२ तीमोथी 4:20 - चेपाङ

²⁰ एरास्‍तस् कोरीन्‍थ सहर्‌हाङः मुआ। त्रोफीमस् जीक्‌ती मुती झ्‍यान्‍ते ओउःकायः ङाइ मीलेतस् सहर्‌हाङः एङ्‌ती मुसाकायः फेआलाङः।

२ तीमोथी 4:20 ပူးပေါင်းရင်းမြစ်များ

खबरदुत 18:1

ओहाङःसैको पावुल्‌पाय् आथेन्‍स् सहर्‌सै आल्‌ती कोरीन्‍थ त तोओ सहर्‌ताङ् वाङ्आ।

खबरदुत 18:8

ओहाङःसैको ओउः थनःओ कीम्‌कोः ताङ्‌ह्ओ मान्‍ता क्रीस्‍पुस् त तोओमा ओउःकोः लयःकोः कीम्‌कोः मान्‍तालम्‌मा सबैइ प्रभु येसुकोः कुरा ङ्‌हाम्आकानी। कोरीन्‍थ सहर्‌हाङःमा नाःतो अरु मान्‍तालम्इ पावुल्इ स्‍यान्ओ कुरा सायःती ङ्‌हाम्‌ती बाप्‍तीस्‍मा त्‍याक्आकानी।

खबरदुत 19:22

एत दाय्‍ह्आक्‌तीको तीमोथी एरास्‍तस् त तोओ ओउःकोः साथीनीस्‌खेकायः मासीदोनीयाताङ् ङ्‌हा ल्‍होक्आक्‌तीको पावुल्‌खे आखया जील्‍लाकोः एफेसस् सहर्‌हाङः मुधाङ्आ।

खबरदुत 20:15

मीतीलेनेसै आल्‌ती अनम्‍ह्‌कोः स्‍याङ्‌ह्‌लोहाङः खीओस् त तोओ च्‍योल्‌ती चीत्‌सैलोहाङः सामोस् त तोओहाङः दाह्आलाङी। सामोस्‌सै आल्‌ती क्‍याम्‌सैलोहाङः एफेसस् सहर्‌हाङः च्‍योल्‌ती ङी मीलेतस् सहर्‌ताङ् दाह्आलाङी।

खबरदुत 20:17

एफेसस् सहर्‌ताङ् च्‍योल्‌सापाय् च्‍योल्‌ङीतो मीलेतस्‌हाङः दाह्‌ती मुतोक्‌हाङः ओउः एफेसस्‌हाङः मुओ ङ्‌हाम्ओलम्‌कोः ताङ्‌ह्ओ थालवःपालम्‌कायः पावुल्इ लयःकःताङ् गोत्आथास।

खबरदुत 20:4

पाय्‍ह्‌ती आल्‌तोक्‌हाङःपाय् बेरोया सहर्‌सै वाङ्ओ पीह्रुस् त मय्‍ङ्ओकोः चोः सोपातर्‌ त तोओ पावुल्‌कुस् आल्आ। फेरी थेसालोनीकासै वाङ्ओ आरीस्‍तार्‌कस्‌मा सेकुन्‍दस्‌मा देर्‌बे सहर्‌कोः गायुस्‌मा तीमोथीमा असीया देस्‌कोः त्‍युखीकुस्‌मा त्रोफीमस्‌मा

खबरदुत 21:29

अनम्‍ह्‌लो यात्‌चाक् एफेसस्‌सै वाङ्ओ त्रोफीमस् त तोओ एलेनी मान्‍ता पावुल्‌कुस् सहर्‌हाङः वाह्ओ च्‍यवःआकानी। च्‍यवःआक्‌तीको “यात्‌चाक् एलेनी मान्‍ता ङीकोः मन्‍दीर्‌हाङः पोस्आकान्” त ताःती म्‍हर्‌ओ खेःतो।

रोमी 16:23

ङाइ मुओ कीम्‌कोः आपा गायुस्इमा नमस्‍ते ल्‍होक्‌तेःनै। ओउःकोः कीम्‌हाङःपाय् इहाङःकोः ङ्‌हाम्ओमयः सबै थनःती वाङ्‌नै। इ सहर्‌कोः पैसा थेङ्ओ एरास्‍तस्इमा क्‍वार्‌तस्इमा नीङ्‌कायः नमस्‍ते ल्‍होक्‌लेःनै।