खबरदुत 10:41 - चेपाङ

⁴¹ सबै मान्‍तालम्‌कायः छ्यानःओ खेःल सुसुकायः परमेस्‍वर्‌इ ङ्‌हा छ्युङ्‌ह्ओ खेःतो ओउःकायःलेः ह छ्यानःआताङी। फेरी ओउः येसु च्‍योक्‌ती छ्यानःओ बेलाहाङःपाय् ङीइ ओउःकुस् जेःगा जेःआलाङःसु तुङ्‌गा तुङ्‌माआलाङःसु।

खबरदुत 10:41 ပူးပေါင်းရင်းမြစ်များ

लुका 24:30

ओहाङःसैको पाय्‍ह्आक्‌तीको ओउःमयः कीम्‌हाङः दाह्‌ती पोक्‌ती जेःती मुओ खेःतो। जेःती मुतोक्‌हाङः येसुइ लाङ् रोत्‌ती परमेस्‍वर्‌कायः “च्‍युता” त दाय्‍ह्‌ती लुङ्‌ती तोआकान्। तोआक्‌तीको ओउःइ लाङ् फन्‍ह्‌ती ओउः नीस्‌चाक्‌कायः वेःती बयःआथाच।

लुका 24:48

ङाइ स्‍यान्ओ कुरामा नीङ्इ सायःतेःआकानी ङाइ जाङ्‌ह्ओ कुरामा नीङ्इ च्‍यवःतेःआकानी ओउःत झ्‍यान्‍ते इ कुरापाय् नीङ्इ अरुलम्‌कायः छ्यानःसा खाय्‌तेःनानी।

युहना 14:17

ओउःपाय् ओउः दोङ् कुरा छ्यान्‍ह्ओ ग्‍वालामः लेःआः नीङ्‌कुस् गलकायःमा मुलेःनाः। अरु ल्‍हाव्‍ह्‌दैबाङ्‌हाङः मुओ ङाकायः ङ्‌हाम्‌मालो मान्‍तालम् ओउः ग्‍वालामः दोःइली। ओउःकायः ओउः मान्‍तालम्‌खेइ च्‍यवःमानीली तय्‍ह्‌मानीली ओउःत झ्‍यान्‍ते दोःमाइली। ओउःपाय् नीङ्‌कःगन ब्राङ्‌तोलेः मुनाः ओउःत झ्‍यान्‍ते नीङ्‌खेइ ओउःकायः तय्‍ह्‌तेःनानी।

युहना 14:19

अरु ल्‍हाव्‍ह्‌दैबाङ्‌कोः मान्‍तालम्‌खेइ ङाकायः यात् चीच्‍योक्‌कायः ह च्‍यवःधाङ्‌नाःताङः नीङ्‌खेइ ज्‍याङःतोकायः च्‍यवःतेःनेःनेःनाङ्‌स। ङा सीओसै उह्‌ती च्‍योक्‌नाङः त खेःया नीङ्‌मा च्‍योक्‌तेःनै।

युहना 14:22

“लौ प्रभुय नाङ् अरुखेइ च्‍यवःमाःत गत हायःती ङीखेकःहाङः थातेःचाःताङी” त दाय्‍ह्‌ती यहुदस्इ व्‍हत्आथै। ओउःपाय् इस्‍करीयोत्‌कोः यहुदस् खेःल अरु येसुकुस् वाह्ओ यहुदस्‌त तोओ लेःआः।

युहना 15:16

नीङ्‌खेइ ङाकायः छ्युङ्‌ह्‌तेःनाङ्‌सल ङाखेइ नीङ्‌कायः छ्युङ्‌ह्‌नेःआलाङ्‌स। नीङ् अरुकःताङ् आल्‌ती ङाकोः काम् गलमा स्‍युताक्‌साकायः छ्युङ्‌ह्‌ती ल्‍होक्‌नेःआलाङ्‌स। ओहाङःसै दोह् दोह्‌तेः ङाकोः मय्‍ङ् पेह्‌ती ङाकोः आपाकः तेती तोतेःचनै ओउःलेः बयःतेःनै।

युहना 15:27

नीङ्‌मा ङाकुस् ङ्‌हाहाङःसै मुती झ्‍यान्‍ते ङाकायः पाःती तोनेःनाङ्‌स”

युहना 21:13

ओउःमयःकःताङ् येसु वाङ्‌ती लाङ् ङाः रोत्‌ती वेःआथास।

खबरदुत 1:4

ओहाङःसैको यात्‌दीन्‌हाङः येसुमा ओउःकोः छ्युङ्‌ह्ओमयःमा हुम्‌ती वाङ्आकाय्। वाङ्आक्‌तीको “लौ ङाकोः आपाइ ङ्‌हा तोती गम्ओ ग्‍वालामः बयःधाङ्‌माच्‍युक्‌कायः इ यरुसालेम् सहर्‌सै ग्‍ल्‍युङ्‌ह्‌माःत ल्‍युङ्‌ह्‌ती मुन। इ परमेस्‍वर्‌इ तोओ कुरा ङाइ अनम्‍ह् छ्यानःती तोनेःआलाङ्‌स।

खबरदुत 10:39

ओउःइ यरुसालेम् सहर्‌हाङः यहुदीया देस्‌हाङः जाङ्‌ह्ओ काम्‌लम् ङीइ लयःकोः मीक्इलेः च्‍यवःती दोङ्‌सीलेः तोनेःनाङ्‌स। ओहाङःकोः मान्‍तालम्इ येसुकायः चुम्‌ती क्‍ल्‍याय्ओ सीङःहाङः योकोःती सात्‌थातो

खबरदुत 13:31

सेलः च्‍योक्आक्‌तीको ओउःकुस् गालीलसै यरुसालेम्‌ताङ् वाह्ओमयःकायः येसु नाःतो दीन्‌कायः थालाङ् वाङ्‌झुङ्आ। येसु च्‍योक्‌ती थाओ च्‍यवःआक्‌तीको ओउःकुस् वाह्ओमयःइ ङी इस्राएली मान्‍तालम्‌कायः द्याह् ल्‍हाक्‌ती छ्यानःनानी।