२ तीमोथी 2:20 - चेपाङ

²⁰ ताङ्‌ह्ओ कीम्‌हाङः नाःतो खाल्‌कोः माल्‌ताल्‌लम् मुनाः। यात्‌नीस्‌खे सुन् चान्‍दीकोः जाङ्‌ह्ओलेः मुनाः अरुखे साः सीङःकोः जाङ्‌ह्ओ लेःआः कोय्‌खे पेओ काम्‌कायः जाङ्‌ह्ओलेः अरुखे क्रीसीःओ काम्‌कायः जाङ्‌ह्ओलेः।

२ तीमोथी 2:20 ပူးပေါင်းရင်းမြစ်များ

युहना 8:49

“खेःल बा। ङापाय् लान्इ ब्रःताक्ओ खेःबाय्‌ङल। ङाखेइ लयःकोः आपाकायः ताङ्‌ह्‌ताक्‌ङोतो नीङ्‌खेइ ङाकायः मीतेःताक्‌तेःनेःनाङ्‌स बा।

रोमी 9:20

लौ नाङ्‌पाय् मान्‍ता ह खेःतेःनाः गत हायःतीतेः परमेस्‍वर्‌इ तोओकायः काय्‌काय्‌ती त्‍याङ्‌सा म्‍हर्‌तेःचाः। पोम् जाङ्‌ह्ओ मान्‍ताकायःपाय् पोम्इलेः “लौ दोह् हायःतीतेः ङाकायः एतलेः जाङ्‌ह्‌तेःनाःची” त दाय्‍ह्‌ती तोउलु।

१ कोरीन्‍थी 3:9

ङीखे परमेस्‍वर्‌कोः खेत्‌ल्‍यालो लेखा मुनै नीङ्‌खे परमेस्‍वर्‌इ दोक्ओ राङ्‌लो लेखामा मुतेःनै। नीङ्‌पाय् परमेस्‍वर्‌इ जाङ्‌ह्ओ कीम्‌लो लेखामा मुतेःनै।

२ कोरीन्‍थी 4:7

ङीपाय् ध्‍यव्ओ मान्‍तालम् खेःनाङी। ओउःतलेः खेःङीतो ओउःत पेओ ल्‍हुङ् थोङ्‌ताक्‌सा कुरापाय् परमेस्‍वर्‌इ ङीकायः बयःती झ्‍यान्‍ते ङीकोः ग्‍वम्‌पाय् जुदालेः परमेस्‍वर्‌सै दोःओआः ङीकःसै खेःल त छ्यानःनौ।

एफेसस् 2:22

नीङ्‌मा सबैकुस् परमेस्‍वर्‌कोः ग्‍वालामःइ परमेस्‍वर्‌कोः याक्‌सा कीम् जाङ्‌ह्‌नौ।

१ तीमोथी 3:15

खेःल ङा रेन्‍ह्‌तोलेः वाङ्‌सा दोःङल त खेःया इ चेतीकोः कुरा पह्रआक्‌तीको परमेस्‍वर्‌कोः चोःयाङ्‌लम् त तोओ ङ्‌हाम्ओमयःकःहाङः “गत हायःसा पेलेःनाः” त चीःसा खाय्‌तेःनानी। माः रैस ओउः जीङः नाःओ परमेस्‍वर्‌कोः ङ्‌हाम्ओमयःकःहाङः ओउःकोः दोङ् कुरा सेती गम्ओ लेःआः।

१ पत्रुस् 2:5

फेरी ओउः परमेस्‍वर्‌कोः कीम्‌हाङः देती गम्‌सा बाङ्‌लो लेखालेः नीङ् जीङः नाःओलम्‌पाय् छ्युङ्‌ह्ओलेःतेः इ। परमेस्‍वर्‌कायः म्रोताक्‌सा पेओ कुरा ल्‍हासाकायः नीङ् येसु ख्रीस्इ छ्युङ्‌ह्ओ पुरोहीत्‌लो लेखा स्‍याव्‌तेःनै।