३ युहना 1:7 - चेपाङ

⁷ दोह् हायःती दाय्‍ह्‌सा परमेस्‍वर्‌कायः ङ्‌हाम्‌मालो मान्‍तालम्‌कःसै दोह्‌मा त्‍याक्‌माःत ओउःमयः “येसु ख्रीस् सुलो” त छ्यानःसाकायः एतलेः ब्‍याह्‌ती वाह्आकाय्।

३ युहना 1:7 ပူးပေါင်းရင်းမြစ်များ

युहना 15:21

ओउःमयःइ ङाकायः ल्‍होक्ओ आपाकायः तय्‍ह्‌माःत झ्‍यान्‍ते नीङ्‌कायः पेमालो हायःतेःनै।

खबरदुत 20:33

ङा लयःकोः क्रुत्इ काम् जाङ्‌ह्‌तीलेः लयःकोः तुक् स्‍यास्आलाङःस ङाकुस् वाह्ओमयःकायःमा स्‍यास्आलाङःसु ओउःतलेः नीङ्इ चीःतेःनानी। अरुकोः गह्र्लम् थोक्‌लम्‌कोः ङा दोह्‌मा लती मुओ खेःङल।

खबरदुत 20:35

येसुइ स्‍यान्‌तोक्‌हाङः ‘लौ थोक्‌लम् दोह्‌लम् त्‍याक्ओसै अरुकायः बयःसालेः पेनाः’ त दाय्‍ह्‌ती प्रभु येसुइ लयः स्‍यान्आथास ओउःत झ्‍यान्‍ते ङाइ लयःकोः काम् धुःतीलेः जाङ्‌ह्‌ती ‘अरुकायः बयःती ह्र्यात् मान्‍तालम्‌कायः लव्‍ह्‌काय्‌सा खेःतो’ त छ्यानःनेःआलाङ्‌स” त दाय्‍ह्‌ती पावुल्इ तोआथास।

खबरदुत 5:41

फेआक्‌तीको ओउः छ्युङ्‌ह्ओमयःलम् सभासै ग्‍ल्‍युङ्‌ह्‌ती “लौ येसुकोः कुरा तोसाकायः परमेस्‍वर्‌इ ङीकायः लीह्‌सीःओ च्‍यवःसा ताक्आतय्‍ही बा” त चोङाय्‌तीलेः पाय्‍ह्आकाय्।

खबरदुत 8:4

ओहाङःसैको ओउः रुनःधती क्रव्ओ ङ्‌हाम्ओमयःइ इःताङ् उःताङ् आल्‌ती येसुकोः पेओ कुरा थोल्‍ह्‌ती तोआकानी।

खबरदुत 9:16

ङाकोः काम् जाङ्‌ह्‌साकायः ओउःइ आन लीह्‌सीःओ च्‍यवःसा खेःनाः इत ङाइ ओउःकायः चीःताक्‌लेःनाङः” त दाय्‍ह्‌ती प्रभु येसुइ हननायाकायः तोआथै।

१ कोरीन्‍थी 9:18

ओउःत झ्‍यान्‍ते ङाकोः काम् जाङ्‌ह्‌झ्‍याङ्‌कोः दोह्‌लो दाय्‍ह्‌सा ङाइ दोःसा खेःओ पैसा त्‍याक्‌माःतलेः ख्रीस्‌कोः पेओ समचार्‌ थोल्‍ह्‌ती सोह्‌कायः तोसा खाय्‌नाङः ओउःलेः ङाकोः जाङ्‌ह्‌झ्‍याङ्‌कोःआः।

२ कोरीन्‍थी 12:13

अरु ङ्‌हाम्ओलम्‌कःहाङः जाङ्‌ह्ओ काम्‌लम्‌पाय् नीङ्‌कःहाङः गाव्‌खे जाङ्‌ह्आक्‌नेःनाङ्‌सल दोह् दोह् हायःआक्‌नेःनाङ्‌सल सबै जाङ्‌ह्आलाङः बा। नीङ्‌कःसै जेःगा तुङ्‌गाकोः पैसा त्‍याक्‌ङल ओउः ह हायःआक्‌नेःनाङ्‌सल। आने ङाइ त्‍याक्‌ङल त खेःया लौ ओउःत हायःओ पेनाःया पेलया।

२ कोरीन्‍थी 4:5

ङीइ थोल्‍ह्‌ती तोओपाय् लयःकायः ताङ्‌ह्‌ताक्‌ती तोओलेः खेःङीसीली ओउःपाय् खेःल “येसु ख्रीस्‌पाय् ङीकोः प्रभु लेःआः” तमा थोल्‍ह्‌ती तोमानाङःसु। फेरी “येसुकोः काम् जाङ्‌ह्‌साकायः नीङ्‌कोः नोकरीपाय् ङी लेःआः” तमा तोमानाङःसु।

फीलीपी 2:9

ओउःत झ्‍यान्‍ते परमेस्‍वर्‌इ ओउःकायः आन ताङ्‌ह्‌ताक्आथै ओउःकोः मय्‍ङ् “सबैसै पेलेःनाः” त तोआथै।

कोलसी 1:24

नीङ्‌कायः पेतो स्‍याव्‌सा थेङा ङा लीह्‌तो गोरःसा त खेःया चोङाय्‌तीलेः मुनाङः दोह् हायःती दाय्‍ह्‌सा ख्रीस्‌कोः आङ् त तोओ सबै ङ्‌हाम्ओलम्‌कायः ख्रीस्‌कोः लीह्ओ दोह् दोह् दाह्‌धाङ्‌माःत मुलेःनाः ओउः लीह्ओलेः ङाइ द्याह् लयःकोः आङ्इलेः दप्‌साकायः गोरःनाङः।

३ युहना 1:8

ओउःत खेःओ ङी ख्रीस्‌कायः ङ्‌हाम्ओलम्‌पाय् ओउःमयःकायः लव्‍ह्‌ती बयःसा खेःनाःतय्‍ही। ओहाङःसै ङी ओउःमयःकुस् परमेस्‍वर्‌कोः दोङ् कुराकोः काम् जाङ्‌ह्‌नाःतय्‍ह्‌नी।

प्रकाश 2:3

नाङ्‌पाय् ब्‍ल्‍यवःमाःत काम् जाङ्‌ह्‌तीमा लीह्‌सीःओ च्‍यवःतीमा ग्रमःत मुतेःआ ओउःतमा चीःलेःनाङः।