२ पत्रुस् 3:18 - चेपाङ

¹⁸ लौ ङीकायः दल्‌ताक्ओ प्रभु येसु ख्रीस्इ नीङ्‌कायः न्‍हाङ्‌तोलेः बयःती ओउःकोः ल्‍हुङ्‌तुक् चीःताक्‌लेःपै। देङीमा गलकायःमा ङीकोः प्रभु जुगाङ् ताङ्‌ह्‌तोलेः स्‍याव्‌पाः। लौ ओउःतलेः स्‍याव्‌पाः।

२ पत्रुस् 3:18 ပူးပေါင်းရင်းမြစ်များ

मत्ती 28:20

ङाइ तोआ कुरा सबै स्‍यान्उसु दा। लौ इ ल्‍हाव्‍ह्‌दैबाङ्‌कोः द्युम्ओ बेलाहाङःमा गलकायःमा ङापाय् नीङ्‌कुस् मुलेःनाङः बा” त दाय्‍ह्‌ती येसुइ तोआथास।

मत्ती 6:13

ङीकायः सैतान्‌सै दल्‌ताक्‌ती रेव्‌तो जाङ्‌ह्‌साकायः ताक्‌तेःचाःताङी’ त दाय्‍ह्‌ती परमेस्‍वर्‌कायः तोसाआः।

युहना 17:3

दोःआक्‌तीको ओउः जीङः दोःओलम्इ नाङ् दोङ् परमेस्‍वर्‌कायःमा नाङ्इ ल्‍होक्ओ येसु ख्रीस्‌कायःमा पेतो तय्‍ह्‌नानी।

युहना 5:23

बयःआक्‌तीको आपालो लेखा एङःतो चोःकायःमा एङःतोलेः स्‍याव्‌नाः। सुसुइ चोःकायः एङःथाल ओउःइलेः चोः ल्‍होक्ओ आपाकायःमा एङःथाल।

रोमी 11:36

दोह् हायःती दाय्‍ह्‌सा थोक्‌लम्‌पाय् जुदालेः ओउःइलेः जाङ्‌ह्आकान्। फेरी सबै थोक्‌लम् ओउःइ तेन्‌छ्याङ्‌मा गम्‌लेःनौ सबै लयःकायःलेः जाङ्‌ह्ओ खेःतो। ओउः परमेस्‍वर्‌कायः गलकायःमा मानओमा ताङ्‌ह्‌ताक्ओमा स्‍याव्‌पाः। माःहै ओउःतलेः स्‍याव्‌पाः।

२ कोरीन्‍थी 4:6

परमेस्‍वर्‌इलेः “लौ च्‍याक्ओहाङः थोङ्‌तो स्‍याव्‌पाः” त दाय्‍ह्‌ती तोओआः बा ओउः परमेस्‍वर्‌इपाय् ङीकोः ल्‍हुङ्‌मा थोङ्‌ताक्आताङी। ओहाङःसैको ओउः थोङ्ओपाय् येसु ख्रीस्‌कोः खेन्‌सै वाङ्‌ती परमेस्‍वर्‌ गुच्‍युक् पेओमा ताङ्‌ह्ओमा त चीःताक्‌नाःताङी।

एफेसस् 1:17

ङीकोः प्रभु येसु ख्रीस्‌कोः ताङ्‌ह्ओ परमेस्‍वर्‌ आपाकः तेतोक्‌हाङः दोह् कुरा तोनेःनाङ्‌स दाय्‍ह्‌सा ओउःइ लयः छ्यानःसा थेङामा नीङ्‌कायः व्‍हाय्‌तो चीःताक्‌सा थेङामा “लौ नाङ्‌कोः ग्‍वालामःपाय् बयःउसु” त आन परमेस्‍वर्‌कः तेती तोलेःनाङः।

एफेसस् 4:15

ङी दोङ् कुराखे अरुलम्‌कायः राप्‌तोलेः नोःती ङीकायः स्‍यालःओ ख्रीस्‌लो लेखा ताङ्‌ह्‌नाःतय्‍ही। ओउःखेपाय् तालाङ्‌लो लेखा मुनाः

फीलीपी 3:8

इ कुरामा सबै ल्‍हाव्‍ह्‌दैबाङ्‌कोः पेओ कुरामा “आह्रे लेःआः” त म्‍हर्‌ती जुगाङ् फेती वाय्आलाङः। ओहाङःसै ओउः न्‍हाङ्‌तोलेः पेओ कुरापाय् ङाकोः प्रभु येसु ख्रीस्‌कायः तय्‍ह्‌सा दोःनाङः। ख्रीस्‌कोः मान्‍ता स्‍याव्‌साकायः सबै अरु कुराकायः “आह्रे वाय्‌सा खेःओ धान्‍ह्‌लम्‌लो लेखालेः” त म्‍हर्‌ती फेती वाय्आलाङः बा

कोलसी 1:10

ओहाङःसैको परमेस्‍वर्‌ झाक्ओ कुरापाय् न्‍हाङ्‌तोलेः चीःती नीङ्इ सबै पेओ काम्‌लम् जाङ्‌ह्‌तीलेः वाह्‌ती झ्‍यान्‍ते ओउःकायः गलकायःमा म्रोताक्‌सा खाय्‌तेःनानी।

कोलसी 3:10

रौ जीङःमा रौ ल्‍हुङ्‌तुक्‌मा दोःतेःआकाय्। ओउः रौ ल्‍हुङ्‌तुक्‌पाय् परमेस्‍वर्‌इ लयःकोः ल्‍हुङ्‌तुक्‌लो लेखालेः जाङ्‌ह्‌ती मुनाः त झ्‍यान्‍ते जुगाङ् व्‍हाय्ओ ल्‍हुङ्‌तुक् लेःआः।

२ थेसलोनिकि 1:3

लौ पुःचोङ् हौचोङ्‌य नीङ्इ ङ्‌हाम्‌सापाय् न्‍हाङ्‌तोलेःतेः ङ्‌हाम्‌तेःनानी। लयःमयःकायः राप्‌सापाय् न्‍हाङ्‌तोलेःतेः राप्‌काय्‌तेःनै ओउःत झ्‍यान्‍ते ङीइ परमेस्‍वर्‌कायः गलमा “च्‍युता” त तोसा खेःनाङी।

२ तीमोथी 4:18

माः रैस ओउःसैमा प्रभुइ दल्‌ताक्आताङः। ङाकायः सबै रेव्ओसै दल्‌ती प्रभुइ लयःकोः लाङ्‌काकोः राजीहाङः लोने पेतोलेः वानःनाःताङः। ओउःकायः गलकायःमा ताङ्‌ह्‌लेःनाः त मनःती तोपानानी। माः ओउःतलेः स्‍याव्‌पाः दै।

१ पत्रुस् 2:2

रेः चोःलम् योङ्‌क्राय्‌ती दुत् तुङ्‌सा आन ग्‍यानै ओउःलो लेखालेः नीङ्‌मा परमेस्‍वर्‌कोः पेओ नोःराय्‌कायः ल्‍हुङ्‌हाङः सेती गम्‌सा ग्‍यातेःपै। ओहाङःसैको रौ जीङः दोःआक्‌तीको नीङ् न्‍हाङ्‌तोलेः छय्‍ङ्‌तो स्‍याव्‌ती रेव्ओसै दल्‌तेःनै।

२ पत्रुस् 1:11

फेरी ङीकायः दल्‌ताक्ओ प्रभु येसु ख्रीस्‌कोः गलमा वाय्‌मालो राजीहाङः पोक्‌ती मुसाकायः ङी जुगाङ् पेतोलेः दोःनाःतय्‍ही।

२ पत्रुस् 1:2

परमेस्‍वर्‌कायःमा ङीकोः प्रभु येसुकायःमा पेतो तय्‍ह्‌तेःपानी ओहाङःसैको नीङ्‌कायः प्रभुइ आन योनःती योती ल्‍हुङ् धोमाय्‌ताक्‌तेःपै।

२ पत्रुस् 1:3

ओउःकोः काम् जाङ्‌ह्‌ती पेतो वाह्‌ताक्‌सा थेङा परमेस्‍वर्‌इ ङीकायः दोह् दोह् चाहनाः ओउःलेः लयःकोः ग्‍वम्इ बयःआतय्‍ही। ओउःकायः तय्‍ह्आक्‌तीको ङी ओउःकुस् पेओमा ताङ्‌ह्ओ स्‍याव्‌नाःतय्‍ही एत हायःसाकायः ओउःइ गोत्आतय्‍ही।

२ पत्रुस् 1:8

एत न्‍हाङ्‌तोलेः हायःसा जुगाङ् चाहनाः उया नीङ्‌कोः परमेस्‍वर्‌कायः जाङ्‌ह्ओ काम्‌पाय् लोल। फेरी एत हायःती नीङ् पेतोलेः वाह्‌तेःनै त खेःया ङीकोः प्रभु येसु ख्रीस्‌कोः कुरा व्‍हाय्‌तोलेःतेः जाङ्‌ह्‌सा खाय्‌तेःनानी।

२ पत्रुस् 2:20

ओउःमयःइ ङीकायः दल्‌ताक्‌सा प्रभु येसु ख्रीस् तय्‍ह्आक्‌तीको ओहाङःसै ल्‍हाव्‍ह्‌दैबाङ्‌कोः रेव्‌ताक्ओ कुरा फेआक्‌तीको फेरी ओउः कुराकायः जाङ्‌ह्‌सा द्यान्‍ह्‌नै त खेःया ओउःमयः ङ्‌हाहाङःसै न्‍हाङ्‌तोलेः पेमालो स्‍याव्‌नै।

यहुदा 1:25

ङीकायः दल्‌ताक्‌सा यातैज्‍योः परमेस्‍वर्‌कायः ङीकोः प्रभु येसु ख्रीस्‌कुस्इलेः जुगाङ् ताङ्‌ह्ओ पेओ ग्‍वम् नाःओलेः ङ्‌हामा द्याह्‌मा लोनेःकायःमा मुताक्‌पाः। ओउःतलेः स्‍याव्‌पाः दै।

प्रकाश 1:6

ङीकायः ओउःकोः राजीकोः मान्‍तालम् स्‍याव्‌ताक्‌ती “लौ ङाकोः परमेस्‍वर्‌ आपाकायः मानपानी” त दाय्‍ह्‌ती ङीकायः पुरोहीत् जाङ्‌ह्आतय्‍ही। ओउः येसु ख्रीस्‌कायःपाय् गलकायःमा ग्‍वम् नाःती ताङ्‌ह्‌तोलेः मुपाः। माः क्‍याने ओउःतलेः स्‍याव्‌पाः।