थाव्कोः ङ्हासैलेः येसु ख्रीस्कायः ङ्हाम्ओमयःकायः “ख्रीस्त्यान्” त मय्ङ्आथास।
ओहाङःसैको अन्तीयोक् सहर्कोः येसुकोः ङ्हाम्ओलम्हाङः पास्जन लोन्ते स्याव्सा कुरा छ्यानःसा चीःओमा स्यान्ओ मान्ता खेःइतो। यात्ज्योःखे बर्नाबास् त तोओ खेःतो। यात्ज्योःखे गाल्ओ सीमोन् त मय्ङ्ओ खेःतो। यात्चाक्खे क्युरीनी देस्सै वाङ्ओ लुसीयस् त तोओ खेःतो। यात्चाक्खे मनएन् त तोओ ओउःलेः हेरोद् राजाकोः दर्बाल्हाङः स्यास्ओ खेःतो। यात्ज्योः अरुखे तार्सुस् सहर्सै वाङ्ओ सावुल् खेःतो।
अतालीय दाह्आक्तीको ओहाङः तीःजहास् लन्ह्ती सीरीया देस्हाङः मुओ अन्तीयोक् सहर्ताङ् पान्ती दाह्आकाच। इ अन्तीयोक् सहर्हाङःपाय् येसुकोः कुरा वार्लाङ् आल्ओकोः ङ्हासैलेः अरुलम्इ परमेस्वर्कायः झाह्ती तोआक्तीको बर्नाबास् पावुल् नीस्पाय् ल्होक्ओ खेःतो। ओउःत झ्यान्ते ओउःनीस्कोः कुरा वार्ओ काम् द्याह् दप्ती खाय्आक्तीको पावुल् बर्नाबास् दाह्तोक्हाङः सबै अन्तीयोक् सहर्कोः येसुकायः ङ्हाम्ओ मान्तालम् हुम्ती ओउःनीस्इ ल्हाक्ओ कुरा सायःलाङ् वाङ्आकाय्।
ओउःत तोआक्तीको येसुकोः छ्युङ्ह्ओमयःमा थालवःपालम्मा सबै ङ्हाम्ओलम्कुस् नोःकाय्ती “लौ इहाङः मुओ मान्तालम्कःसै यात् नीस्चाक् छीङ्ह्ती पावुल् बर्नाबास्कुस् अन्तीयोक्ताङ् ल्होक्पाःथास” त ओउःमयः हुन्द्यावःती दाय्ह्आकाय्। एत हुन्द्यावःती दाय्ह्आक्तीको नीस्चाक् ओउःमयःकोः ताङ्ह्ओ मान्ताकःसै यहुदा त तोओमा बर्साबास्मा सीलास् त तोओमा ओउः नीस्चाक्कायः छ्युङ्ह्ती चेती ल्हाती पावुल् बर्नाबास्कुस् ल्होक्आथाच।
ओहाङःमा यात्नीस् एपीक्युरी त तोओ धर्मा स्यान्ओ मान्तालम्मा अरु स्तोइक् त तोओ धर्मा स्यान्ओ मान्तालम्मा पावुल्कुस् आन तानःकाय्ती नोःकाय्आकाय्। ओउः मान्तालम्हाङः कोय्खे “इ मान्तापाय् आह्रे चीःमाःत नोःओआः यादो” त दाय्ह्ती दाय्ह्आकाय् अरुखे “इपाय् थे थे द्यव्ताकोः कुरा स्यान्ती तोनाःतय्ही रैस” त दाय्ह्ती नोःकाय्आकाय्। पावुल्इपाय् “येसु सीआक्तीको च्योक्ओआः” त स्यान्ती तोओ त झ्यान्ते ओउःमयः “इपाय् थे थे कुरा” त नोःकाय्आकाय्।
ओहाङःसैको ओउःतोक् बेलाहाङः येसुकोः कुरा ङ्हाम्ओ मान्तालम्कःताङ् अरुलम् न्हाङ्तोलेः त्योम्ती वाङ्ती नाःतो स्याव्आकाय्। ओहाङःसैको ह्र्यात् मान्तालम्कायःमा बुधा सीओ मोमःचोःलम्कायःमा दीन्का दीन् जेःगालम् वेःती बयःओ खेःतो। ओउः जेःगा वेःती बयःओ बेलाहाङःलम् “लौ ओउः यहुदी मोमःचोःलम्खेकायः भोरःती बयःनाःथास ङी एलेनीकोः मोमःचोःलम्खेकायः य्हुर्ती बयःनाःथास” त दाय्ह्तीताङः ओउः एलेनी भासा नोःओलम् यव्ह्ती त्याङ्आकाय्।
एत तोओ कुरा सबै म्रोती सायःआकानी ओहाङःसैको ओउःमयःइ सात्जन छ्युङ्ह्आथास। यात्चाक् स्तीफन् त तोओ ओउःखे परमेस्वर्कायः आन ङ्हाम्ती परमेस्वर्कोः ग्वालामःमा आन दोःओ खेःतो। स्तीफन् त तोआमा फीलीप् प्रोखुरस् नीकानोर् तीमोन् पार्मेनास्मा यात्चाक् अन्तीयोक् सहर्सै वाङ्ओ परमेस्वर्कायः झाह्ओ नीकोलवुस् त तोओमा इ सात्जनकायः छ्युङ्ह्ती ओउः बारजन येसुइ छ्युङ्ह्ओमयःकःताङ् वानःती चीङ्ताक्आथास।
ကြော်ငြာတွေ