खबरदुत 11:16 - चेपाङ

¹⁶ एत च्‍यवःती ‘युहनाखेइ तीःइ बाप्‍तीस्‍मा जाङ्‌ह्‌थासतो नीङ्‌खेकायः परमेस्‍वर्‌कोः ग्‍वालामःइ बाप्‍तीस्‍मा जाङ्‌ह्‌तेःनै’ त येसुइ ङ्‌हा तोओ कुरा गीलआलाङः।

खबरदुत 11:16 ပူးပေါင်းရင်းမြစ်များ

मत्ती 3:11

“लौ नीङ्इ रेव्ओ काम् फेतोक्‌हाङः ङाखेइ तीःइ बाप्‍तीस्‍मा बयःनाङ्‌सतो लोन्‍तेसै ङासै आन ताङ्‌ह्ओ मान्‍ता चाक्आः वाङ्‌नाः बा। ओउःकायःपाय् ङाच्‍युक् मीओ मान्‍ता ओउःकोः जुत्ता लात्‌सा स्‍याव्‌ङल। ओउःखेइ नीङ्‌कायः परमेस्‍वर्‌कोः ग्‍वालामःइमा म्‍हेःइमा बाप्‍तीस्‍मा त तोओ बयःतेःनै।

मत्ती 3:6

वाङ्आक्‌तीको लःलयःकोः रेव्‌तो हायःओ घोती तोआक्‌तीको ओउःमयःकायः युहनाइ योर्‌दन् खोलाहाङः बाप्‍तीस्‍मा बयःआथास।

मर्‌कस् 1:8

ङाखेइ तीःइ बाप्‍तीस्‍मा बयःनेःनाङ्‌सतो ओउःखेइ परमेस्‍वर्‌कोः ग्‍वालामःइ बाप्‍तीस्‍मा त तोओ बयःतेःनै” त दाय्‍ह्‌ती युहनाइ स्‍यान्‌ती तोआथास।

लुका 24:8

ओहाङःसैको ओउः मोमःचोःलम्इ येसुइ ङ्‌हा तोओ कुरापाय् गीलती

लुका 3:16

ओउःमयः म्‍हर्‌ओ युहनाइ चीःती “लौ ङाखेइ तीःइलेः बाप्‍तीस्‍मा बयःनेःनाङ्‌सतो लोन्‍तेसै यात्‌चाक् ङासै आन ताङ्‌ह्ओ चाक्आः वाङ्‌लेःनाः बा। ओउःकायःपाय् ङाच्‍युक् मीओ मान्‍तापाय् ओउःकोः जुत्ता फास्‌सामा स्‍याव्‌ङल। ओउःखेइ परमेस्‍वर्‌कोः ग्‍वालामःइमा म्‍हेःइमा बाप्‍तीस्‍मा त तोओ बयःतेःनै।

युहना 1:26

“लौ ङाखेइ तीःइ ह बाप्‍तीस्‍मा जाङ्‌ह्‌नाङः। नीङ्इ चीःमाःत यात्‌चाक् नीङ्‌कःगन मुलेःनाः।

युहना 14:26

ओउःपाय् ङाकोः आपाइ ल्‍होक्‌सा खेःओ दोङ् ग्‍वालामः लेःआः। ओउःइ सबै कुरा स्‍यान्‌तेःनै फेरी ङाइ तोओ कुरापाय् सबै ल्‍हुङ्‌हाङः गीलताक्‌तेःनै।

युहना 16:4

ओहाङःसैको ओउः पेमालो हायःतोक्‌हाङः ‘लौ एतलेः तोआतय्‍ही बा’ त नीङ्इ गीलसा थेङा ङाइ द्याह् तोनेःनाङ्‌स। ङ्‌हासै ङा नीङ्‌कुस् मुधाङ्ओ बेलाहाङः ओउः कुरा तोआक्‌नाङ्‌सल।

खबरदुत 1:5

ङ्‌हाहाङःसै युहनाखेइ तीःइ बाप्‍तीस्‍मा बयःउतो लोन्‍ते तेन्‌कोः ज्‍याङःधाङ्‌माखाहाङः नीङ्‌खे परमेस्‍वर्‌कोः ग्‍वालामःइ बाप्‍तीस्‍मा दोःतेःनै” त येसुइ दाय्‍ह्‌ती तोआथास।

खबरदुत 20:35

येसुइ स्‍यान्‌तोक्‌हाङः ‘लौ थोक्‌लम् दोह्‌लम् त्‍याक्ओसै अरुकायः बयःसालेः पेनाः’ त दाय्‍ह्‌ती प्रभु येसुइ लयः स्‍यान्आथास ओउःत झ्‍यान्‍ते ङाइ लयःकोः काम् धुःतीलेः जाङ्‌ह्‌ती ‘अरुकायः बयःती ह्र्यात् मान्‍तालम्‌कायः लव्‍ह्‌काय्‌सा खेःतो’ त छ्यानःनेःआलाङ्‌स” त दाय्‍ह्‌ती पावुल्इ तोआथास।

१ कोरीन्‍थी 12:13

ङीपाय् यहुदीकोः मान्‍तामा यहुदी खेःमालो मान्‍तामा नोकरीमा नोकरी खेःमालोलम्‌मा ङी सबैकायः यातैज्‍योः परमेस्‍वर्‌कोः ग्‍वालामःइ बाप्‍तीस्‍मा बयःआतय्‍ही बयःआक्‌तीको ङीमा यातैज्‍योः स्‍याव्‌नाःतय्‍ही यात्‌ज्‍योः आङ्‌लो लेखालेः। फेरी ङी सबै यातैज्‍योः ग्‍वालामःपाय् तुङ्‌सा दोःआतय्‍ही।

२ पत्रुस् 3:1

लौ ङाइ राप्ओ मान्‍तालम्‌य इ चेतीकुस् ङाइ नीस्‌ज्‍योःलेः लेखनेःआलाङ्‌स। “ओउःमयः ङ्‌हा चीःओ दोङ् छय्‍ङ्ओ कुरापाय् ल्‍हुङ्‌हाङः गीलताक्‌सा खेःतो” त दाय्‍ह्‌ती ओउःनीस् चेती लेखनेःआलाङ्‌स।