खबरदुत 10:31 - चेपाङ

³¹ ओउःत च्‍यवःतोक्‌हाङः ‘अ कर्‌नीलीयस्‌य नाङ्इ परमेस्‍वर्‌कायः झाह्‌ती तोओ कुरा सायःतीमा नाङ्इ ह्र्यात्‌कायः बयःओ काम् च्‍यवःतीमा परमेस्‍वर्‌ म्रोतीलेः मुनाः।

खबरदुत 10:31 ပူးပေါင်းရင်းမြစ်များ

लुका 1:13

ओउःत रैतोक्‌हाङः “अ जखरीयाय रैतेःचाःनाः। नाङ्इ चोः तेओ कुरापाय् परमेस्‍वर्‌इ म्रोती सायःतेःनाः। नाङ्‌कोः इलीसबा त तोओ बुधीइ गोय्‌चोःचोःलेः दोःबत्‌तेःनाः। दोःआक्‌तीको ओउः चोःकायः ‘युहना’ त मय्‍ङ्उ” त दाय्‍ह्‌ती ओउः ल्‍होक्ओमयः तोआथै।

खबरदुत 10:30

“लौ क्‍याम्‌नम्‌हाङः न्‍हीदीङ्‌कोः सुम् बजे स्‍याव्‌तोक्‌हाङः ङाइ परमेस्‍वर्‌कायः तोती मुङोतो रोमो तोकोलेः ङाइ भाम्‌तो थोङ्ओ नाय् लावओ मान्‍ता ङाकःहाङः द्याङ्‌तो चीङ्ओ च्‍यवःआलाङः।

खबरदुत 10:32

लौ नाङ्इ सीमोन् पत्रुस् त तोओ गोत्‌ती वानःसाकायः जोपा सहर्‌ताङ् ल्‍होक्उ दा। ओउःपाय् सीमोन् त तोओ सर्‌कीकोः कीम्‌हाङः द्युम्‌मालो तीः द्याङ्‌तो द्याह् मुलेःनाः’ त दाय्‍ह्‌तीपाय् ओउः मान्‍ताइ तोआताङः।

फीलीपी 4:18

द्याह् ङा दप्‌तोलेः दोःआलाङः। नीङ्इ एपाफ्रोदाय्‍तस्‌कुस् ल्‍होक्ओ थोक्‌लम् दोःती ङा प्‍ल्‍याय्‌ती वाय्‌तोलेः स्‍याव्आलाङः। ओउः थोक्‌लम्‌पाय् पेतो सय्‍ङ्ओ उलःसा ल्‍हाओ धुप्‌लो लेखा परमेस्‍वर्‌कायः म्रोताक्‌नौ बा।

हेब्रैनी 6:10

परमेस्‍वर्‌इ गलकायःमा पेतोलेः हायःनौ। नीङ्इ ओउःकायः राप्‌ती अरु ङ्‌हाम्ओलम्‌कायः लव्‍ह्‌ती बयःतेःआकानी। माः रैस बयःधैलेः मुतेःनै। ओउः राप्‌ती जाङ्‌ह्ओ काम्‌पाय् परमेस्‍वर्‌इ म्‍हेःउलु।

प्रकाश 5:8

ओउःत त्‍याक्आक्‌तीको ओउः चार्‌गोता जीङः नाःओलम्‌मा ओउः चौबीस् थालवःपालम्‌मा ओउःकःताङ् बाःती स्‍यवआकानी। ओउःमयःपाय् क्रुत्‌क्रुत्‌हाङः याःआःज्‍योः वरनीमा धुप् लात्‌साकायः सुन्‌कोः लोतामा धुप् ब्‍लीङ्‌तोलेः लात्आकानी। ओउः धुप्‌पाय् ङ्‌हाम्ओलम्इ परमेस्‍वर्‌कायः तेती तोओ कुरा लेःआः।