२ तीमोथी 3:1 - चेपाङ

¹ ल्‍हाव्‍ह्‌दैबाङ्‌कोः द्युम्‌खेःओ दीन्‌लम्‌हाङः आन पेमालो लीह्‌सीःओ दीन् वाङ्‌लेःनाः ओउःत नाङ्इ चीःसा खेःतो।

२ तीमोथी 3:1 ပူးပေါင်းရင်းမြစ်များ

२ तीमोथी 4:3

लोने वाङ्‌सा बेलाहाङः मान्‍तालम्इ दोङ् कुरापाय् सायःसा ग्‍यामालो स्‍याव्‌नै। ओउःमयःइ लयः झाक्ओ कुरा स्‍यान्ओलम् आन वानःनानी दोह् हायःती दाय्‍ह्‌सा ओउःमयःइ लयः मोह्‌हाय्ओ जाङ्‌ह्‌सा बोङःनानी।

२ पत्रुस् 3:3

ल्‍हाव्‍ह्‌दैबाङ्‌कोः द्युम्‌खेःओ दीन्‌लम्‌हाङः लयःकोः ल्‍हुङ्‌कोः रेव्‌तो मोह्‌हाय्ओ काम् जाङ्‌ह्ओलम् थानै त नीङ्इ ङ्‌हालेः चीःसा खेःतो। ओउः मान्‍तालम्इ ङ्‌हाम्ओलम्‌कायः हेला क्‍लाःती

१ युहना 2:18

लौ हौलम्‌य ल्‍हाव्‍ह्‌दैबाङ्‌कोः पुत्ओ दीन्‌लम् दाह्‌खयःनाः। “ख्रीस्‌कोः बीरोत् वाङ्‌नाः” त तोओ सायःतेःआकानी। द्याह्‌पाय् ख्रीस्‌कोः बीरोत्‌लम् नाःतोलेः वाङ्आकाय् ओउःत झ्‍यान्‍ते ओउः ल्‍हाव्‍ह्‌दैबाङ्‌कोः लोन्‌दोकोः दीन् “वाङ्‌खयःआ” त चीःनाःतय्‍ह्‌नी।

यहुदा 1:17

ओउःमयःखेइ ओउःतलेः हायःनानी लौ ङाइ राप्ओलम्‌य नाङ्‌खेइ ङीकोः प्रभु येसु ख्रीस्इ छ्युङ्‌ह्ओ ल्‍होक्ओमयःलम्इ तोओ कुरा द्याह् गीलती मुन

यहुदा 1:18

“लौ ओउः लोनेकोः दीन्‌लम्‌हाङः लयःकोः ल्‍हुङ्‌कोः रेव्‌तो मोह्‌हाय्ओ जाङ्‌ह्ओलम् थाती परमेस्‍वर्‌कोः कुराकायः आन हेला क्‍लाःलाङ् वाङ्‌नै” त दाय्‍ह्‌ती तोओ कुरा नीङ् गीलती घीःती मुसा खेःतो।