२ थेसलोनिकि 2:11 - चेपाङ

¹¹ दोङ् कुरा ओउःमयः झाक्इली त खेःया परमेस्‍वर्‌इ माःओ कुराकायः ङ्‌हाम्ओ ल्‍हुङ् बयःनाःथास।

२ थेसलोनिकि 2:11 ပူးပေါင်းရင်းမြစ်များ

मत्ती 24:11

ओहाङःसैको नाःतो माःती तोओलम् ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त दाय्‍ह्‌ती वाङ्‌ती ओउःमयःइ स्‍यान्ओ कुरा नाःतोलम्इ ङ्‌हाम्‌नानी

मत्ती 24:5

लोन्‍ते नाःतो मान्‍तालम् ‘लौ ओउः वाङ्‌सा खेःओ चाक्‌पाय् ङा लेःआः ङ’ त दाय्‍ह्‌ती माःती ङाकोः मय्‍ङ् पेह्‌ती वाङ्‌नै ओउःमयः दाय्‍ह्ओ कुरा नाःतो मान्‍तालम्इ ङ्‌हाम्‌नानी।

रोमी 1:28

ओहाङःसै ओउः मान्‍तालम्इ परमेस्‍वर्‌कोः कुरापाय् ल्‍हुङ्‌हाङः सेती गम्‌सा ग्‍याइली त झ्‍यान्‍ते परमेस्‍वर्‌इ “लौ ओउःमयः ल्‍हुङ्‌तुक्‌हाङः रेव्‌पै” त दाय्‍ह्‌ती ओउःमयःइ रेव्ओ काम् जाङ्‌ह्‌साकायः फेआथास।

१ थेसलोनिकि 2:3

नीङ्‌कायः स्‍यान्ओहाङः ङीइ ब्रःतोलेः तोमाङुसुलु ल्‍हुङ्‌हाङः रेव्ओ म्‍हर्‌तीमा माःतीमा तोमाङुसुलु।

१ तीमोथी 4:1

“लोनेः स्‍याव्‌सा बेलाहाङः यात्‌नीस्‌चाक्इ ख्रीस्‌कायः ङ्‌हाम्ओ फेनानी” त दाय्‍ह्‌ती परमेस्‍वर्‌कोः ग्‍वालामःइ दोङ्‌ह्‌तोलेः तोआकान्। ओउः मान्‍तालम्इपाय् दोङ् कुरा फेती लान्इ बयःओ माःती तोओ कुरा ह सायःनानी।

२ तीमोथी 4:4

ओहाङःसैको वानःआक्‌तीको ओउःमयःइ दोङ् कुरा फेती उय्‍ह्‌लेकोः आह्रे भाङःती नोःओ ल्‍हाक्‌राय्‌लम् सायःनानी।