२ पत्रुस् 3:17 - चेपाङ

¹⁷ लौ उया ङाइ राप्ओलम्‌य इ कुरा चीःतेःनानी ओउःत झ्‍यान्‍ते धय्‌ती मुन। ओहाङःसैको रेव्ओ काम् जाङ्‌ह्ओलम्इ पेमालो कुरा स्‍यान्‌ती नाङ्‌कायः ब्रःताक्‌सामा दोङ् कुरा ग्रमःतलेः ङ्‌हाम्ओकायः फेताक्‌सामा खाय्‌तेःइली।

२ पत्रुस् 3:17 ပူးပေါင်းရင်းမြစ်များ

मत्ती 16:11

मेस्‌लोहाङः फरीसीमा सादुकीकोः लाङ् त्‍याक्‌तेःचानी त दाय्‍ह्‌ती तोतोक्‌हाङः ङाइ दोङ् जेःसा लाङ्‌कोः कुरा तोङल बा दोह् हायःतीतेः चीःतेःधाङ्‌तेःनीली। फरीसीमा सादुकीकोः लाङ् फेताक्‌सा ओखोत् त्‍याक्‌तेःचानी” त दाय्‍ह्‌ती येसुइ तोआथास।

मत्ती 16:6

ओहाङःसैको “लौ नीङ्इपाय् धय्‌ती योसा खेःतेःइतो। फरीसीमा सादुकीकोः लाङ् फेताक्‌सा ओखोत् त्‍याक्‌तेःचानी” त दाय्‍ह्‌ती येसुइ गानाक्‌ती तोथासतो

मत्ती 7:15

सु ना सु मान्‍तालम्इ ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त दाय्‍ह्‌ती माःतीलेः तोती वाङ्‌नै ओउःखेकायः पेतो योती धय्‌ती मुन ओउःमयःकायः योओ सायःओ बेलाहाङः ‘इ मान्‍तापाय् पेओलेः’ त ताःसीःनाः यादो खेःल ओउःमयःकोः ल्‍हुङ्‌तुक् जुगाङ् पेल।

युहना 16:4

ओहाङःसैको ओउः पेमालो हायःतोक्‌हाङः ‘लौ एतलेः तोआतय्‍ही बा’ त नीङ्इ गीलसा थेङा ङाइ द्याह् तोनेःनाङ्‌स। ङ्‌हासै ङा नीङ्‌कुस् मुधाङ्ओ बेलाहाङः ओउः कुरा तोआक्‌नाङ्‌सल।

खबरदुत 2:42

ओउःमयः तोहा ङ्‌हाम्ओ मान्‍तालम्इ येसुकोः छ्युङ्‌ह्ओमयःकुस् वाह्‌ती लाङ् फन्‍ह्‌ती जेःती परमेस्‍वर्‌कायः तेती तोतीमा मुआकाय् येसुकोः छ्युङ्‌ह्ओमयःइ स्‍यान्ओ कुरा सायःतीमा मुआकाय्।

रोमी 16:18

ओउःत हायःओलम्इपाय् ङीकोः प्रभु ख्रीस्‌कोः काम्‌खे जाङ्‌ह्‌नीली लयःकोः रेव्ओ ल्‍हुङ्‌कोः कुराखे जाङ्‌ह्‌लेःनानी। ङोस्‌तोमा फोल्‍यावःतो नोःओइमा ओउःमयःइ माःती झ्‍यान्‍ते व्‍हक्‌मालो ल्‍हुङ् नाःओलम्‌कायः ल्‍हुङ् रेव्‌ताक्‌नानी।

१ कोरीन्‍थी 10:12

ओउःत झ्‍यान्‍ते सुसु “लौ ङा पेतो ग्रमःत मुनाङः” त ताःतेःचै ओउःपाय् घीःती मुसाआः। नीङ् घीःती मुतेःइली त खेःया वाय्‌तोतेः स्‍याव्‌तेःचनै।

१ कोरीन्‍थी 15:58

लौ उया ङाइ राप्ओ पुःचोङ् हौचोङ्‌य ग्रमःत मुती प्रभुकोः काम्‌पाय् गलकायःमा पेतो म्‍ह्याङ्‌तीलेः जाङ्‌ह्‌झुङ्‌नु दा ओउःपाय् आह्रे काम् खेःबाय्‌ल।

२ कोरीन्‍थी 11:3

नीङ्‌पाय् ख्रीस्‌कायः ह ङाइ धयःती गम्‌ङोतो उय्‍ह्‌लेकोः हवा त तोओलो लेखालेः सैतान्इ नीङ्‌कायःमा थ्‍योन्‍ह्‌ती माःती तोतेःनै ओहाङःसै नीङ्इ ख्रीस्‌कायः पेतो छय्‍ङ्‌तो ङ्‌हाम्ओपाय् फेनानी यादो त रैती म्‍हर्‌नाङः।

गालाती 5:4

ऐन्‌कोः कुरा जाङ्‌ह्‌ती परमेस्‍वर्‌कोः मीक्‌हाङः पेतो स्‍याव्‌सा बोङःतेःनानी त झ्‍यान्‍ते नीङ्इ ख्रीस्‌कःसै जुगाङ्‌लेः वेङःतेःआकानी ओउःइ नीङ्‌खेकायः द्याह् योनःती योतेःइली।

एफेसस् 4:14

ओउःत स्‍याव्आक्‌तीको ङीपाय् व्‍हाय्‌धाङ्‌मालो हौलम्‌लो लेखा खेःतय्‍हीली। मारुःइ साङ्‌ह्‌ताक्ओ तीःलो लेखालेः इहाङः उहाङः स्‍यान्‌लाङ् आल्‌मामाःत पेमालो मान्‍ताकोः माःती स्‍यान्ओ कुराखे ङ्‌हाम्‌मामाःत

फीलीपी 3:2

ओउः पेमालो स्‍याल्‌लो लेखा स्‍याव्ओ मान्‍तालम्‌कः घीःती मुन दा। ओउःमयःइपाय् आन पेमालो हायःती “यहुदीलम्‌कोः चीन्‍ह जाङ्‌ह्‌सा खेःतो” दाय्‍ह्‌ती लयःकोः आङ्‌लम् तात्‌नाःइसी।

कोलसी 2:5

ङा नीङ्‌कुस् आङ्‌खेहाङः मुङल नीङ्‌कायः ल्‍हुङ्‌खेहाङः च्‍यवःनेःनाङ्‌स। “ओउःमयः ग्रपक्‌त पेतोलेः ग्रमःत मुती ख्रीस्‌कायः पेतो ङ्‌हाम्‌नानी” त चीःती चोङाय्‌नाङः।

कोलसी 2:8

अरु मान्‍ताकोः माःती तोओ स्‍यान्‌राय् सायःतेःचानी ओउःमयःइ स्‍यान्ओ कुरा आह्रे लेःआः। ओउः कुरापाय् ल्‍हाव्‍ह्‌दैबाङ्‌कोः मान्‍ताइ जवओ द्यव्‌ताकोः कुरा ह ख्रीस्इ बयःओ खेःल।

२ तीमोथी 4:15

नाङ्इमा ओउःकायः धय्‌ती योउ ओउःइपाय् ङाइ थोल्‍ह्‌ती तोओ कुराकायः आन त्‍याःती तोआकान्।

हेब्रैनी 3:14

ङी लोनेःकोः वाङ्‌सा खेःओ दीन्‌च्‍युक्‌कायः ङ्‌हालो लेखालेः येसुकोः ङ्‌हाम्‌सीःओ कुरा ग्रमःतलेः ङ्‌हाम्‌ती मुनाःतय्‍ही त खेःया ङी येसुकुस् ब्राङ्‌तोलेः मुसा दोःनाःतय्‍ही।

१ पत्रुस् 5:9

ओउःकायः सायःमामाःत परमेस्‍वर्‌कायः ङ्‌हाम्‌ती ग्रमःत मुन। ल्‍हाव्‍ह्‌दैबाङ्‌हाङः गाःहाङः खेःयामा नीङ्‌कोः ङ्‌हाम्ओ पुःचोङ् हौचोङ्‌लम्‌मा नीङ्‌लो लेखालेः लीह्‌सीःओ गोरःनानी एत चीःती ल्‍हुङ् घ्‍युम्‌तेःचै।

२ पत्रुस् 2:7

ओउः पेओ मान्‍ता लोत् त तोओकायःमा परमेस्‍वर्‌इ सोदोम्‌सै दल्‌ताक्आथै। लोत्‌पाय् ओउः सहर्‌नीस्‌कोः मान्‍तालम्इ जुगाङ् क्रीसीःओ रेव्‌तो हायःओ दीन्‌का दीन् च्‍यवःती झ्‍यान्‍ते आन ल्‍हुङ् लीह्‌ती मुओ।

२ पत्रुस् 3:1

लौ ङाइ राप्ओ मान्‍तालम्‌य इ चेतीकुस् ङाइ नीस्‌ज्‍योःलेः लेखनेःआलाङ्‌स। “ओउःमयः ङ्‌हा चीःओ दोङ् छय्‍ङ्ओ कुरापाय् ल्‍हुङ्‌हाङः गीलताक्‌सा खेःतो” त दाय्‍ह्‌ती ओउःनीस् चेती लेखनेःआलाङ्‌स।

प्रकाश 2:5

नाङ् ङ्‌हापाय् गुच्‍युक् पेतोतेः खेःतो त ल्‍हुङ्‌हाङः साक्आयःसा खेःतो। नाङ्इ ल्‍हुङ् द्यान्‍ह्‌ती ङ्‌हापाय् गतलोतेः पेतो हायःतेःउतो ओउःतलेः द्याह्‌मा हायःउ दा। नाङ्इ द्याह्‌हाङःसै हायःतेःउलु त खेःया नाङ्‌कोः बत्तीकोः तेव्‌केरासै त्‍युत्‌ती वाय्‌लाङ् वाङ्‌नाङः।