खबरदुत 10:22 - चेपाङ22 “यात्चाक् सीपाहीकोः कप्दन् कर्नीलीयस् त तोओइ ल्होक्आताङी। ओउःपाय् आन पेओ परमेस्वर्कायः झाक्ती तोओ मान्ता लेःआः। इतलेः सबै सीजारीयाकोः यहुदीलम्इ चीःती कर्नीलीयस्कायः लुङ्ती तोनानी। ओहाङःसै ओउःकःताङ् यात्चाक् परमेस्वर्कोः ल्होक्ओमयः थाती ‘लौ नाङ्इ जोपाहाङः मुओ सीमोन् पत्रुस्कायः गोत्लाङ् ल्होक्उ दा। गोत्ती वानःआक्तीको ओउःकोः कुरा पेतोलेः सायःनु’ त दाय्ह्ती ओउः ल्होक्ओमयःइ तोताङःआथै। ओउःत झ्यान्ते ङीइ नाङ्कायः गोत्लाङ् दाह्आलाङी” त दाय्ह्ती ओउः सुम्चाक्इ पत्रुस्कायः छ्यानःआथै। အခန်းကိုကြည့်ပါ။ |
खबरदुत 10:22
36 ပူးပေါင်းရင်းမြစ်များ
युहनाकायः सात्सापाय् बोङःउतो हेरोद् राजाइ ताक्आक्थाल। “ओउःच्युक् पेओ परमेस्वर्कायः चीःओ मान्ताकायः सात्सा जुगाङ् स्याव्ल” त दाय्ह्ती युहनाकः रैती ओउःकायः पानःती झ्याल्खानहाङः थुनती गम्ओ ह। युहनाकायः झ्याल्खानहाङः गम्तोक्हाङः बेला बेलाहाङः हेरोद् राजाइ ओउःकायः गोत्ती वानःती ओउःइ तोओ कुरा झाक्ती सायःउतो “लौ ङा दोह् हायःचाङः दोह् हायःचाङः” त दाय्ह्ती आन ग्याङ्ह्ती मुओ खेःतो।
सुसुलो तेन्छ्याङ्कोः रेव्तो जाङ्ह्ओ मान्तालम्कःहाङः ङाकःमा ङाइ तोओ कुराकःमा ब्लाय्क्चनै ओउःकः ङा मान्ताकोः चोः त तोओपाय् लोनेः वाङ्सा दीन्हाङः ब्लाय्क्लेःनाः। ओउः दीन्हाङःपाय् ओउः मान्ताकोः चोः आपालो लेखा अङ्ग थङ्गत ताङ्ह्तो स्याव्ती ल्होक्ओमयःकुस् वाङ्नै” त दाय्ह्ती येसुइ स्यान्ती तोआथास।
ओहाङःसैको यात्चाक् यहुदीया देस्कोः अरीमाथीया गाव्सै वाङ्ओ मान्ता युसेफ् त तोओ खेःतो। ओउःपाय् पेओ मान्ता खेःतो परमेस्वर्कोः कुरालेः सबै जाङ्ह्सा बोङःती परमेस्वर्कोः राजी दाङ्तोक् बेलाकायः गलमा ल्युङ्ह्ती मुओ खेःतो। फेरी युसेफ् त तोओपाय् यहुदीलम्कोः ताङ्ह्ओ मान्ता खेःतो ओहाङःसैको सभा काम्हाङः हुम्ती मुतोक् बेलाहाङः अरु ताङ्ह्ओ मान्तालम्खेइ येसुकायः सात्सा बोङःओ कुरा नोःकाय्ओ सायःती युसेफ्खेइ “सात्लाम्” त दाय्ह्ती अरुलम्कुस् ङ्र्याःल।
फेरी ओउः नोःराय्इपाय् मान्तालम् गत हायःती परमेस्वर्कोः मीक्हाङः पेतो नीङ्तो स्याव्सा खाय्नानी त छ्यानःलेःनै। ङ्हाहाङःमा लोनेमा गलकायःमा मान्ताइ ङ्हाम्ओ त खेःया ओउःपाय् नीङ्तोलेः स्याव्ती स्याक्लेःनै दोह् हायःती दाय्ह्सा “सुखेलोइ ङ्हाम्नानी ओउः मान्तापाय् ङ्हाम्धार्नालेः नीङ्तो स्याव्नै” त दाय्ह्ओ परमेस्वर्कोः आखरःहाङः लेखती मुनाः।
ကြော်ငြာတွေ